冷風至，一行三人─高編、編輯、小記（亦即係我），去了旺角食煲仔飯。
煲仔飯癡肯定會鬧：有無搞錯！旺角邊有好煲仔飯食！
我知我知，西環有坤記、銅鑼灣有新翠華、上環有永合成，但，我想試間未試過的。同埋講個事實你知，其實今次不過係為做題目而成行，我們要追尋的，未必是全港最好食的煲仔飯，而係最有heart gei煲仔飯~
呢d咁深奧gei問題，都係出自大老闆個腦，所以你問我乜味道唔係同心機掛勾咩？我都唔知點答你好。
Anyway，本身我o地好想去油麻地四季煲仔飯，見無乜media講過，更想去，點知去到條人龍已經企滿成條鴉打街。（好食jei，唔使咁癲呀？）於是遞卡片，諗住約o左訪問先，點知俾老闆拒絕，話要低調。
佢仲講o左句：我d煲仔飯好食，d人食過自然會返來，唔使報導。
更重要係，佢好鬼nice，話唔做訪問都答o左我o地好多問題~ 所以我決定用誠意打動佢，星期六再去過！
咁我o地之後就去o左旺角新濤園。（聽聞ok咋~）
煲仔飯十幾款，皆為傳統款式，臘腸田雞、北菇滑雞、咸魚肉餅等。
飯來了！
由於我們三人都是《飲食x女》出身，所以不其然就係度自問自答：
「個美味標準係咩？」
「要有飯焦，飯焦要金黃色，唔可以黑焦掉；要易刮出來，吃到飯香煲香......」
「喂，唔該！食餐飯jei，唔好理乜鬼標準，自己覺得好食就得啦~~」
又係喎....... 結果我們就好快咁消掉上述的三款煲仔飯+炒菜。
結論係：吊詭。雖然佢唔係用炭爐，但煲香十足（當然有賴個用了N年的瓦煲）；飯焦難刮，又硬，有些更焦了，但好香焦味。唔錯wor~~~
不過論用料就麻麻地，咸魚唔靚，雞件亦當然唔會係新鮮貨。但，對於坐在outdoor的我們，又無放工作o向身，咁樣食又確實幾好feel。
唔....... 如果大家排唔到四季煲仔飯，或者受唔住坤記gei氣（個度d人態度麻麻），又超想嚐煲仔香，來呢度頂住先啦~~
但為了篇稿...... 唔理！我星期六一定要試到四季煲仔飯！排到胃痛都要食到！
新濤園茶餐廳
旺角豉油街108號地下
2782 6334
No comments:
Post a Comment