October 7, 2012

減肥成果【一】:九月中至十月頭

無錯,這雙大腳乃本人也,真的又粗又大,腳指因為從前著得尖頭鞋多而變得歪歪的,真令人不開胃。



但也要post出來,因為要告訴大家我的減肥成果囉~ (無理由只係係咁出減肥便當!)

9月1日開始減肥,整個月份斷斷續續,人又心急,試完辟穀,又試唐安麒四大天王餐,之後還是死死地氣跟返米施洛食法.......

來來回回,由最初123lbs,不完整地辟穀3日後減至120lbs,再之後又亂食o野,增磅完又再減,徘徊在118-120lbs的高位。

有天剛巧在街碰到好久不見朋友,原來她現在任職康寶萊

曾見過她有近13x磅,大髀同我條腰差不多粗,但當天見她,已經減回初相識她時最fit的身型,雙腿超瘦,上身也瘦得恰到好處,原來她說是有朋友介紹去康寶萊減肥,她去試了,用3個月減了二十多磅,後來仲入埋去幫人減肥。(佢張卡片有減前減後相,好爆,一定會令你O咀,何況我識佢好多年,更加無辦法唔信~~)

聽後心癢癢,決定跟她減肥。(我登特試了,成功後才post出來跟大家分享啦~~~~)


康寶萊不像米施洛,不用join package的,但去到都係要度高磅重,知道曬手腳腰尺寸、飲食及生活習慣等,然後就評估要減幾多和怎樣減

方法離不開控制飲食,店中有許多營養產品,如營養蛋白素、消脂片、甲穀素、蘆薈汁等,她們會按你需要減的磅數和飲食習慣來決定需要哪一種產品,像我,去磅時120lbs,要減10-11磅,她說只要改變早餐和晚餐食法就可,詳情如下:


早餐 - 飲營養蛋白素(其實類似奶粉,有草莓、黑朱古力、雲呢拿和曲奇味)
午餐 - 可隨意吃,但盡量清淡(就是吃我post的減肥便當啊~~~)
下午茶 - 水果
晚餐 - 多菜少肉戒澱粉質


↓↓↓營養蛋白素($3xx)



每次2匙羹,加200ml溫水或冷水~~(個人覺得加凍水幾好味)



店子會送埋水杯俾你,因為可能要代埋晚餐,所以會俾多個小盒你帶營養蛋白素出街~~~



開頭一聽到早餐要飲奶粉,即係飲代餐啦,都好抗拒,但慶幸曲奇味好像OREO,味道不錯,可以助不能吃甜吃的我止止渴!

回家試了3天,減了3磅,好開心啦,但又開始心野,去了吃buffet和大閘蟹宴,結果一次過返返來~~

朋友在很失望的情況下,叫我一定要立定決心!(其實早就立了啦,不過9月是熱身,10月先開turbo咋嘛~ 我對減肥這回事一向很堅定的~~ ←自我催眠)

於是就叫我連晚餐都要吃營養蛋白素加菜...... 聽完,都幾唔開心呀,因為無得食o野喎!唯有怪自己唔聽話啦,於是就在星期一(10月1日)開始連夜晚都食營養蛋白素,到今天,就是以下磅數喇:

115lbs



116lbs



因為唔同磅同放在屋企唔同位置,磅數都會有落差,所以我通常預備2種磅,磅時確定在家中同一位置上~~ 而電子磅永遠都係重d gei唔知點解,同埋會上落上落,唔太準,像今早清晨(又失眠)就116.6,9am再磅就116,anyway,都係拿個ref.,等自己知道原來在幾個星期裡已經減了7-8磅(開始了一星期夜晚吃營養蛋白素的餐單,減了2-3磅),算係對得住有餘啦,而且開始著得返之前塞唔落的牛仔褲,開心~~


減磅除了靠控制飲食,也要適當控制身體水分和腸道暢通,我一向唔飲水,不過經這朋友解說後,發現飲水對去水腫的重要,像我的重量就每天需要飲3200ml水,她教我每一個鐘飲250-500ml,那一天一定夠3200ml了,但飯後30至60分鐘及每晚10時後不可飲水,的確水腫情況改善了~~


又說說腸道吧,我有嚴重便秘,所以要買埋支蘆薈汁幫助清腸,講真開頭功效不見顯著,就算有得去都只是宿便,但昨天就突然排山倒海,像來了個大清洗,成品都ok肉酸,墨綠色,而這之前朋友提過我,說排毒初期會突然瀉,便色呈墨綠,屬正常啊~~



115(或者116)這個數字替我大大打了支強心針,希望可以堅持到12月!

各位努力中的姊妹,也請繼續努力,減肥沒什麼特別的,就是要你堅毅到不行,只要你下定決心,一定瘦!

** 我親眼看見這朋友的表妹減完,大髀肉中間版本來肥肥的貼在一起,現在終現大大空位....... well,這是原動力,自踏入青春期就未試過喇~~~ >口<

9 comments:

  1. 有明顯成績, 要加油ar. 妳比我好, 我沒有在飲食方面控制, 只是1周晚上跑2-3次步而己. 不過, 不會肥, 也沒有減磅. 有想過看醫生減肥加做運動. 仍是心大心細. 我大日字是12月, 也不知可否
    達115磅. 減10磅, 真是很難le.

    ReplyDelete
  2. 好似好吸引......

    ReplyDelete
  3. 加油呀!! 完咗婚禮就可以刷餐勁

    ReplyDelete
  4. i wanna try tooooo >,<

    ReplyDelete
  5. 你好,我想知你點樣食阿,分享下!中午飲唔飲野?晚上ger菜有無加調味料?我都食緊

    ReplyDelete
  6. 係咪一定要飲多d水嫁?

    ReplyDelete
  7. 我想問你認為其實米施洛有效D,定康寶萊呢?我諗緊JOIN那個減肥呀!

    ReplyDelete

Translate