【孕之日常】10個抑鬱的原因

懷孕37周

足月lu～～ 聽說臨生前的最後一個月，肚子會大得好快。

的確，我現在的肚子已經不斷以半圓形狀向外伸展，之前還合穿的衣服已經變得好窄。

幾周前，我個樣……仲好正常…… 之後……

腫到呢……

這段期間，亦令我開始明白點解（部分）孕婦會有產前及產後抑鬱…… 

基本上除了我的樣子唔係太走樣而值得可喜可賀外，以下10點有時確實令我默默黯然……

1. 臉的2旁像腮脹一樣，仲好容易擠出個雙下巴～
2. 部分身體膚色變黑，特別是腋下，令我完全唔想照鏡！
3. 手指關節痛到沒命，腫了都算，半夜會痛醒，醒來仲會發現手指屈曲著張不開（哭）
4. 簡單的一個起床動作都要做好多次，因為腰太痛喇 >口<;
5. 咁大個肚頂住，可以想像我連「烏」低身執o野 + 剪腳甲都成問題……
6. 膝蓋像個90歲老人家，無力+爆痛 *O*
7. 成日感冒（係lor，我都唔知點解我成日感冒，雖說孕婦抵抗力較弱，但我的媽媽級朋友都話無我咁誇，差不多2星期感冒一次！）
8. 看著別人吃壽司飲清酒而我只能吃意粉……（well，這不是近期的事，只是來到孕期最後階段，seems like咩都食得之際，有些就是不能吃以免前功盡廢的感覺，還是頹頹的……）
9. 好易喊，基本上係螢光幕上見人喊我都會眼濕濕。
10. 胎動到躁底。有時她真會踢到我發脾氣，因為力度很大，間唔中肚子會被她郁到呈梯形，完全不受控制！

一腫……每隻腳內藏一顆雞蛋。

二腫，前幾日影，我係近乎行唔到……（知喇，唔好食咁鹹呀嘛，我無食得好鹹呀，ok！）

本身條腿已經唔係幼，如果咁腫落去而生完都唔會消得幾多的話，咁就慘慘豬了……

呻呻呻，都不是沒有心理準備，只是到身體真的要承受起來時，也蠻難受的。

呻呻呻，但我還是期待她的來臨（都說了我不是母愛偉大個type啦）；

又雖然我有很多事情開始擔心，但想到這個mission impossible快要完結，心底還是鬆一口氣。

不少媽媽說：第時你就會好懷念她在你肚內的日子。

未生，真心唔知，不過暫時我只想快點完成這個孕期，好好開展新一頁，做回一個「正常人」。

明天開始放產假了，心在納悶：沒有稿打的日子、沒有會開的日子、沒有同事在身邊呱呱叫的日子，我會怎樣？

應該會悶斃，但身體已經響起警號要我休息……

那好吧，我的假期，一個真正的假期就開始囉～