March 18, 2016

【男女之別】還是媽媽好

男女有別。

有說男人和女人來自不同星球,所以思維完全唔同。

相處哲學如是,對家人朋友態度如是,連應付小孩的做法亦如是。

短短2個月,我已經感受到媽媽總是比爸爸來得心思細密。

這樣說,全因自問「烏where」,一向不太注重家裡細節(簡單講,我係得個樣,跟料理生活的方式完全相反),陳生可不同了,對每件關乎屋企的事都很在意,務求打造一個安樂窩。

然而生了小D後,我變到前所未有的細心,那份呵護備至,是自己從未有過的。

餵奶時
爸爸:總是找一個自己最舒服的姿勢(害女兒飲到全身僵直)

 
媽媽:總是找一個女兒最舒服的姿勢(所以我好快便承受著背痛和手痛)

換片時
爸爸:總愛這時才跟小D玩,仲要「拿」起曬件衫見到肚皮+慢慢抹,拖到小D唔耐煩爆喊
媽媽:快手快腳,驚小D冷親

她哭時
爸爸:老是制止我,示意唔好急住抱,甚至唔好理(下?!)
媽媽:立時抱起又搖又呵


(真係捨得唔抱我?!唔係呀嘛……)

玩耍時
爸爸:最愛同小D做高難度動作(我真係驚會跌o左阿女落地),兼用手將她的臉擠成豬嘴(咁樣會流口水ga大佬!)
媽媽:阻止爸爸搞搞震,談心至上
 
 
(仲好鍾意同阿女一齊睇電視,神情好一致……然而其實咁細個唔好睇電視呀!!)
 
回想起來,有時幾好笑。

這個爸爸,有時像個大細路,童心未泯,叫我不得不提醒自己,緊張細的同時,也不要忘記關心「大的」,這樣才可繼續維持良好的夫妻關係。(仍在學習中,而陳生亦有投訴過我忽略了他……夫妻坦白是好事呢。)

帶孩子,每天都有需要學習的地方。

而也許,女人的天性就是著眼在微細處,而男性則放眼於whole picture,因此除了照顧小D,陳生在料理其他方面上還是井井有條,比我優越得多,這樣也是減輕媽媽負擔的一種呢。

7 comments:

  1. 哈哈,同我姑奶的情況一樣。不過,咁細個真係唔好睇電視玩電話,會影響智力發展。:)

    ReplyDelete
  2. So sweet!...My mummy tell me when I 哭時,
    my媽媽甚至唔理的...can see my tummy cry until become a bit blue color, that's why she say make my character become so strong now...LOL

    ReplyDelete
    Replies
    1. 嘩……唔係gra……我真係唔捨得~ 不過我都知咁樣可以train到bb唔好太扭抱,係要自己心腸硬d lor~ 否則好似我咁依家自己辛苦 :p

      Delete

Translate