September 28, 2010

穴位埋線減肥 - 第一回

減肥,試過好多種。

見節食唔掂、食藥唔得、運動無效之後,我今次選擇了中醫─穴位埋線。

這種療法是一種長效和便捷的治療方式,就是將用一種可被人體吸收的生物蛋白線物質(俗稱羊腸線)埋入穴位,使相應穴位可以長時間處於被按壓和受刺激的狀況,持續發揮效力,局部微循環在這種良性刺激下可不斷調整和修復。原理,就像長時間針灸一樣。

值得一提的,是當中所用的羊腸線不會永遠留在體內,它其實是常見於西醫外科手術,是種蛋白質物質,大約需
10至
14天時間便可完全被人體自然吸收、液化與分解。

穴位埋線療法的好處,是沒有任何副作用,對日常生活全沒受影響,但同時做到塑造身形、減肥瘦身等療效。(據醫師講)

剛過去的星期六我針了第一次,肚上下了7針,兩隻腳共6針,手6針。過程中幾痛,特別是上腹和小腿的一針,令人毛管直豎!一落床,腳在震,差點行不到!

做的時候一心為瘦,但就算唔成功,諗住可以順道去水腫、祛濕。但明顯地一切不如我想般順利。

做完的頭一天,6小時內盡量不要掂水,以免受感染。我好聽話,到第二朝先沖涼,不過整晚腳就是很酸痛,肚皮像是想撕裂開般,手又痺掉。可能因為潛意識就住睡覺,結果當晚瞓「黎」頸。

第二早,痛!近腳踝位置像拗柴般拉著痛,令行路怪怪的。另外手部無力,肚亦一如首天。

醫生說過有些人的酸痛、疼痛徵狀會持續2至3天,於是我就好期望星期一會好一點,但到半夜已經痛醒,要吃特效必利痛才舒緩一些,到朝早起床依舊。腳一下地便痛,全身沒什麼力,手仍是痺痛,慘過去死。

到現在黃昏,人好像有點發熱,上網找資料,據講有些人會有點低熱情況,且疼痛會持續起碼7天......

天呀!我什麼也不能做,唯有寄望明天會好一些,亦希望如願地瘦到啦。

p.s.
最對不起的是他,要他擔心到睡不著,要他陪我感受痛楚。他語重心長地叫我不要再弄了(suppose
2星期去整一次),我明白,但要是能瘦,我認為自己可以忍受的...... 不過,過了今次的疼痛期再說吧。

11 comments:

  1. 好多時都係身邊既人比自己更擔心......我都覺得係

    ReplyDelete
  2. 你依加係咪羊腸線呀? 幾錢一次呀 , 你係去美容院做定係中醫到做呀 ? 我都想整 , 不過你講到咁辛苦 , 又要考慮一下

    ReplyDelete
  3. 點解深圳貴咁多既要4000蚊 ? 係香港係1880 蚊一次呀? 要做幾多次呀 ? 我做FACIAL 個度話有中醫師做 , 要5000蚊一次包埋13次中藥

    ReplyDelete
  4. 咁好啦 , 等你減肥成功既好消息啦, 你依加幾多磅呀

    ReplyDelete
  5. 你係咪喺香港做架? 可以比D資料我嗎?

    ReplyDelete
  6. 你好呀...我想知你係邊度做架....我都好想做呀...
    係咪真 係好痛架...

    ReplyDelete
  7. 你好呀~我有興趣想試~請問幾錢和可否給我地址?~ 謝謝

    ReplyDelete
  8. 可以send啲資料俾我 嗎?
    vienna1012melvin@yahoo.com.hk

    ReplyDelete
  9. ...my god.. i make 24針,,, 係肚皮 一次過...>.<
    間野唔知係唔係有問題..

    ReplyDelete
  10. 希望work 啦.. 不過真係好可怕... 一次成20幾針...
    過左2week let u know ^ ^

    ReplyDelete
  11. 我都想試下, 但見你講到咁, 好驚, 我好怕痛架, 真係要再諗諗, 不過你d fd 好傻, 呢d野都夠膽返大陸做, 有乜事都冇得追究, 又山長水遠......!!!

    ReplyDelete

Translate