September 25, 2011

十個決定

今天和陳生好俾心機咁計劃北京遊行程,心中暗暗下了十個決定:

1. 食唔停!一定要食三間以上烤鴨店,仲要喪食餃子、炸醬麵;
2. 唔住鬼屋四合院,但會在四合院餐廳感受下;
3. 點都要行至少一次北京超市;
4. 吃一頓京版麥記;
5. 升旗...... 唔好預我;
6. 可以的話,希望可以上一上完長城就走人,我唔想行到無o左隻腳!
7. 唔食西餐(麥記不是西餐麼!);
8. 必食宵夜,仲要買返酒店慢慢食;
9. 在王府井大街夜市試足十款小吃;
10. 天安門出面怒跑。

嘻嘻,諗起都期待......

大部分行程已定,好快就可以開始book餐廳了,可惜許多餐廳都不設網上訂檯,難道要打電話去?

唔...... 京版普通話的強勁R音我驚自己聽唔明bor......

睇睇下,點解我好像總是圍繞食?

「你去北京就是為了食?」陳生。
「對呀,我減得咁辛苦,影完相當然要放肆下!」我。
「我知,但我們去之前點都要認識下每個主要建築物的歷史呀,如果唔係去到就唔知睇乜......」陳生。
「我不是文人唷,你看完去到話我知咪得lor~~」我。
......

轉頭我又在揭旅遊書飲食的一部分了。

哈~~

No comments:

Post a Comment

Translate