July 8, 2021

【懷孕記事】27周 第二胎+創業絕對不輕鬆

望望日曆,原來仲有3個月就生了。

第二胎的確沒這麼緊張,什麼用品也未買,每天記掛的就是工作。

就是因為離開了傳媒的正職生活,每星期都有不同工作要你費神,人更加不能亂。加上做網商,每天都要睇住堆貨、望住盤數,唔似得有份正職做又三十六唔做又三十六,所以無論陀住個B幾重幾攰,都係要搬貨、出貨。


其實我挺enjoy這種自己控制工作時間的日子,多勞多得,又可以多些時間陪小D,她陸續有很多小一面試,對我來說辭去正職是非常正確的決定。

不過這種工作模式也很講求你的自律性,要懂得管控每天的時間表,亦因此好多人在IG inbox問我「你係點樣一日做咁多嘢」。

早上整早餐畀小D、溫書(同時出post)
下午小D lunch後送返學
之後有幾個鐘me time
買餸、打稿、訪問、出貨、整post、做家務
接小D、沖涼、煮飯
等陳生回來一起晚餐
同小D講故事、陪玩或練下小一面試
小D睡後又是另一個me time......

事在人為吧,以上種種相比起以前在雜誌工作,現在的忙都是可以自己調配,相對彈性得多(就係無老細不斷chur你已經差好遠)。

對於網商,我仍有其他想法,好想explore更多好的產品、其他銷售地點,好想同人可以面對面多些互動,講解多些有關我的選擇....... 

不過一望住個肚,有時的確無奈,因為那種累是無法死捱就可以,加上有胎盤前置,醫生再三叮囑要小心,又愈來愈多個夜晚失眠,我就決定利用這段時間找新產品,到我生完、坐完月、料理好一家大細,就嘗試開拓新市場。

唔知得唔得,不過唔試過又點知?

Translate