K11搵食點-Al Pasha

兩個問題：
一、你有無食過新疆菜？
二、大家覺唔覺得K11唔好行？
好，我先答...... 第二個問題：覺！

(copy自友人的友人blog)
K11，唔知點解好似無咩o野行（可能只因自己無錢~）。同事話佢風水唔好，地面有個小花園，那裡可以貫穿河內道和麼地道，結果d人就係咁樣流走o西......
係真係假，唔知啦~~ 只知道我o地一致認為如無必要，大家係唔會去K11，除非...... 去搵食。
好似我先前介紹過gei Paul Lafayet，係會令我去K11 gei~~ 今次多多間，係Al Pasha。
而佢正正幫我解答埋第一個問題：有，第一次就係奉獻o左俾呢間喇~~

間舖感覺好傳統~ 臨入去前有侍應要我o地「金盆洗水」，佢話呢個係當地人食飯前會做ga wor~~ 幾搞笑~ （根本係純粹整濕，唔係洗~）

頭盤食o左個牙籤羊肉，唔~~ 好香~ 一送來聞到已叫人流口水！入口都好正，好香口。

仲有個薄餅，有雞心豆蓉、乳酪同唔記得乜o野醬俾你蘸~ 個餅ok啦，個人愛個雞心豆蓉多D，淡淡中，有陣意想不到的香。
（由於間o野太黑~ 單憑我gei低能攝影技術... 我決定唔影~ 所以之後d o野食都無影到喇。

）
個Menu裡面仲有好多特別食材，如兔肉、駝鳥肉及馬肉，另有許多特式絲路菜。
而我就繼續點...... 磨菇薄餅、新疆烤餅配雞肝醬及橄欖醬、燒羊肉串、麻辣雞絲沙律...... 整體味道有80分~
最最最正係有人會定時跳肚皮舞

！好好feel，一出場開晒射燈，三位靚靚女士走來走去，在你面前扭下擰下~ 以平均消費約$200而言，食氣氛都ok啦！
** 想試，一定要book檯！

Al Pasha
尖沙咀河內道18號K11購物藝術館401舖
3122 4444