講開wedding cake，咁我心水的wedding cake又是怎樣？
唔..... 首先當然是賣相，要美麗，襯到theme，更重要的是手工精細；什麼叫手工精細？無1000字篇幅實在很難說明，概括點說，就是沒有裂紋，整個筆直不歪，糖花做到傳神，可薄可厚。
其次是味道，我梗希望它好吃啦，我是飲食記者啊，才不要賓客吃到吐，只是要找一家做得好吃的不易。
再之，是可行性；我不想天花龍鳳，係都要弄個10層蛋糕，但運送時被KO了！所以天馬行空之餘，也要考慮是否易於運送，像糖花太大、太多層、太多裝飾等；你可知道人家都唔想整爛個蛋糕，但真係整爛o左都無計，已經差不多開show了，賠都賠唔返~~
思前想後，我還是覺得Cupcake Tower最適合。
它漂亮，要match the theme好易，且可以盡顯手工如何到家；一口一件，人人易吃；又不難運送...... 比較上。
難得在，一件件cupcake影完相仲可以當回禮禮物送俾客人，一物二用，惟辛苦班兄弟姊妹要幫手將cupcake入袋！
或者你會問：用cupcake咪無得切蛋糕lor？
又未必！頂層做個蛋糕好了，要切便切上面那個啦~~ 一樣可以做到很好的效果，賓客仲可能更有新鮮感tim~~ ^^
準新娘，會焗蛋糕的話自己來試試弄啦~ 怕太難，頂層的蛋糕就買回來吧，下面的cupcake自己搞掂，夠曬individual又有heart~~
不過...... 唔知到時我會唔會有時間整呢...... 我都幾想自己整d cupcake，但明明只是焗餅初哥...... =_=
以下這個是我從網上找回來的，很美，那架子也很特別，超喜歡！（那顏色也很愛，但就是不太襯我的theme~~）
嘩！這個！愛愛愛！很cute呢~~ 見到咁，係咪大家都好想整返個呢？
