怪‧南瓜《南瓜焗雞肉飯》（附食譜）

題外話：結婚3個月，希望同老公繼續開開心心。

******

有減肥經驗的人都明白，減肥是要有目標，有限期的。

所以我不能當營養師 / 宇宙天使，她們就像中了毒，一生一世都在計卡路里、喝酵精，從此不能再吃壽司的人生，真的還精彩？（←不一定是壽司啦，沒得吃pizza、煲仔飯都好慘...... 皆因唐安麒小姐的宇宙飲食法中，肉+澱粉質是嚴禁的~）

所謂有限期，就是希望能2個月減10磅那種。

突然間，這2個月變得很漫長，似是一世都過不完，平時不特別喜歡吃的肥膩食物會一下子湧上心頭，「好想吃！」基本上是每天自言自語時必說的。

這刻，你會發現2個月其實長到死。

於是營養師 / 監督你減肥的人會同你講：2個月咋喎，你諗下，之後就可以食返pizza、漢堡包ga喇~~~

喇！這就是營養師賺錢的原因，待你減完10磅肥返12磅之後，她們就有生意做囉~！

.......

沒什麼，純粹看完Jamie Oliver，想起減肥的日子，鑽研好吃而不肥的食譜，和現在反彈的日子有感而發。

我想，我還是會永遠跟肥膏在一起。


******


黃澄澄的南瓜，unlike。

原因是，它有點似薯仔，但味道卻不像薯仔；它的甜，不真實，不似瓜。

這原因很奇怪，但我就是不喜歡。

相反老公愛爆，吃火鍋、吃串燒、吃天婦羅，都要點南瓜。

那，就做南瓜菜吧。

忘了在哪裡找到這款食譜，有我喜歡的雞，喜歡的焗飯元素，只是南瓜罷了，已經煮得稀巴爛.......

「沒問題吧，應該吃不出什麼。」我是這樣想，於是就煮起來。（其實味道是超濃啦！）


選南瓜，我愛本地 / 中國。

外型修長，其貌不揚，卻粉軟夠甜，不遜日本南瓜，何不幫襯自己人？


晚上，預備，煮多個菜，其實已經好豐富。




南瓜焗雞肉飯

雞胸 2隻（我在街市買，淨雞胸一個$16，好少的~~ 大家自行按人數定啦，也沒大所謂）

南瓜   1/2個

淡忌廉    100g

雞湯   約100g

麵粉   1湯匙

飯     隨意（最後個汁自己倒上去先焗的，所以汁不要過多，配合飯的分量就好，我就做了2.5碗的分量~）
芝士 隨意

做法：

1. 雞略醃，煎至微微金黃色至8成熟便可

2. 南瓜去皮切粒，放入微波爐叮4分鐘至綿身，之後用匙羹壓成蓉

3. 下點油，放南瓜進鑊，加上麵粉以慢火炒，然後加入淡忌廉煮成蓉，分次加入雞湯煮成南瓜汁

4. 將飯放焗盤，之後放雞件，淋上南瓜汁，鋪上芝士，入預熱了220度的焗爐焗15分鐘便成~~

減肥成果【三】：瘦腿與漢堡【推介BLT Burger】

唔知道你會點樣詮釋呢張相，不過我真係相信自己條腿終於難得地瘦了囉~

從來減肥最難的部分是瘦下身，特別是腿，所以減咁耐小腿的尺寸基本上無郁過，臀部反而是最大成果，差不多每星期1/4寸的瘦下去，大腿就慢一點，但有好過無。

穿不下的褲終於再次套在腳上，感覺是多麼的好。

不過這幾天的為食癮又來襲，無時無刻都想食o野，夜晚仲食菜食到想嘔，負面反應開始來lu，不難不令人擔心……希望個胃同個腦乖乖地，捱多一個月。

***

而我減肥時有個怪癖，就是平時不嗜吃的東西，一到減肥時便會在腦海浮現，其中一樣是漢堡。

如果大家有印象，上次我說去Hotel
ICON的Green時都點了漢堡包，之前跟陳生行完街就竟然見意吃BLT Burger，oh my god，真係估自己唔到。

餐牌不用多看，招牌BLT
Burger配薯條和可樂就好，反正「一係唔食，一食就唔好多多制肘」是我的宗旨！價錢不貴，$158已有交易~~

不過對於是Dining
Concept出品嘛，就是會有保留，自從上次吃畢BLT Steak，我已經同自己講唔好再浪費時間在這飲食集團上（佢同外國名廚crossover引進的餐廳例外！），今次坐下來，有點怕o徙quota，但身處LCX附近，其實吃漢堡包的選擇不多。

又所以話無期待自無失望，而且還值得一讚，漢堡size是合乎預期的，重點是漢堡扒用上100%美國頂級安格斯牛肉製造，牛味非常濃郁，每口幾近爆汁，肥與瘦肉調配得宜的成果，加上生熟度剛好，甘香豐腴，愛~~

讚完，無喇。

因為由漢堡包內的餡料、薯條到碟上的奇怪酸瓜伴碟都一般，薯條還要是半涼掉，明明爆場都能夠出到如斯質素，折服，莫非薯條都在下午時已經炸定？

Anyway，食飽，肥膩與油脂滿足完慾望，都開心o既~~

 

但究竟有無下次呢？Well，我蠻貪戀她的環境，風格跟紐約本店差不多，有jazz pub感覺，加上老外多，連帶現場在播足球，氣氛跟吃漢堡包是絕配。而且她的漢堡扒認真好吃，愛吃牛的人，應該會像我一樣放棄薯條。

 

BLT Burger

尖沙咀海運大廈3樓301號鋪

電話︰2730 2338

減肥成果【二】：十月中，過大禮

今天是值得開心的日子，因為：

1. 小女子過大禮
2. 終於輕過115lbs

特別要在此多謝未來老爺及奶奶，他們一早就為這天張羅，四處奔波，老爺手造送禮盒，奶奶親選靚椰子，沒想過收到後感覺是如此震撼和愉悅，真的有勞兩位了。

當然也要多謝婆婆、阿姨和舅母等人和我分享這喜悅。

早早來到我家，就是為迎接這刻，一起吱吱喳喳，屋企嘈到不得了。

是我已經忘記了歡鬧的日子，還是家人本應該如此融洽？自爸爸走後，家裡又因各事忙，好久沒試過如此多人聚首一堂，談天大笑。

起初是點不習慣，但後來又發現原來這份感覺如此熟悉和難得。

多謝你們。

******

至於瘦身嘛，一路都在用心進行，雖然偶有出軌的時候，但就當是調劑一下。

上次上磅116.6lbs，是上星期的事吧，今天114.6lbs，唔....... 我有懷疑過個磅唔準，因為昨天多吃了，而且一上去時竟磅出107lbs的驚人數字！

但之後再上落上落3次，都是114.6時，我估應該是這磅數了吧~~

何況另外一個指針磅是113lbs，電子磅通常比它磅出來的重1lbs，所以應該沒錯了。

我這條紅裙由本來差2寸才拉得起，現在已經可以輕鬆zip up，只差在下腹還有點緊~~~

繼續加油，希望可以減多4磅。

** 各位減肥中的準新娘，節食時會可能因吃得太少油份已減少去便便次數，這時不妨吃麒麟果，可以幫助派毒唷~~ 麒麟果是不平的，約$6x-$8x一個，但卻是排毒好幫手！

【減肥便當】愛鬥

有些女人天生愛鬥愛比較，鬥樣鬥名牌鬥有錢甚至鬥幸福。

曾經，中學有位好友，因經常跟我比較外表，被我臭罵一頓，我說：朋友，不是用這些來衡量的！

之後，疏遠了她。

後來身邊愈來愈多這些人，我開始懷疑自己的眼光，是我識朋友的方向出了問題，還是對方真的有問題。

不是什麼清高，要說潛藏在內心的嫉妒與比較，自問也經常有的，像羨慕人家份工啦，羨慕人家的身材啦，好些時候不明所以，發著「如果我是對方就好了」等的夢話。

重點是，你不會刻意去做什麼來傷害對方，亦不會因而討厭對方，或不想再跟對方做朋友，所謂良性比較 / 競爭就是看看有什麼可以學習（是學習，非跟風），然而有些人就是不會這樣想。

最白癡，是鬥幸福。

「乜咁o既o野都可以鬥？」呢D咪叫千奇百趣囉！

本來自己沒有在意，是身邊的朋友看到狀況，告之「有人和你在暗鬥呢」；再細意觀察，不全對，也對了一半，真搞不清這些人的心態！

到結婚了，零恭喜，反過來打給你「提醒」你應該懷疑未婚夫，說他或許有什麼隱瞞云云......（what da...... f~）

你說，這些還是朋友不？

大班朋友聚首談起，說這種人一有伴侶便輕視朋友地位，約都約到心灰意冷，而且每次見面真心交流欠奉，是朋友大忌，問我：「怎麼你可以容忍對方一而再再而三，我老早就沒興趣跟這些人打交道啦，都不會長大！」

對了，為何呢？

或者是我念在大家曾經歷許多，一起笑過哭過罵過痛過吧。

沒什麼，跟bridesmaid說罷是非後感，呻完。

** 多謝各位姊妹在bridesmaid gathering上的安撫與支持，I know you girls are the best and that's why you are my bridesmaid~~~ 還有，我很期待你們的bridal shower節目！

******

每天最豐富的便是午餐，所以一定要花多點心思，或是多變些，讓自己吃得開心點~~

是次有煙三文魚生菜卷，外層是印度薄餅，在Great買到，好飽肚，又易整，懶人良物唷~~



煙三文魚生菜卷

材料：

印度薄餅 1塊 (於大型超市有售，如無可用墨西哥薄餅代替~) 

三文魚汁 半湯匙 (加了香草的，在IKEA有售，好平) 

煙三文魚 1大片 (驚現IKEA買超抵，$6x / 200g，差不多有8-10片，而我每次只包一片，蛋白質不可過量唷~~)

即食牛油生菜 隨量 (大型百佳買到，一盒一個$2X，好食喎~)

做法：

1. 薄餅室溫放至軟 (你喜歡烘一烘它亦可, 但包裹煙三文時要確保它不是熱的~~)

2. 煙三文鋪平，均勻塗上三文魚汁

3. 放上生菜，包埋搞掂~

簡單到....... 真是獻醜了~~~（羞）

減肥成果【一】：九月中至十月頭

無錯，這雙大腳乃本人也，真的又粗又大，腳指因為從前著得尖頭鞋多而變得歪歪的，真令人不開胃。



但也要post出來，因為要告訴大家我的減肥成果囉~ （無理由只係係咁出減肥便當！）

9月1日開始減肥，整個月份斷斷續續，人又心急，試完辟穀，又試唐安麒四大天王餐，之後還是死死地氣跟返米施洛食法.......

來來回回，由最初123lbs，不完整地辟穀3日後減至120lbs，再之後又亂食o野，增磅完又再減，徘徊在118-120lbs的高位。

有天剛巧在街碰到好久不見朋友，原來她現在任職康寶萊。

曾見過她有近13x磅，大髀同我條腰差不多粗，但當天見她，已經減回初相識她時最fit的身型，雙腿超瘦，上身也瘦得恰到好處，原來她說是有朋友介紹去康寶萊減肥，她去試了，用3個月減了二十多磅，後來仲入埋去幫人減肥。（佢張卡片有減前減後相，好爆，一定會令你O咀，何況我識佢好多年，更加無辦法唔信~~）

聽後心癢癢，決定跟她減肥。（我登特試了，成功後才post出來跟大家分享啦~~~~）


康寶萊不像米施洛，不用join package的，但去到都係要度高磅重，知道曬手腳腰尺寸、飲食及生活習慣等，然後就評估要減幾多和怎樣減。

方法離不開控制飲食，店中有許多營養產品，如營養蛋白素、消脂片、甲穀素、蘆薈汁等，她們會按你需要減的磅數和飲食習慣來決定需要哪一種產品，像我，去磅時120lbs，要減10-11磅，她說只要改變早餐和晚餐食法就可，詳情如下：

早餐 - 飲營養蛋白素（其實類似奶粉，有草莓、黑朱古力、雲呢拿和曲奇味）

午餐 - 可隨意吃，但盡量清淡（就是吃我post的減肥便當啊~~~）

下午茶 - 水果

晚餐 - 多菜少肉戒澱粉質


↓↓↓營養蛋白素（$3xx）



每次2匙羹，加200ml溫水或冷水~~（個人覺得加凍水幾好味）



店子會送埋水杯俾你，因為可能要代埋晚餐，所以會俾多個小盒你帶營養蛋白素出街~~~

開頭一聽到早餐要飲奶粉，即係飲代餐啦，都好抗拒，但慶幸曲奇味好像OREO，味道不錯，可以助不能吃甜吃的我止止渴！

回家試了3天，減了3磅，好開心啦，但又開始心野，去了吃buffet和大閘蟹宴，結果一次過返返來~~

朋友在很失望的情況下，叫我一定要立定決心！（其實早就立了啦，不過9月是熱身，10月先開turbo咋嘛~ 我對減肥這回事一向很堅定的~~ ←自我催眠）

於是就叫我連晚餐都要吃營養蛋白素加菜...... 聽完，都幾唔開心呀，因為無得食o野喎！唯有怪自己唔聽話啦，於是就在星期一(10月1日)開始連夜晚都食營養蛋白素，到今天，就是以下磅數喇：

115lbs

116lbs

因為唔同磅同放在屋企唔同位置，磅數都會有落差，所以我通常預備2種磅，磅時確定在家中同一位置上~~ 而電子磅永遠都係重d gei唔知點解，同埋會上落上落，唔太準，像今早清晨（又失眠）就116.6，9am再磅就116，anyway，都係拿個ref.，等自己知道原來在幾個星期裡已經減了7-8磅（開始了一星期夜晚吃營養蛋白素的餐單，減了2-3磅），算係對得住有餘啦，而且開始著得返之前塞唔落的牛仔褲，開心~~

減磅除了靠控制飲食，也要適當控制身體水分和腸道暢通，我一向唔飲水，不過經這朋友解說後，發現飲水對去水腫的重要，像我的重量就每天需要飲3200ml水，她教我每一個鐘飲250-500ml，那一天一定夠3200ml了，但飯後30至60分鐘及每晚10時後不可飲水，的確水腫情況改善了~~

又說說腸道吧，我有嚴重便秘，所以要買埋支蘆薈汁幫助清腸，講真開頭功效不見顯著，就算有得去都只是宿便，但昨天就突然排山倒海，像來了個大清洗，成品都ok肉酸，墨綠色，而這之前朋友提過我，說排毒初期會突然瀉，便色呈墨綠，屬正常啊~~

115（或者116）這個數字替我大大打了支強心針，希望可以堅持到12月！

各位努力中的姊妹，也請繼續努力，減肥沒什麼特別的，就是要你堅毅到不行，只要你下定決心，一定瘦！

** 我親眼看見這朋友的表妹減完，大髀肉中間版本來肥肥的貼在一起，現在終現大大空位....... well，這是原動力，自踏入青春期就未試過喇~~~ >口<

【減肥便當】餓到咕咕聲下的泡菜豬肉

夜"孖孖"，收到陳生傳來的一張照片，相中有一堆電器，中間我看到Fissler湯煲和高速煲！

雙眼發亮......

原來是未來老爺奶奶為我們買來的！

不論是他們知我愛煮飯好、純粹想個仔有餐好飯食都好，總知我心存感激，期待可以親身道謝。

又，不知是太開心，還是因為夜裡喝了齋啡之故，3:40am開始眼光光。

到了4am，肚子開始咕咕作響。

明明是夜吃了很多，不單止少了吃菜，還多吃了肉的份量，是很guilty的，但又很滿足，不是應該可以安然地去睡一覺嗎？

到了6:30am，天開始亮，才慢慢回睡夢中。

起身後依然好餓...... 唯有告訴自己肚餓的感覺其實在燒脂呀！

所以一返到公司，就好期待個lunch！

這天是泡菜豬肉伴菜心配彼得包，一樣吧，整頓飯不過2茶匙油，基本上沒怎樣下鹽，更是無糖（我指的是菜式，非彼得包），彼得包吃2塊已經好飽，熱量還可以，有時吃飯、烏冬或意粉吃得悶悶地，它可算是澱粉質佳選。



泡菜豬肉 

材料：

豬肉 6-8片
泡菜 1/3碗（除非你好鍾意食，可以下多一點，但醃漬的東西還是別吃太多~~）
洋蔥 半個
蒜茸 1-2茶匙（約2瓣吧~）

豬肉調味料：
胡椒粉少許 
低鹽生抽 1茶匙

油 1茶匙

 

做法：

1. 豬肉片用調味料略醃，洋蔥切絲

2. 燒熱鑊，下油後爆香蒜蓉及洋蔥

3. 放入豬肉同炒至熟

4. 加入泡菜一起炒至軟身，豬肉片沾滿泡菜醬便成


我比較懶，亦因為在公司，為方便吃都是將豬肉鋪在彼得包上吃，而沒有裹在包裡，嘻嘻~~
** 大家看到嘛，多菜少肉呢~~~ 同志們，繼續加油喔~~

【減肥便當】牛牛萬歲-牛肉蘆筍卷

有睇開我blog的都知我是牛癡，未減肥時，我會盡量抽時間和陳生試扒房，希望搵到一間叮一聲的。

記得有次到BLT Steak，Dining Concept旗下的餐廳，走老外路線，價錢屬「正常」（跟同類型餐廳差不多），故不能沒有期望。

只是賣相勝於一切，除了餐廳的氛圍略為叫人愉悅，由服務到食物質素都不合格！

服務，由賓賓籍先生待勞，我不因為他的國籍而有偏見，但要是服務如此不情不願的，我特別痛恨，你現在可不是在當茶餐廳侍應啊，唔想做返祖國啦！（他的懶懶閒，令我聯想起阿基諾 =_=）

點來的西冷扒，跟medium rare扯不上關係，也沒有grill過的燒香，味如嚼臘，四百元就這樣掉了落海。

又記得有一次，一間著名意大利菜館的T-bone Steak，聞說是店中招牌菜。

一吃，沒牛味。

老闆認得我曾做訪問，走來寒暄，說自己的T-bone Steak很受歡迎，問我覺得怎樣。

「你想聽真話？」我問。

「不妨給意見呀。」他答。

「我覺得這牛的生熟度做得很好，但一點牛味也沒有，如此近骨位都沒有牛味，是澳洲牛嗎？」

「呀...... 係呀，帶骨美國牛暫時不能進口，唯有用澳洲牛~ 我D客好鍾意，檯檯都叫，其實你都似係好鍾意食牛喎~ 」

「（心諗：你D侍應係咁sell，唔叫先奇！）咁，應該係你D客唔夠鍾意食牛囉。」

Dead air.......

Sorry，我一向坦白，況且是他說要聽真心話。


Anyway，來到減肥時期，吃牛不能太挑剔，肉眼、西冷可免則色，但我這牛癡不吃牛不可！

所以我會去街市揀紋理好的牛肉或牛柳（這貴一點吧）做菜，廿幾蚊可以食兩餐了。

當中做法好多，在堅持菜多肉少的減肥原則下，而又唔想味道悶死鳥，那就做牛肉蘆筍卷吧（要另配一碟菜啊）！

喜歡的話，可以改包入杏鮑菇，令口感更有肉感~ 再加入金菇，又可以多一點菜蔬了！




牛肉蘆筍卷 

材料：
牛肉片    6-8片
蘆筍    16條（我預每塊牛肉包2條蘆筍）

牛肉醃料：

豉油    1/2湯匙

水 2湯匙

胡椒粉    1/2茶匙
（其實可以用1茶匙史雲生雞汁）

做法：
1. 先用醃料醃牛肉片15分鐘
2. 每條蘆筍中間切半，燒開滾水，灼蘆筍30秒至1分鐘
3. 蘆筍盛起，瀝乾水
4. 用牛肉片包裹蘆筍，下1茶匙油到鑊燒熱，放牛肉卷煎至熟

唔想咁dry，可以做個汁：
瑞士汁 1湯匙（李錦記牌子在各大超市有售）
水 1/3碗
兩者拌勻，淋到步驟4略煮便可

** 驚散開，可用韭菜紥好。
** 不過，個人覺得減肥都係唔好加醬汁好點。^_^


減肥，不用折磨自己的。

【減肥便當】iphone 5與蒜香豬肉炒烏冬

iphone 5千呼萬喚下登場！

一班同事在吃lunch時討論新手機，個個似乎不感興趣，還說不過是熒幕大了，輕身了，變薄了，其他一無事處。

Well，我對於AV產品向來不聞不問，所以沒什麼感覺；就是單看外貌嘛，驚喜度不足囉。

編輯笑說：如果它的蘋果logo有唔同顏色揀，可能都叫有talking point。

Well，如果它是曉漸變，我諗呢款唔係apple出品囉~~ =_=

******

好，又係減肥。講減肥，首要識煮飯。

期間要少糖少鹽少油，而且要懂得控制分量，出街食無話唔得，不過係極難！餐廳的分量往往不合預期，容易吃過火而不知，花費甚至比非減肥時吃飯多一倍（好多時要另外叫碟菜嘛~~）。

分量上，記緊菜多、肉少、澱粉正常（如飯，一個平碗就好喔）~ 這樣說很難拿掐，算吧，我不能用自己的標準去告訴大家這分量一定o岩，但至少煮法健康，吃完不肥吧。

是日午餐：蒜香豬肉炒烏冬配炒西蘭花



賣相ok吧？同事問：「這都叫減肥？」

朋友在面書見到這張相甚至說：「烏冬令立立，唔肥？」

令乜鬼！那是拍攝效果啦，剛上碟，加上煮時下過水，當然會有濕濕的效果啊~


蒜香豬肉炒烏冬 

材料：
豬柳 6-8片（我買梅頭，就咁煎都好食唔乾~）
烏冬 1個（可以就食3/4個啦~~ 最好唔好買港產牌子，煮完會酸的~）

豬柳醃料：
蒜茸 1茶匙
紹興酒 1茶匙
低鹽生抽 1茶匙
* 我鍾意將肉同醃料一齊放在保鮮袋內，zip好後就捽下捽下，入味好多！

調味料：
蠔油 1茶匙
低鹽生抽 1茶匙
水 1/3碗


做法：
1. 先用醃料醃豬柳片15-20分鐘
2. 用筷子整散烏冬
3. 燒熱鑊，下1茶匙油，煎香豬柳片，至肉半熟後，放烏冬和調味料同炒，待烏冬至軟即成。


真係簡單到爆！

咁都好寫，獻醜咩！係ga~~~ 不過都係想話你知，減肥控制飲食未必如想像中痛苦，不過係辛苦你煮jei~！

** 記得吃時減慢速度，餐前15-30分鐘前飲一杯(250ml)水，就可以輕鬆吃飽飽了~

婚前減肥四：辟穀運吉鳥

之前提過進行辟穀中，但不消一晚就停止了再進行，除了因為食慾戰勝意志（自問真的沒梁文道的毅力耶~~~），最重要是聽從一位有修練氣功的師兄勸喻。

向他提問氣功辟穀一事，問到為何我仍常常感到肚餓，他回到：

「 你似乎被騙了，你的師傅有無每天看你的基本指數，有無教你服氣，如果你無連續三個月練功，每天練三小時，你只是絕食，不是辟穀，這樣很危險，還有，恢復飲食的程序有冇教你，這部份更重要，做得不好後患無窮......」

Oh~ Well~~ 太遲認識你喇師兄，千多大元掉了落海，當賺了三磅和體驗到人的極限。

我成日以為唔食一日o野會暈低，原來真係唔會！這三天不吃不喝只靠水維生，基本上慾念勝於一切，你問我是否肚餓得沒力，其實真沒其事，我還可如常外出睇裝修事宜~~

所以真係估你唔到。

但當然，體會完，夢醒了。

By the way，last去上堂個晚師傅令我覺得他吹水運吉多，所以我決定開名，如果大家有朋友介紹你，勸喻唔好去，無論人家的減磅指數有幾吸引，都唔好去，因為真的達不到實際用途（雖然班上已有同學在3天內減了7磅~~~）。

泰和氣功社

http://www.taiwoqigong.org/

北角七姊妹道30 -32號兆年大廈1樓C室

** 當然，我要再次強調師傅有很多舊生（也許是做馬~ 又雖然點睇都唔似~~~），只嘆自己受唔到個股氣喔~~ 囧"

那好吧，繼續米施洛~ 

各位減肥中的朋友，革命尚未成功，同志仍需努力，加油減多9磅啦~！

婚前減肥三：辟穀進行中

30號開始減肥以來，到今天，已經11天了，辟穀也於前天開始。


辟穀詳情：

全辟：不吃不喝，每天只可喝4杯水；

上課地點在北角，連續七堂，每堂7pm-8:30pm。

頭一小時老師會教按穴位；

之後半小時老師發功，助學員不吃不喝也不難捱下去。


學生很多，有些是舊生，也有幾位和我年齡差不多的新生。

上了兩堂有何感想呢？

信則有，不信則無。

聽住老師講一些氣功以外的話題（例如選舉投邊個、董建華係好人...），以及佢所謂發功時，我是零興趣、零體會，甚至開始懷疑係渾吉！

我問一位舊生：究竟係咪真係有「氣」入到來？究竟係咪真係唔餓？

她說：「可能你第一次參加，感受無咁大，而我平時都有來學氣功的，可以感受到老師的氣~ 話完全唔餓就呃你啊，都要靠意志。」

而那幾位新生也說是有朋友參加過介紹的，那位朋友參加完減了十多磅。


第二晚再上去，磅重，人家個個輕2、3磅，我就1磅都無，有點氣餒。

到今早自己再上磅，輕了3磅。

好像很吸引的數字，但的確是要捱餓的，特別是晚上，肚子會叫，人的體力雖然沒什麼，但就真的會有餓的感覺。

老師派的資料中有提過半辟，即可吃少量水果，我在考慮是否應該吃些呢？

結果昨晚，即上完第二堂後就吃了隻香蕉。

好想放棄唷~~ 怎麼我的意志這麼薄弱呀！！！


** 我一向堅持健康減肥，按入量進食+做運動的，只是見辟穀未試過，又知道是一門道家修學和治理身心的療程才試啊。

** 如果大家對於7天不食不喝覺得癡鬼線，請自行上網多看資料，甚至看看梁文道曾寫過的斷食。

婚前減肥二：瘦身食譜

星期六晚的麥記效應來喇：就係磅數唔落！

本身跟唐安麒的四大天王餐3日後減了2磅，之後呢2日就開始跟米施洛的按份量食法（仲要有做運動喎！），結果今早上磅，無瘦過。

所以呢...... 減肥期間，真係唔好一時衝動！

******

如果你係跟米施洛的減肥方法，而又喜歡下廚的話，其實唔算難跟。

在參加米施洛前，我是參加尚營坊的（都是按份量+做運動啦~~ 價錢也差不多），導師Cynthia Wong(黃凱詩)最近出了多本著作，如《營養師的500卡瘦身餐》、《瘦出滋味》等，全部都好正，除了教你點樣出街揀食物，仲有好多瘦身食譜，唔係食完會瘦，而係個煮法令你食完唔肥~~~ 我就成日跟她的recipe煮飯食，很不錯的說~~

 

 

老實講，這些食譜都易煮到不得了，但一定要捨得買食材，像好些脫脂醬真的要在高檔超市才買到，自然不平啊。

除了上兩本，我一年前買下來的《自煮瘦身便當》（by唐安麒）同樣有好多好好跟的recipe~~~

有三本傍身，數個月減肥不再是難事。當然，你得願意花時間煮、洗同做運動。

如果大家食到口"gra gra"，或者減到唔知食乜好，記得參考下！

我又再次參考了Cynthia的食譜做了個菜飯（別看上面兜豆腐啦~~ 樣衰死~~），沒有完全跟足， 像我就沒下肉片，但一樣香噴噴，今天帶回公司，同事搶著要試.......

一千零一碗飯，唯我獨食，sorry！

祝大家減肥成功！

婚前減肥一：四大天王餐（第1-3日）*3日減2磅

上次次為了影pre-wedding，試過唐安麒的瘦身餐單後，發現好work，叫我驚現這位女士的學識更真的幫到人。

所以今次在辟穀前我決定先用十日進行她的四大天王餐。

先讓大家了解食法吧：（內容copy自唐安麒blog）

第一至五天：只可進食「四大天王」食物，量不限，吃到飽。

第六至十天：除了「四大天王」食物外，可加入蔬菜（水果不要），50%「四大天王」，50%蔬菜，如：番茄、菠菜、西蘭花、黃瓜、芥蘭等，量不限，吃到飽。但不可以吃澱粉質類，如米麵等五穀、粟米、薯類。

* 可用「少量」植物香料，如醋、粗鹽、蒜、洋蔥、蔥、檸檬、辣椒、芥末來調味（糖不可）。

* 可喝咖啡、茶。

* 煮法：清蒸、燉、炒、煎，但不可加油。以清蒸、燉為首選，可同時把多餘的油脂釋出，所以浮在表面的油絕不可吃。可用無毒性易潔鑊。

** 沒有列出的食物，就是不可以吃的！

注意事項：

一、此餐十天為一療程，每月只可進行一療程，絕不可長期進行！

二、每天「必須」喝1,500c.c.以上清水；

三、每天喝一杯幫助排便的茶，如「荷葉草本茶」、「玫瑰草本茶」，因純蛋白質餐容易出現便秘。

四、完全避免醣類及脂肪食物。

五丶出現口幹、口氣情況可多喝水及咬嚼無糖香口膠。

講完。


一向是食肉獸的我，以為這餐單好易跟，但完全係癡o左線咁難跟！

恕我冒犯了各位宇宙人 / 安麒兒（一班追隨唐安麒的粉絲的稱號）：

我不知道你們一向的飲食習慣如何，但我覺得這個餐的食物是完全不能放進口（除了菜）！肉，不能下油，唔煎得，煎o左，好易焦，大家上yahoo blog到search下有食過呢個餐的blogger影的食物相，雞肉都是焦的，硬曬軚，點食？

就算俾你烚同蒸，味道還是不行。

或者係我份工作寵壞了我的味蕾，所以要吃這些簡直要了我的命！（我強調，唐安麒的宇宙自然飲食法可沒有這樣harsh，易跟好多，至少可以正常煮食~~）

我甚至搵過2位廚藝精湛的朋友，叫他 / 她們幫我設計餐單，全部擰曬頭...... 定係，只怪我們3人都是煮飯白癡？

同埋仲要一日三餐都只吃肉 / 海鮮，嘩，食完個負作用真係無得頂（但好多人都無事.... 可能我身體唔適合咁減法）~~ 先是無力，繼而胃頂+灼熱，之後仲頭暈暈，完全集中精神工作...... 去到第3日，已經想食薯片。（我未試過咁快投降的.......）

而正當我真係想打開包熱浪之際，即係第3日的下午5時，我決定上磅，希望用磅數說服我：你要吃這包薯片去令自己快樂！

結果...... 竟然是輕了一磅，還要是剛吃了午餐的情況下！

WAO........ 再一次，唐安麒真係好令人amazing！（←你是人格分裂嗎？）

Anyway，我都分享下我的餐單吧~ 我無完全跟足，不過3日減1磅，都ok啊~


第一天
早餐：沒有吃，因為烚蛋預錯了時間，帶了隻未熟的蛋返公司 =_=
午餐：蒸水蛋 + 煎雞柳（下了芥末和海鹽醃，慢火烘它）
晚餐：刺身 + 燒鯖魚 + 燒牛肋骨（燒物全沒有下油，不過食牛肋骨已經好錯喇~~）
便便：零！
水：飲唔到1500cc已經想嘔，我估都有1000cc吧~

 

第二天
早餐：火腿（←又錯！）+ 脫脂奶
午餐：牛肉（下少許雞湯、韓式辣膏及茄膏灼熟..... 明顯是亂煮務求有味~）
下午茶：茶葉蛋（鴻福堂買）+ 低脂乳酪
晚餐：煎西冷扒 + 昆布湯烚蜆
便便：小量
水：都係飲唔夠
* 有做30mins運動

 

 


第三天（想嘔呀唔該~~~）
早餐：火腿 + 烚蛋
午餐：煎牛扒 + 焗了個蒜頭做醬
晚餐：..... 麥記......
便便：正常

係呀！我輸o左俾好無質素gei麥記手上！

因為今晚掛住行IKEA，捱了2個幾鐘餓，頭開始暈，人的心情愈來愈差~

而陳生又剛上完課一樣累，於是就想也不想，麥記吧。

無ga喇，個1磅就咁無o左，呢刻係有些guilty。

不過今次經驗話俾自己聽：我唔識合食肉減肥法！

始終都是貪吃的人，如果跟米施洛的按份量方法可以令自己的減肥過程好過一點，我還是按份量去吃算了（我貪快，所以先想試下四大天王餐，睇下係咪咁勁可以10日瘦5磅！）~ 至少我可以和同事出去食魚蛋米、早上可以食蛋治、晚上可以食意粉......

不好意思我的身體，辛苦你吃了2.5天超難吃的肉餐......

明天起，再來過，轉返米施洛方法減肥去吧！

同志仍需努力~~

** 補充，今朝（2/9）上磅，又輕了一磅，即3日可減2磅~~ 證明呢個餐真係落磅落得好快，就看各位對減肥的決心如何了~~

就入直路，減肥去喇喂！

過埋聽日，食埋明晚的自助餐，就要落連續3個月的減肥地獄。

關於減肥，我不是專家，但就肯定是試過N咁多樣減肥方法，而又成功過不止一次的人。

哈哈~

至於減肥方法是什麼？

頭17日，會是四大天王餐+辟穀。

之後，仍考慮緊宇宙自然飲食法定從前的米施洛計分量法。

我會keep住update，俾大家知道我日日有幾抑鬱，會吃什麼同有幾想放棄。

希望你們支持我~

就入直路，祝馬到功成！

婚照後的啟示

好耐無update，因為相機的差電器錯誤送給了友人，而友人去了日本旅行，十日後先返，偏偏呢幾日我搵了幾間電子用品店都買唔到這相機的火牛，頂！

依家咩相都影唔到...... 對寫開blog的飲食記者來講等同斷臂。

-

12月1日當天阿Paul sent了幾張已edit的相來，我最想看到的效果仍未見到，甚至，呢輯相令我發覺自己真係唔靚，係愈來愈唔靚個種。

呢幾張相入面，近乎所有正面相我都不喜歡！

第一個hair setting原來唔襯自己，個刻都唔察覺，所以近乎第一個頭影的相都不甚滿意。

......

同埋原來我咁辛苦咁減完，身材都只能夠係咁，話瘦咩？一d都唔瘦，坐在椅上那臀部更是超突出！

如果我係有34D，下盤大都可接受，但現在是洗衫板襯大啤梨囉！

我知我要知足，真係知，只係有點感慨自己的樣貌/ 身材原來大不如前.......

"Never look back!"

鬼唔知！

但知同做係兩回事。

** 同場加映 -- 阿Paul對我的評語：

「Daphne，估唔到你上鏡唔係咁好睇，大笑唔靚，微笑唔夠自然，唔笑呢，真人睇靚，但一上鏡就變得好愁，你真係好難影。」

See？連professional都咁講，我只能無奈接受啦。

（同事攝影師仲話免費幫我影多輯，唔好搞喇，我仲邊有自信......）

1st Fitting for Pre-wedding

順利進行第一次婚紗fitiing喇~~~

試身時Eclat Couture老闆娘問我：你是否瘦了？
我說：肯定沒有啦~~~
她：但你的胸部鬆了。
.......

即是，努力減肥下，原來只瘦了個胸！damn！

Anyway，雖然我的減磅工程唔上唔落，不過是日都幾滿意，至少不肥也不瘦~~~

以下呢條小魚尾裙會在阿Paul幫我影的時候穿~~ 他技術好，我想幾乎我著什麼也可以啦！



下面這條則會在另一位攝影師朋友免費提我拍照時穿。^_^

想不到這樣女孩子的設計我也carry到，不錯。

這天陳生仲去了拿影婚照時用的tailor-made裇衫。

間店子叫Division One，是Eclat Couture老闆娘介紹的，位處Eclat Couture附近。

裇衫做得好正，非常fit身，證明店的老闆很能拿掐呎吋！

整個布料、設計都如陳生預期。

很chic，很挺身，價錢每件$6xx，因為陳生加了不同物料於裇衫內，所以價錢略高，不過陳生好滿意，那就值得啦~~~

婚照日

好消息！ 

經過一輪折騰，第一輯婚紗照的時間終於定了：十月十五及十六日。 

算是鬆了一口氣。 

於是揀衫的時候來了。 

For自己、for他，我的有心水，反而是他的，從沒做過資料，只知一直想找件很挺身的裇衫，卻不易找...... 

叮一聲，想起花球。 

對了，影相要有花球。我慶幸遇到貴人─siufei，不欲公開她的背景，只想在此由心的多謝她，多謝她願意提供花球，而且提供了很多很實用的婚宴backdrop資料和設計。 

而自己也有略略search過有關花球的款式，直至見到這款乒乓菊（當中另加了小牡丹和香檳玫瑰），很喜歡。我個人對工整、精緻、簡單的事有特別偏愛，這款剛好，不鮮色而突出，小小一束，足夠了。 

相片摘至yahoo blog

 

惟身體，未ready。說減肥，減了4磅，停了。 

我知是自己沒有完全配合，運動不夠勁，不夠多；飲食不夠節制，仍然多了點糖份...... 

只好再說一聲：我會努力的了。

吃極不肥蒟蒻麵

D人成日話減肥出街好難搵o野食。

係ga，基本上食得gei只有壽司刺身、燒味飯、魚蛋牛丸粉麵、沙律(少汁/ 低糖)，仲要有份量限制。

不過有時逼不得已真係要出街食，或者自己已經煮到厭，好想出街食轉換下咁點算？

剛過去的星期四我也有這個想法，於是去了misocool。

misocool主打拉麵，基本上所有拉麵都唔食得，因為麵條本身已經高熱量，仲要吸飽湯汁，極肥膩。

幸好menu有得加錢(+$12)轉麵條和湯底，當中九成拉麵款都可以隨意轉換做番茄湯，而麵條則有烏冬、墨魚汁麵和蒟蒻麵。

像這天我便選吃了番茄湯牛肉蒟蒻麵，那就肯定不會肥到哪裡喇。(其實menu有雜菌野菜選擇，咁就仲更加唔肥！因為你都見到呢碗o野的油都唔少ga~~)

你知嘛，蒟蒻麵其實即係平時食gei芋絲，近乎零熱量，但卻可以提供你足夠飽肚感，好鬼盞！(減肥人士平時可以買一包包芋絲來吃，當湯粉食又得，當烏冬炒亦可啊~~)



不過根據營養師見意，由於蒟蒻麵本身不含熱量，所以點都要食返少少五穀來保持均衡飲食~~

所以叫這麵時大家仲可以多叫一件手卷/ 壽司，又飽又滿足~~


希望減緊肥gei朋友唔好氣餒，只要俾心機一樣搵到好o野食ga~~~

不過老實說，麵和肉的份量不多，而$50而然(未計加$12)實在不值，對於正常食量的人更會不夠飽，但對減肥的人剛好了。

Btw...... 昨天下午不小心吃了牛油果沙律！太可惡，那沙律根本是裝我嘛，將牛油果切到咁碎，食完都唔覺，係後尾睇多次menu先知... =_=

肥死喇！要癲做運動彌補呀！


K11 misocool (趣！openrxxe內竟然找不到這店的地址電話，我亦唔sure係咪其他分店都有，大家最好先打去問問啊~~）

幾管齊減

又開始減肥，各位，這兩個月可能無咁多好o野食推介喇，請多多包涵咯~~

今個星期開始返之前營養師的減肥programme，我無再俾錢ga，純粹係按當中theory來減：即限制份量、少油少鹽少糖，保持均衡有齊肉菜和五穀，加埋日日運動。

唔可以再懶喇，仲有2個月就影pre-wedding......

雖然好似好有決心，但不其然有點擔心，驚自己定力唔夠，驚就算跟足都無上次咁好成績。

不過好好彩，今次遇到好多貴人，如陳生啦、媽咪啦、美髮師等，sponsor我做機、睇中醫、針灸......

幾管齊下，無理由唔得gra？

加油！

我要瘦！我要瘦呀！（我每次做運動做到唔想做事都會係屋企咁樣大嗌的，大家都試下~）

各位準新娘都一齊加油啦！

p.s. 連陳生都努力練大隻中，好期待見到他心口的大麵包和粗獷的手臂呢~~ 

想不到的減肥後遺症

**註：內文提及女人每月一事，反感者別看。

又講返減肥呢個topic。

上面呢個係美國農業部USDA最新推出的健康飲食指引的圖表MyPlate。

再一次說明，想飲食均衡健康，蔬果需要佔每餐的一半，而奶品更是不可缺少。

這衍生出一個問題：各位減緊肥gei戰友，有無發覺，減肥係一件幾貴gei事？

首先每一餐一定要有菜，如果出街食飯，eg魚蛋粉，廿來元，點都要加十幾蚊食多碟菜，其實唔平；食壽司。至少要加枝豆；食燒味飯，一樣要加多碟油菜走油。

回想起，減肥時一個午餐差不多要四十元。（我不是中環族，所以一個lunch over $40已覺超貴~~）

即使自己做飯，有機菜，$16一包芥蘭勉強食2餐；瘦肉$20沒有手掌般大，真係愈來愈唔划算。

不過，我早前已經停止了減肥。

一來計住餐單來食真係捱唔到10月pre-wedding；

二來，我減肥減到月事沒來，害我擔心了4個月。

無錯，我沒月事足足4個月了。

問營養師、睇醫生，都話減磅有機會影響經期，加上減肥過程中吸收太少油份，這會嚴重影響荷爾蒙，故有機會半年都不見紅......

想不到，健康減肥反而會有咁gei side effect~ 搞到媽咪同陳生勁鬧（我反駁：唔知幾好！又唔使侷住，又可以慳返D錢~），唔準我再減，話就算係，都要8、9月先再開始過，呢段日子要正常返食o野。

就係咁，等了4個月，剛剛才回復正常。（鬆一口氣..... 我指媽咪同陳生~）

大家到時減肥都可能會遇到呢個問題，先別擔心（除非你本身個人好唔安全~ 哈~），細心留意自己身體狀況，再去看醫生確診就沒問題咯~~

爆脂

最近有位年輕美女告訴我要減肥，我的回應是：你已經好瘦啦，仲減？

她說：我下身仲未達標，唔理，一定要減到，我唔可以浪費青春，今個夏天一定要著到slim cut牛仔褲！

（我明，絕對明個種誓死要減的心態~~）

於是繼續問她會用什麼方法減肥，她說爆脂溶脂；

聽完已經有點汗額！

之後她還不斷說當中好處，如唔痛啦、脂肪會被打散曬從此生唔到啦、無抽脂咁貴啦、無疤痕等......

我無聊上網找尋有關資料，發覺除了台灣，港人對之似乎較為陌生。（也許是我看漏眼，但這不是重點~~）

而且，有幾多唔make sense同恐怖位存在，如果大家有興趣，又自問有錢可以搵一家有信譽保證的公司去進行呢項療程（或者叫手術會貼切點），絕對可以一試，不過還是先看看以下的資料再說吧。

摘至某報導：（嫌太長，睇highlight~）

踏 入 夏 天 ， 報章 雜 誌 又 見 排 山 倒 海 的 減 肥 宣 傳 廣 告 ， 繼 抽 脂 、 溶 脂 後 ， 今 年 ， 最 激 新 殺 入 的 ， 是 聲 稱 可 以 炸 散 脂 肪 的 「 爆 脂 」 。 

不 過 ， 本 港 皮 膚 科 專 科 醫 生 經 臨 床 試 用 後 ， 發 現 「 爆 脂 」 減 肥 不 但 效 果 微 乎 其 微 ， 稍 一 不 慎 ， 瘦 身 不 成 ， 更 隨 時 爆 脂 爆 爛 肚 。

「 想 減 得 舒 服 ， 做 爆 脂 啦 ！ 呢 種 係 今 年 最 新 技 術 ， 我 哋 啱 啱 喺 歐 洲 買 咗 部 機 ， 唔 會 痛 ， 又 無 危 險 ， 效 果 最 好 。 」 記 者 以 顧 客 身 份 ， 走 進 吹 噓 擁 有 全 亞 洲 首 部 纖 體 爆 脂 機 的 星 妍 纖 體 美 容 中 心 ， 表 明 要 減 肥 ， 店 務 經 理 Suki 隨 即 向 記 者 推 介 爆 脂 減 肥 。 

Suki 更 以 一 副 醫 學 專 家 的 口 脗 向 記 者 力 銷 ︰ 「 如 果 你 個 肚 腩 有 一 百 粒 脂 肪 ， 我 哋 幫 你 打 爛 八 十 粒 ， 剩 低 二 十 粒 脂 肪 ， 脂 肪 爛 咗 就 唔 會 生 得 番 ， 咁 你 以 後 點 食 都 唔 會 肥 ！ 」 

她 更 誇 口 說 爆 脂 比 抽 脂 更 有 效 ， 「 脂 肪 爛 咗 就 會 由 淋 巴 帶 走 ， 然 後 排 出 體 外 ， 一 個 星 期 可 以 爆 兩 次 ， 人 哋 做 抽 脂 都 係 唔 想 要 脂 肪 ， 但 抽 脂 痛 餐 死 喎 ， 今 年 你 最 好 彩 ， 唔 使 捱 抽 脂 咁 辛 苦 ， 又 要 麻 醉 ， 又 要 做 手 術 ， 見 到 都 嚇 死 你 啦 ！ 」

最 後 她 拿 出 計 數 機 ， 左 計 右 計 ， 指 記 者 若 果 要 減 三 十 磅 ， 整 個 療 程 四 萬 多 元 。 「 三 個 月 ， 你 可 以 爆 脂 廿 五 次 ， 我 哋 有 營 養 師 跟 進 你 飲 食 ， 個 個 客 都 瘦 到 ， 一 定 得 。 」  除 了 星 妍 ， 必 瘦 站 、 向 日 葵 纖 體 等 美 容 中 心 紛 紛 在 雜 誌 大 賣 廣 告 ， 力 谷 爆 脂 療 程 ， 異 口 同 聲 都 說 這 是 最 新 、 最 舒 服 的 減 肥 方 法 。 星 妍 更 找 來 過 氣 女 星 梁 雪 湄 做 宣 傳 ， 引 來 網 上 熱 烈 討 論 。  爆 脂 機 被 講 得 天 花 龍 鳳 ， 甚 至 被 捧 為 纖 體 界 神 話 ； 不 過 ，曾 任 港 大 及 中 大 皮 膚 科 主 任 的 陳 衍 里 卻 直 指 爆 脂 機 名 過 其 實 。  陳 衍 里 去 年 替 五 十 八 名 人 士 做 爆 脂 臨 床 研 究 ， 踢 爆 這 個 神 話 ， 「 做 咗 三 個 月 ， 七 成 人 話 無 幫 助 。 只 有 三 成 人 認 為 腰 圍 縮 減 ， 當 中 更 只 有 三 成 半 人 認 為 有 減 磅 。 咁 你 話 有 無 效 ？ 」

爆 脂 前 ， 需 要 先 量 度 脂 肪 厚 度 ， 並 計 算 超 聲 波 輸 入 的 角 度 。 （ 相 片 由 陳 衍 里 提 供 ） 爆 脂 稍 有 差 池 ， 隨 時 爆 爛 肚 。 （ 相 片 由 陳 衍 里 提 供 ） 最 恐 怖 的 是 ， 一 名 廿 六 歲 、 重 一 百 二 十 六 磅 的 女 子 爆 脂 時 ， 竟 然 爆 爛 肚 ， 陳 講 述 事 發 經 過 ， 「 嗰 次 係 我 幫 佢 做 ， 度 好 晒 位 ， 但 佢 瞓 咗 上 床 時 郁 咗 ， 個 位 歪 咗 ， 佢 即 時 覺 得 有 啲 熱 熱 哋 ， 然 後 肚 皮 上 面 就 紅 咗 一 點 ， 出 咗 個 水 泡 。 」 該 傷 口 後 來 因 為 感 染 出 現 爛 肉 潰 瘍 。  陳 衍 里 解 釋 ， 所 謂 爆 脂 ， 其 實 是 用 超 聲 波 聚 焦 在 一 點 之 上 ， 然 後 溶 解 脂 肪 ， 過 程 本 身 有 危 險 ， 「 聚 焦 個 位 其 實 好 細 ， 你 一 定 要 好 準 確 ， 如 果 個 位 歪 咗 少 少 ， 射 咗 落 去 啲 骨 度 ， 然 後 反 射 番 上 皮 膚 ， 咁 就 變 成 熱 力 ， 會 灼 傷 皮 膚 ， 如 果 反 射 去 肝 、 血 管 、 神 經 ， 咁 點 算 ？ 」  雖 然 被 爆 爛 的 脂 肪 不 會 再 生 ， 但 香 港 整 形 及 整 容 外 科 醫 學 會 副 會 長 馬 芳 蔭 卻 指 ， 就 算 剩 下 十 分 之 一 的 脂 肪 細 胞 ， 每 個 細 胞 都 可 以 不 斷 膨 脹 ， 令 身 體 暴 肥 ， 顯 示 爆 脂 減 肥 並 不 可 靠 。  記 者 翻 查 文 獻 ， 發 現 爆 脂 機 面 世 已 經 有 三 年 ， 第 一 部 由 以 色 列 人 發 明 ， 叫 做 Ultra Shape ， 當 時 標 榜 是 全 球 首 部 非 磨 損 性 的 纖 體 機 ， 是 手 術 以 外 最 快 見 效 的 減 肥 方 法 ， 主 要 在 醫 院 使 用 。 爆 脂 機 售 價 每 部 過 百 萬 ， 每 次 可 以 「 爆 爛 」 半 公 升 脂 肪 ， 等 於 抽 脂 手 術 的 四 分 一 ， 更 聲 稱 爆 兩 次 可 以 減 兩 三 吋 腰 。 FDA未認可

不 過 ， Ultra Shape 至 今 仍 未 得 到 美 國 安 全 機 構 — — 「 食 物 及 藥 品 管 理 局 」 （ FDA ） 的 檢 定 認 可 ， 表 示 仍 然 危 險 ， 但 美 容 界 仍 一 窩 蜂 的 吹 捧 ， 更 掀 起 全 球 爆 脂 熱 ， 市 場 上 陸 陸 續 續 出 現 不 同 的 爆 脂 機 ， 而 且 愈 出 愈 平 ， 更 由 醫 院 殺 入 美 容 院 ， 近 年 更 席 捲 亞 洲 ， 由 日 本 、 台 灣 開 始 ， 再 吹 來 香 港 大 陸 ， 字 眼 亦 愈 講 愈 激 ， 「 爆 脂 」 、 「 炸 脂 」 、 「 碎 脂 」 等 ， 已 成 為 最 新 的 減 肥 icon 。 

「 今 年 好 多 美 容 院 都 買 咗 ， 呢 部 機 喺 歐 洲 專 用 來 幫 痴 肥 病 人 ， 但 我 哋 改 良 咗 ， 而 家 可 以 俾 美 容 院 用 ， DR （ 本 港 一 間 美 容 中 心 ） 都 用 緊 呢 部 機 ！ 」 專 門 代 理 纖 體 美 容 儀 器 的 「 柏 麗 代 理 有 限 公 司 」 ， 近 日 亦 向 客 戶 力 銷 爆 脂 機 「 Super Multi-Cell 」 （ 超 級 強 聲 波 爆 脂 儀 ） 。 

記 者 上 到 該 代 理 公 司 ， 培 訓 導 師 Astley 隨 即 推 介 這 個 第 四 代 「 爆 脂 儀 」 ， 每 部 廿 八 萬 ， 可 安 排 上 會 ︰ 「 你 喺 個 客 度 搽 啲 啫 喱 、 KY 之 類 ， 然 後 用 超 聲 波 機 頭 打 圈 ， 每 次 十 五 至 廿 分 鐘 ， 咁 就 可 以 打 爆 脂 肪 ， 而 家 我 哋 好 多 客 出 面 幫 人 做 一 次 收 千 幾 蚊 ， 如 果 你 夠 客 ， 應 該 做 一 個 夏 天 就 可 以 翻 本 。 」 

她 見 記 者 猶 豫 ， 進 一 步 游 說 ︰ 「 我 哋 會 教 你 點 用 ， 唔 使 擔 心 ， 好 快 上 手 ， 一 定 識 用 。 」 Astley 說 自 己 就 是 培 訓 導 師 ， 一 般 培 訓 課 程 大 約 兩 三 小 時 ， 感 覺 非 常 隨 便 。

爆 脂 機 熱 賣 ， 不 但 香 港 有 代 理 ， 記 者 在 網 站 中 搜 尋 ， 竟 然 發 現 就 連 大 陸 亦 出 現 了 售 價 只 是 六 千 八 百 元 的 老 翻 「 爆 脂 機 」 ， 記 者 致 電 查 詢 ， 負 責 人 說 可 以 安 排 在 香 港 收 貨 ， 「 早 排 都 有 人 訂 去 香 港 用 。 」 

爆 脂 機 周 街 有 得 賣 ， 但 質 素 完 全 無 保 證 ， 陳 衍 里 擔 心 情 況 失 控 ， 「 出 面 好 多 唔 同 種 類 的 爆 脂 機 ， 但 係 超 聲 波 有 好 多 種 ， 唔 同 頻 率 有 唔 同 效 果 ， 你 好 難 知 道 佢 哋 部 機 係 點 ！ 」 

他 更 質 疑 人 體 不 斷 爆 脂 ， 長 遠 會 加 重 肝 臟 負 荷 、 損 害 肝 臟 ， 「 任 何 肥 膏 受 損 之 後 ， 一 定 係 走 去 血 管 ， 然 後 入 肝 新 陳 代 謝 處 理 ， 如 果 你 唔 做 運 動 ， 只 會 加 重 負 荷 。 」 根 據 目 前 法 例 ， 由 於 爆 脂 機 並 非 侵 入 式 儀 器 ， 所 以 不 受 法 例 監 管 ， 爆 脂 等 於 搵 命 搏 。