大家見啦~ 戒指到手了！Yeah~~~~~
前文提過（可click這裡），我最後決定了去A Diamond度做戒指。
老實講，起初我對這店沒有百分百信心的，始終店面也太見不得人了吧，不過既然自己俾唔起幾萬蚊一對，就馬死落地行唷~
對於曾見幾位blogger說過她們做模做好耐（第一次去，講完要咩款，第二次再去就是試個模啊，最後先去拿完成品），試幾次都唔o岩心水，我是有點擔心的，但到自己親身幫襯又無問題喎，個模好o岩size，內裡做「卜」面，帶得舒服（不過我還是叫她們再「卜」多少少），好快就扑取，等成品。
而不用兩星期，完成品有喇！
好心急，好想即刻帶。陳生說：你等多19天吧，之後便將它帶一世。
我笑了。
******
不停地挑戰磅數，是近期的嗜好。
其實說到尾，是迥光反照吧，愈臨近婚禮，愈抗拒減肥，基本上係想放棄.......
不過我夜晚照吃菜+康寶莢奶粉，下午就放肆一點。
都說過，減肥時會將平時唔食的當係寶，點心係繼漢堡包後其中一樣。
這天採訪，聽歐陽應霽先生提起功夫點心，我和攝影師就去試，well，有驚喜~~~
點心選擇不多，傳統為主，蝦餃、燒賣、叉燒包，另有少量新派口味。
喜歡她蝦餃、燒賣可以逐粒叫，人少少正好，一人一粒。
也喜歡她新鮮，像下面這個蘿蔔餅，送來熱辣辣，外頭是炸饅頭，內裡是蘿蔔絲，又脆又香，是亮點！（記得，一定趁熱食，一凍就感覺有點油）
懷舊馬拉糕，淡淡甜味，棉密鬆軟，加上是迷你版，一個人吃三小件絕不成問題~~~
蝦餃內無筍，蝦肉也爽得沒了蝦味，勝在餃皮做得韌度不錯~~
燒賣，OK gei，新鮮熱辣已經夠讚啦~ 同埋我鍾意佢個樣夠傳統，唔會無啦啦整隻蝦在面頭。
膠粉，都好唔錯，腸皮很滑，不過內裡的蝦跟蝦餃同一問題吧~~
叉燒包，爆口而不漏餡，係有一個樣衰點罷~~ 汁醬香甜，是餡少了點。
整體來說頗不錯，點心出爐速度快，環境企理，服務就...... 事旦啦，每人埋單$50仲想點！（但始終覺得店子有點懶，竟然無叉燒酥...... :p）
叉燒包，爆口而不漏餡，係有一個樣衰點罷~~ 汁醬香甜，是餡少了點。
整體來說頗不錯，點心出爐速度快，環境企理，服務就...... 事旦啦，每人埋單$50仲想點！（但始終覺得店子有點懶，竟然無叉燒酥...... :p）
功夫點心
天后永興街21號地下及1樓
2802 2888
