第一次

這個周末我們經歷了多個第一次......

第一次食日式鐵板燒，看著火光熊熊，喝著你和我都不太好的清酒......

第一次食brunch，品嚐飽極不堪的狀態，冒著狂嘔之險，吃著你不愛的生蠔......

第一次在你家打邊爐，灼著美極的手切牛肉、手打魚球，飽得連芒果糯米糍也沒能擠下......

我相信，未來我們將有更多個第一次。

不知道，你會否如我般無限期待？

出奇好味的Page One

好Out地一直都唔知又一城page one原來是有cafe的~~

早幾日和他拍拖，睇完Expendables，他就帶我試，估唔到咁得！

一入去，已經聞到好香好香gei白汁忌廉味，叫本來咕咕聲的肚子更肚餓~~ （但個陣係5pm，當下午茶也未免太誇張了~ 哈哈）

結果我o地跟人叫了忌廉汁雞肉意粉 $65 (連飲品)~ 雞肉煎過，好香口，有heart之作！個汁，稠度適中，意粉亦烚得剛好，好好味呀！係略嫌份量少了點jei~

煎雞翼，稍遜啦~ 但熱辣辣，食佢新鮮都唔錯！

那天我還點了杯水蜜挑沙冰，超級解渴~~ 叫是日好滿滿滿滿足呀！

Page One Cafe

九龍塘達之路80號又一城LG1層30號舖

2778 2808

煩死人

近期發覺，港鐵車廂內最嘈的，不是小孩，不是師奶，亦不是阿婆阿伯......

大家估下是什麼？

‧

‧

‧

是...... 港鐵播音員。

究竟是香港人真的愛貼住車門，還是愛在車內食o野？令港鐵非要在每個站重複說著同一番話不可？

想提醒乘客不是問題，但不用太大聲吧。

去台灣，人家都是方言、國語、英語三種，但聲音柔和，細而清楚，絕不如香港，聽著ipod，仍可清晰聽到她每站「叫」三次（三種語言）「請勿靠近車門」。

煩！煩！煩！

就等同那班老人家同小孩一樣，台灣捷運都有老嫩乘客，但他們就是不會坐在對鄰隔空談話、不會跑來跑去、不會拿著扶手扮體操王子......

Help！我只想安然地坐頓車返工，可唔可以呀？

想像隱憂

你知道我的隱憂嗎？

我曾低能的想：究竟如何將我的定力轉移給你？

是的，你可說我不相信你，但同時，我也不相信自己罷了。

男人，我信過多少遍了？最後，還不是一樣麼？

又或者是，我比多少人欺騙過了？是否，我有著什麼問題麼？

只是連你，這麼的一個好男人，我也曾看見你如何哄著別個女人......

到這刻，想起，依然苦澀，那痛心，你何曾想像？

沒能，因你沒試過，這是福氣。

我只想聽一些動聽話，讓我平伏；再多謊話也沒所謂，只要不讓我知道。

一段關係，何時不曾這樣？

近期最掂的buffet

因題目關係，昨日行了大半天西環，人很累，很累。

今天決定以胃口滿足勞累。幸好，港島香格里拉Cafe Too沒有令我失望，仲進步o左咁多，抵讚！

午餐Buffet一點也不平，星期一至五$318位，但食物好豐富，仲好抵食。

抵食位一：多action counter

漢堡包的漢堡是用鐵板即製的~~

即拉擔擔麵。

個擔擔麵我要正常辣，好得！個麵好滑~~

淮陽小籠包都係即包即蒸ga~~

另外仲有即撈沙律、粉麵、炒貴刁（好味到暈）、即包手卷、點心等~~

抵食位二：特別食物多！

花旗蔘竹絲雞，我真係見住佢用大燉爐燉的~ 正！

淮陽counter，有好多傳統前菜，碟碟都好好味~ 正在細細碟，可以試多幾款。

樟茶鴨，好味好嫩呀！

我都忍不住吃了好多！

抵食位三：甜品款式勁多！

大路的芝士餅、朱古力瑞士卷、草莓mousse cake...... 齊曬。

但仲有杏仁糊x雞蛋布甸、菠蘿批、酒釀丸子、即製蛋卷等~~~ 見到已經好震撼！

仲有中式甜品... 睇下個deco，幾靚~~

另外仲有pancake、雪糕，雪糕是haagen dazs，共12款，超多，回本！

生果，精選，除菠蘿西瓜草莓，仲有蜜瓜哈蜜瓜，款款都甜~

抵食位四：回本、一般菜也多~~

海南雞飯~ 超迷你，只係一支叉咁長ja！

好多海鮮，三點蟹、鮮蝦、螺...... 夜晚仲會有龍蝦。

壽司，好新鮮~ 大部份即整gei~ 當中仲有d卷物、手卷，款式特多，誠意所在。

沙律都有6、7款，全部水準唔錯。

而中西熱葷連印度菜，則各自有6、7款，都唔少，食到一半已經好叻。

夜晚就每位$468（好似係，總知四百到尾），都值得食。

Cafe Too 

金鐘金鐘道88號太古廣場2座港島香格里拉酒店7樓

2820 8571