食狂回歸

我知最近寫少o左食稿而引起某些blogger嘀咕......

我明gei，始終個blog叫飲食狂人，自己一開始又打正旗號寫飲食嘛，怎能不寫食blog~~（雖然會睇的人不多）

現在拍完婚照，會正常飲食，又會就去係咁試餐廳喇~~（像今日我就一口氣吃了2碟咕嚕肉，完全係失控！）

所以，係下星期臨去北京之前，我點都會寫食blog啊~~

呵呵，愛吃的人來湊湊吧。

見諒

這幾天一邊打食稿，一邊想：究竟讀者會否看厭？

其實有時有些PR都會問我：Daphne，你平日的工作已經是寫飲食，現在連blog也以飲食為主，你悶唔悶o架？

我都唔知。

只是連這些日子我也開始想，究竟悶唔悶呢？究竟膩唔膩？究竟係咪真係如我想像中咁值得人睇？

或者...... 是是我喜歡吧？

PR問：點解你咁鍾意寫飲食blog？

唔...... 純粹想分享。吃到一家好餐廳，想叫大家去試；吃到不好的，建議大家別去受氣，就是這樣簡單。

我愛分享好的、不好的，快樂的、傷心的，知道建立了一班固定讀者，便不自覺當了他/ 她們是朋友，想和他/ 她們談東論西罷了。

也許不是每一篇都合人口胃，亦未必每一篇好看如其他bloggers，但肯定的，是每一篇都用心和大家閒聊、溝通。

要是someday大家一如我開初的問題：感到納悶，請見諒，我也有做得不好的時候。