February 15, 2013

請花在重點上。

年廿九病到年初四,這個婚後第一個農曆新年,慘!

在家休息期間,回想起婚禮上的種種,加上跟一位blogger傾完電話,談起花錢的細節,想到了這篇blog文,希望可以和準新娘分享我的心得。



結婚前,我和個個準新娘一樣,事事想最好、最完美。


但當發現世界太現實,然金錢有限之際,就會開始放下界線,叫自己讓步。


之後,又以為有些事情死不退讓,就是所講的堅持,卻原來這些堅持是多餘的。


所以,作為過來人,我由衷地勸告各位budget有限的準新娘,千萬不要盲目 / 硬頸 / 港女式地堅持所有東西都要盡善盡美,因為世上總沒完美。


以下是我認為不需要多花錢的checklist,你可以唔睇 / 唔信 / 唔跟,反正是用你的錢,但若然你如我般銀彈有限,不想為賓客不會重視(甚至連見都見唔到)的事情花功夫,那不妨一看作參考。


都是那句吧,不爽的請不要看下去;自問事事執著的也不要看;覺得過唔到自己個關亦不要看;甚至認為為了取悅自己是無價的話,請立即離開此文,免得閣下忍不住留言大罵。





1.     婚紗鞋 呢個真係不見天,除非你著見到腳的裙,或喜歡條婚紗o拿得勁高,否則真的不見意花錢、花時間去挑昂貴的。**順帶一提,不要輕易相信別人說選高一點的高跟婚紗鞋會較好看,一來無人會睇到,二來是真的不會顯得你特別好看,而只會令雙腳白受罪。


2.     褂鞋 跟以上同理。


3.      什麼褂后、5千元一套的褂,well,大部分賓客只會從相片 / video中看到你當時穿褂的樣子(除非你迎賓時穿),所以,只要選一套金銀線分明、立體、金多過紅的褂便已經可以拍出好看照片(喜歡潮褂另計),況且也有賴攝影師,技術好,拍什麼都好看(基本上$1000已經有好質量的,過多兩年通脹也是另計)。


4.     頭飾 見過不少人喜歡搜羅頭飾,唔……可能我認為結婚相長青最緊要,所以我不建議加太誇張的頭飾;而且參加過有加大量頭飾的新娘的婚禮,從不見好評,倒不如簡單點,選來能夠襯托禮服的一兩朵花已經很好看。


5.     禮服 唔該,真係唔好貪package
/
貪心選來67件晚裝,無人記得ga!(選得不好仲要俾人評彈,簡直浪費心思,自己又趕頭趕命,無謂~ **我共3套衫,即當晚進行時換2套都已經趕到飛起!)不如省回點錢,精選23套,讓人難忘,不是更好乎?


6.     男禮 更更更是沒人為意的一環,一套,寧願換不同配襯飾物,更能畫龍點晴。


7.     回禮禮物 macaron,賓客:「咁甜!」送小擺設,賓客:「都無用gei~」送有主人家人像的日曆,賓客:「唔係呀嘛?(之後爆笑)」吃力不討好,而且往往花費不菲,寧願省回作場地佈置(←呢個真係唔慳得~~)。


8.     花球 同理,無人會留意。當天結完婚,問返朋友,無人記得我的花球是怎樣,只記得是白色。唔……我知道好多準新娘都超級重視花球,只是,可以的話,不用選太貴的。


9.     Menu如果你選的酒店做菜本已出色,基本上不用刻意加錢upgrade menu;如果你選的酒店本身質素麻麻,再upgrade也是徒然,反正賓客都不會抱期望去飲宴唷~~


10. 證婚的種種 戒婚枕、簽命筆,哈哈~ 我看回照片,一張都影唔到,檯下的人更枉論看到,就算你支筆會閃、寫完曉飛,其實都不過是10分鐘內的事,唔...... 我就不會用錢在這裡,更唔使旨意我會浪費時間DIY(太唔值喇!)。


******

而值得花錢的地方,個人認為有以下幾樣(可能有甩漏,但暫只想到這幾項):

1. 場地佈置 -- 真係要花思請人design(特別是做printed backdrop的,不要靠deco公司,她們真的流水作業到不行!!!);不要貪平為join package而不用print backdrop(printed佈景deco公司不能reuse,所以收得特別貴),總知,應洗得洗,只要配合到婚禮個theme,多少錢都值得花。

2. Candy Corner -- 我不特別贊成人擺candy corner,不過如果你真的擺置,請找高手製作和做decorate,千萬不要懶醒,找人做來cupcake / 結婚蛋糕後自己佈置,好易"瀨"野~ 我剛剛見證一個,主人家是有心思的,自己做了點cupcake和曲奇,另外又找人做結婚蛋糕,但由於2者水準有別,加上是自行設置,放在一起,即時大扣分,預期攞o黎搞,不如唔整,一整就應該整到最好最靚,唔好慳,亦唔好自以為好有心思。

3. 婚紗 -- 大家都明啦,一生人一次穿婚紗,當然不能慳。但額外想講的是,你最好穿上它來迎賓,否則只為march in而穿,就好像浪費了一點。(我明白,難得一生人可以做一次主角 / 公主,總是想多穿點不同的,讓照片有多點視效,但,過眼雲煙的事又有怎能使人難忘?)

4. 主人家禮服 -- 媽咪 / 奶奶 / 外母,話曬自己嫁女 / 娶媳婦,怎也要有點臉子,誰都想穿得美,為此也不能省,況且大多數媽媽上了年紀 / 體態變胖,較難穿得好看,故更要花心思去找和配襯~~ 請不要嫌煩,她們不過是希望配合到大會,然許多時不知自己穿什麼才合適、好看啊~~ 所以做子女的,就花點時間吧,就算特地為她們做一套其實都值得。





記得,別奢想別人如你般在乎,因為真正在乎婚禮上細節的人(正確來說,是只有你才留意到的細節),從來只有你,even你先生也不會留意到(所以大多數男人都不會落手去搞這些事情),不如,把錢放在大圍事情上,所獲得的效果可能更大。

祝各位好運和順利唷~~

16 comments:

  1. 追咗你個blog一段時間, 呢篇blog令我忍唔住留第一個言 XD

    好認同你上一part可以慳返嘅items.
    可能我本身比較男仔頭又真係budget有限.
    所以我都打算會咁做.
    但同朋友透露過少少idea後(eg 擺酒著一婚紗一晚裝算)
    已經被單打!

    雖然我都打算堅持己見, 但而家覺得原來有人support呢件事麵幾開心!!

    ReplyDelete
  2. All the points 100% agree with you! My Wedding Party 90% is match with your sharing!!

    ReplyDelete
  3. 新年快樂呀!! 完全同意你1-10 項 (雖然我都身痕, 整左m&m回禮), 籌備的時候樣樣都想要, 但過後那些小細節很多時只有自己知道, 當日效果不如理想心裡仲要多條刺, 有時真係要放開d, 哈哈!!

    ReplyDelete
  4. 一路睇一路微笑 基本上我的意見跟你相同, 哈哈!!!
    對婚紗鞋是兩百幾的平貨(好舒服!!), 掛鞋仲平, 仲一物兩用著埋來襯紅色的敬酒服!
    1WG+2EG+掛, 換衫只係滿足新娘的貪靚慾望, HAHA
    無回禮禮物! 無DIY 任何東西 (懶兼無天份!)

    ReplyDelete
  5. 哈, 當年我揀左全店最平的褂, 400幾, 紅多過金, 我反而覺得金得滯似鐵甲人
    婚紗就買左好貴...

    ReplyDelete
  6. 蕙食廚房 - Cat's kitchenFebruary 22, 2013 at 7:22 PM

    完全同意!! 另外我覺得video都可以慳, 雖然係影得好好, 但係睇過兩三次就唔會再睇, 但係相就會睇得多啲

    ReplyDelete
  7. 言語治療師加英文教師CarleyFebruary 25, 2013 at 6:44 PM

    哈哈,我和你剛好相反,一點也不追求完美,只想簡簡單單的完成婚禮便算了,因為如你所說,我總覺得,好多野根本沒人會留意呀!

    ReplyDelete
  8. 非常非常有用的文!多謝你呀!
    BTW,遲來的祝福,新年快樂!祝你和你家人身體健康, 萬事如意!

    ReplyDelete
  9. TOTALLY AGREE !!

    PUSH !!

    ReplyDelete
  10. 十分應同~~~ 希望未結婚既準新娘明白箇中道理~

    ReplyDelete
  11. MI小米小米MIMarch 9, 2013 at 5:55 PM

    親愛的,你說得再簡單到Point了沒有,太好了~我正好需要~

    ReplyDelete
  12. 值得參考,我又學多在野

    ReplyDelete
  13. 認同婚紗鞋和回禮禮物

    ReplyDelete
  14. 你好呀 我叫cammy a 我看左你個blog都一段時間架拉 ;) hahha多謝你嘅sharing…我下年尾就結婚拉 而家好多野都籌備中 勁迷惘 可能身邊朋友仲未結婚 好多野都唔知…唔知你介唔介意sd你個個結婚籌備ge list比我作參考呢…~^^~多謝你嘅幫忙 祝你永遠幸福快樂 我嘅email add 係cammymi1515@yahoo.com.hk

    ReplyDelete
  15. 好開心找到你呢個BLOG呀,我覺得獲益良多,TKS!

    ReplyDelete

Translate