October 28, 2010

再遇上Harlan's - 頭盤及主菜篇

因為採訪關係,我便順道受公關F邀請來Harlan's試菜。

老實講,開頭唔係好情願,因為有年的聖誕在前Harlan's(以前位
處ifc)過,經驗奇差,剛剛失戀,跟好友想著到靚餐廳吃個fine
dinner,填補心靈空虛,誰知除了那維港景叫人滿意外,由店內氣氛、服務以至食物,無一滿足,反之吃到一吐氣。每人承惠$1,xxx,本來不貴,但條
氣唔順,令成件事印象差差差差!

不過現在搬了去The
One的Harlan's確實係唔同o左,我問係咪轉了廚師,公關F說店內大廚轉了。Anyway,未至於非去不可的情度,但至少值得一去。因為首先環境
幾好,有室內和露天,室內設落地玻璃,好開揚,不過因為樓層高,太陽直曬,夏天來恐怕佢gei冷氣都頂唔順~~
(個日我去都幾熱~仲知唔好坐近門口位就ok~~)

有d嘈,可能因為呢日好爆,但整體都算舒服gei~~

這是午餐set,$168起,由自助頭盤任食parma同iberico ham,不算貴。不過當日因為來試菜,所以我們都是散叫。

菌湯。我唔係幾欣賞,一來熱得過份,一路飲一路"辣"口,唔係幾過癮。二來菇菌味麻麻。

Carpaccio。OK~ 牛肉鮮嫩,清怡好吃。

兩食三文魚。前面的是慢煮,三文魚肉質嫩滑,好鮮;後面的是煙三文魚,正常,無慢煮咁好食。

番茄蝦天使麵。好得!我平時最憎食天使麵,但呢個係自家製,好爽好彈,好吃。個汁都做得唔錯,幾醒胃。

西班牙豬三式。最矜貴,用西班牙黑毛豬的面頰、豬頸肉和豬腳來做,用豬腳做的terrine最好食,有嚼勁,有富甜香;其次係豬頸肉,簡單拿來燒,逼出油分,幾惹味。

呢個係咩來呢?燈...燈...燈...櫈...... 看下圖~~

是湯浸三文魚~~~ 個湯... 麻麻,無乜味;但個魚可能係慢慢浸熟gei關係,好嫩、好滑,吃得出原味~ 特別係當日我已經食o左N咁多道菜,突然來口清清的,最好不過了~~

吃完,之後我同阿廚做訪問。雖然我唔多喜歡個大廚,因為他極唔合作,又無禮貌,但他對餐廳的貢獻倒是值得捧場的~ (反正你們去食都不用對住他啦!)整體而言,除了前菜、主菜,她的甜品都唔錯,下回再分解啦!


Harlan's

尖沙咀彌敦道100號The ONE 19樓

2972 2222

No comments:

Post a Comment

Translate