再度率先睇 - D&C Pre-wedding

快8月了，是時候追追pre-wedding照片。

一心以為攝影師Paul會為我們揀好所有相，再見的時候，應該是成品了吧~~~

誰知他只tune了色，並只揀了百多張相出來，叫我們從中選60張，他再做效果。（
也好，反正有些正面照片我都不喜歡~ 總覺得自己面形不好吧，漲漲的~~ 嘻~ ）


再看，Paul影的相真有character。

他不如Winnie the Fook或Ann Choi般令你嘩一聲，但正正是人勝於景，不會因為周遭而distract了視線，相片的感覺和整個構圖，只屬我倆，非人人都能fit in。

這就是我想要的，這就是我們的婚照。


現在就為喜歡看我blog的你們分享一些心水照片。

喜歡他的拍攝風格，想知價錢+聯絡詳情，請pm我。

 

 

（明明未執相，條腿都可以影到咁，Paul好勁呀！！）

下面這張，我最喜歡。

 

總結：我和陳生愈來愈似樣...... :D

理智與感情（Classic Tina）

朋友見我多心，揀婚紗揀極不合心水，猛催我去Classic Tina。

這家東東，很出名了吧，我也因為其知名度而有所避忌，因為我唔「挑」得，聞說老闆娘Tina是不易相處的人，那我就更加避之則吉。

不過現實終歸現實，去了無害。

亦好明顯去完以後，很慶幸自己有來走一趟。

縱然，我來到等了她個幾鐘，縱然要聽她一大段偉論，亦縱然她只是主力抄款......

但我都心甘命抵。

無他，只要你已經去過中環最貴的店舖，並已經睇唔上眼其他婚紗店，來到自會明白。

她的用料很不錯，款式炒得似模似樣，好些甚至比真身更佳，那她吹噓又有何干？

何況，如你試問自己可以掉$35,000出來買套Romona Keveza，根本就沒機會 / 亦不用來感受Tina的氣焰。

所以風來必有因，我自覺一切值得。



當然，我亦慶幸自己沒有令Tina不悅的地方，咱們傾得投契，故無論試衫時、傾package時都很順暢~

試身時她更比我興奮的猛幫我拍照，心想：thank god！

至於價錢，人人說她海鮮價，我不知道，只知她手寫了一張價錢表給我，不貴，以這質料一點也不貴，那我就放下心頭大石付錢去了~~



那為何條題係理智與感情呢......

各位，我本來只是來找婚紗，想不到她的晚裝美到不得了，還遇上我最愛的灰色！

結果...... 沉淪了。



陳生在後面黑臉，像是投訴我浪費金錢（陳生也有這面啊~~~），但，真係唔掂，一試會上癮！

我在理智努力壓抑下，才刻制地選了一套婚紗一套晚裝...... 並叫Tina：請你唔好再拿任何款式俾我試了！

真係，從未試過試衫試咁耐，從未試過試到唔知揀邊套好，更從未試過如此浪擲金錢。

難怪許多人說一來到Classic Tina便無法回頭。


******

環境：這裡店分兩家，其中一家樓底挺高的，有個超級大的試身室和鏡子，穿完愛轉兩個圈也沒相干；整體很乾淨，不錯。

款式：很多，婚紗、晚裝、褂、媽媽衫都有，可做可租~ 雖然大多是炒名牌款，但像真度高；沒得睇婚紗真身，要自己帶相來做ref或向Tina解說自己要什麼，通常都有款在的，不過設計多為簡潔，如你愛公主婚紗麻煩去金都。

服務：都係個句，慶幸無相無干，順利完成，受到很好的服務態度，god bless！

總結：我超喜歡這裡！每試完一件衫，Tina即將婚紗放入衣物袋中，明顯好錫它們，所以也keep得很好，而且穿上婚紗後她堅持要你帶埋頭紗、穿上高跟鞋才出去見人 / 拍照，都是有堅持的表現，這點我最喜歡了！

各位搵了N間婚紗店的人，別忘了這間唷~~


Classic Tina
紅磡黃埔花園第12期家居庭地庫19-20號舖
23561033  

公主？(Run For The Dream)

今天上了Run For The Dream，感覺還好吧。

一間專做租 / 賣名牌婚紗的小小小店，有White by Vera Wang, Vera Wang, Pronovias, Romona Keveza, Melissa Sweet, LM, Monique Lhuilier, Priscilla of Boston......

租價由幾千都萬幾都有，像我這套試穿的Melissa Sweet，因為是新到，未有人租過，所以就$12,000。

這件是很驚喜的，因為我一向超憎lace，只接受到satin和organza，而店子根本無我想要的超簡單款，even White，也是有大玫瑰+極多層次的，不喜歡。

於是好好人的店主拿了很多套叫我試，只有這套抓住了眼球：一半是lace，另一半，連店主都唔知係咩布。

感覺幾特別，同埋好公主。

這可是model版耶~~
負責改衫的芳姨 (定芳姐？忘了) 亦非常和善，上到來雖然好細，好逼，但因為佢地好好笑容 + 健談而感覺似去了別人屋企。

芳姨也很明白我適合和喜歡什麼，所以試完3套，她都說：總係覺得未著到你那一面，這些都太女孩子了，不襯你。

我笑說：我都覺。

於是我就失望的離去了。

明天，去Wendy Tong；後天，去Classic Tina。

再找不到合心水的，我就唯有求其了事。

如你有興趣上去RFTD，請去以下網址，店主說這裏update比較新：
http://blog.yahoo.com/_B4JJ3Q2YS54KHBAIQN5ADTM2PQ/articles/page/1 


Run For The Dream
銅鑼灣渣甸坊30-36號利發大廈11樓B 
如要電話，請PM我。
** 唔好walk in上去, 因為真係好細, 只容得下最多5個人~~ 同埋係無真身gei衫俾你自己睇ga~~

尋

這篇blog將會好長，準新娘仍在找婚紗的可以看看，謝。

******

找婚紗是一件很痛苦的事，首先要找到合心意的款式，之後又要o岩budget，跟住又要睇下間婚紗店錫唔錫住件婚紗同服務夠唔夠細心....... 像我這種沒耐性的人，簡直是折磨。

陳生每次都笑我，上到婚紗店不用15mins就離開，有時甚至連試都唔試。

其實如果我一早已經知自己適合 / 喜歡穿什麼，哪用這麼多時間？

只要間婚紗店有該款式，睇下真身靚唔靚，試身時sales有無俾到合適意見，package o岩budget就done！

By the way，之前我一口氣試了Bliss、Kate Jean Couture、White Bridal、Mariee和Blossom Wedding。

最鍾意，唔使講，一定係White Bridal。

  

免費試：3件

地址：中環雲咸街22-28號5樓

電話：2521 3288

環境：白o雪o雪，好香，好乾淨；和外國婚紗店相似，敞大，還有一個三面鏡+小台仔，似足美國婚紗店，加埋幾棧射灯，站上後十足十舞台皇者，條裙唔靚至奇！

服務：有禮，親切。可能因為講電話時我跟對方講英文，來到她照講英文，除讓我感覺專業，其英文亦流利。過程沒有hard sell之意(講真，都無得sell，因為全部都係賣，一件兩萬以上)，亦有斟茶遞水，走後還寫了我一個電郵道謝和attach了我試過的婚紗相（上圖）。

質量：好，很好。雖然你付錢後，她們會從外國總店做過件新，而現場見的不過是sample，但一摸上手就知。我試satin布料（上圖），a line款，非常挺，而且剪栽一流，我著完覺得自己唔使減肥個下勁！

款式：現場掛著不多，約十件，但可睇相簿，粗略估三十件。

價錢：全是售賣，約$25,000起，有些特價約$16,000。我呢件（上圖）$30,000。

總結：一分錢一分貨，她是我走了多間中最好的。如果我有多餘budget，一定買，因為我真係鍾意呢件婚紗！！(其實我真的在考慮中，陳生淡淡地說:你諗你喇。真殘酷呢！) 而且我終於明白為何有些準新娘說上完去不能回頭了！


Bliss
第二間喜歡的。
 
免費試：3件 

地址：中環雲咸街46-48號雲明行15樓A室

電話：2510 0288
環境：骨子，企理。

服務：正常，先有位女師傅問下我基本嘢，到試時有位男士同你溝通，都係個啲，自覺自己出品最好，亦自覺眼光獨到個種。

質量：不錯，婚紗乾淨，唔縐，明顯好錫啲裙。

款式：大路，有花巧亦有簡潔的，現場睇有近三十套婚紗，少satin，所以我無乜心機睇落去。

價錢：
WG（租）$5,800-$7,800；EG（租）$3,800-$5,800
1 WG + 1EG（租）$8,800

1 WG + 2EG（租）$11,800

總結:男士某程度上俾的意見不錯，我因他試了件organza，好睇，但感覺太年輕，不太合適。但我相信一般無特別要求satin而簡單類別的女士應該不難找到喜歡的。


Kate Jean Couture
這個，死得好轟烈！

 


免費試：2件 

地址：中環擺花街12-16號合成商業大廈1樓02室

電話：2815 6899
環境：細，hea，沒特別修飾或裝修。

服務：女孩好nice，講完，因為我一套都睇唔啱，上去不過15分鐘。

質量：差，舊，有怪味（這是我穿了上去即刻除返下來的原因）。

款式：全都好唔簡潔(對我來講)，所有款都有釘工、珠片、喱士，剪栽不好，大多裙身很重。

價錢：
1WG + 1EG + 首飾
（租） $5,998
1WG + 2EG + 首飾 （租） $6,998

總結：坦白講，好唔中環，幾多錢都唔值。


Mariee
講真，最失望。做採訪時去過，整體好靚，感覺好貴，大部分西班牙款式，現在殘舊許多。

 

免費試：2件 

地址：中環安蘭街8號紀利大廈9樓

電話：3488 0978
環境：掛衫位逼逼地，感覺混亂。試衫室兩個，幾大，可以自成一國，所以好彩鄰邊的新娘子睇唔到我gei肉臂。

服務：唔算舒服，明明啲裙縐到爆，又爆線，仲勁講自己出品有幾好~~ 試完2套，係咁叫我即刻俾錢，可以hold住條裙，仲話：「嘩，你12月好多人結婚喎，仲唔留條裙我都戥你驚呀~」

下？我都未驚你驚咩？

質量：比上者好，不過睇唔出係西班牙貨~ 如果閣下有去佢facebook睇，千萬唔好俾佢d相呃到，因為真身真係2個樣！！

款式：大路，基本上咩質料都有，有誇張亦有簡單的。

價錢：
1WG（租）$3,980
Deluxe WG
（租） $5,880
1EG
（租） $2,380
如果想婚紗加晚裝，就上面的基本價錢加$2,200，2套EG就加$4,000

總結：無o野好講，祝閣下好運。


Blossom Wedding

老老土土的一間。

免費試：3件

地址：中環威靈頓街59號2樓

電話：2522 9868
環境：無特別，長方形，但試身室超逼！

服務：零；睇相，試衫，係咁簡單。基本上該sales係唔係好明你gei要求，問完等於無問~ 佢亦懶得理我，求其掟了條裙入房就走，幫我拉完zip就咁行o左去，幫我拿起下裙尾都得gra？！

質量：麻麻，有點污糟，亦有少少味，好些帶殘舊~

款式：我覺得...... 一d都唔似外國款~ 比大路更大路，更難拿上手搵到獨特的~

價錢：
1WG + 1EG / men suits $5,800
1WG + 2 EG / men suits $6,800

總結：上去係浪費時間。

******

除了上述的，也去過The Wedding Shop，個人來說幾鍾意，雖然satin款睇得出d布有點舊了，但款式好o岩我，清雅，elegant，lace的款式亦好看~

全部外國返（好似意大利），大部分買走，價錢UK$2,000-UK$10,000。

看中了一條，UK$2,100，sales姐姐（我覺得她是老闆）：「呢條都係2,100... 磅jei，圍返起都係26,000，好抵。」

俾我，會揀white bridal囉。

******

好似無咩得著，不過昨天無意中在銅鑼灣見到Wi Wi Wed，一上到去，感覺有點White Bridal，掛出來的款式少而簡單，好like~

而且同sales幾好傾，亦睇中2條想試的（好些是意大利貨），約了星期五，期待。

如果再唔o岩，真係唯有訂造，我暫時仲未說服到自己嘔3皮o野！

-完-

偏遇不到你

時間尚餘9個月，係時候搵婚紗，感覺像回到最初，又從不斷click人家的blog開始，好悶，好累。

Budget比從前set高了，我想花多點點在婚紗上，始終要面對面見人，唔可以太差。

何況我要的款式很簡單，而愈簡單，愈易找到漏洞，那就更加要找更好的。

無意中找到FOI Wedding，單看相，好喜歡。

簡單，沒太多古靈精怪的設計。

以下2套是令我最有衝動去幫襯的原因（我尚欠一套晚裝呢~~）。

 
可惜，還是空手而回。

和陳生上去，本已有一位新娘子在試，加埋她的一班姊妹團，好不熱鬧。

再細看相簿，款不多，加上可以近距離看到圖片/ 真身，沒有"嘩"的感覺，even上面2套都推動唔到我除衫去試時，我說：走了。

店方好驚訝我一件都唔試，anyway，對方殷勤，整體設計不錯，只是我沒遇上屬於我的。

好，那又再繼續。（我強調，在超忙的工作環境下 + 只得星期六日可以睇婚紗的情況下，搵婚紗絕對是苦差，因為耗盡了我唯一可以休息的周末！）

之後，會繼續在中環找，我寧可貴一點，都要找到心頭好。

Mariee Bridal Couture **

Appointment  Free Trial 2

中環士丹利街30A 3 樓(3488 0978)

Cooee Wedding Gallery **

Appointment  Free Trial

中環荷李活道35-37號 C Wisdom Centre 10 樓 (2811 9984)

Tina Ellen

中環域多利皇后街3 號源記國際大廈 4/F

2537 0088

The Bridal Wardrobe

2/F, Richmark Comm Bldg, 200 Queen's Rd

致富商業

Belle Wedding

雲咸街14-16號王仲銘商業大廈 9 樓(2869 8939)

The Dressing Room **

雲咸街22-28號Sea Birds House 7樓(2234 9688)

Vis-à-vis Bridal **

7/F V Plus 68-70 Wellington Street(2869 4881)

The Wedding Shop**

LM

White Bridal


打**，must去的，除非中途已在其中一間找到心水。

如果各位準新娘試過哪一家而又覺得ok，或者有什麼推薦，也很感激你能給予意見啊。

******

之前，一路心掛掛The Day Wedding的這套婚紗，好簡單，一穿上去，"嘩"！好美。

但奈何其胸骨位做得很尖，不是Madonna那個經典造型的尖，而是由上到下一條尖出來。

我問店方可否改，她說一定要買其package先可改，咁如果改唔到呢？「咁無辦法喇」店員說。

之後本想放棄，又死心不息，早前婚紗展忍不住再去問，那店員仲正：「其實有好多新娘都carry到呢條裙的，無人要改。」

唔.......

Ok，咁係我問題囉，滿意？

婚紗店優惠 - Abana Bridal Boutique

婚紗店優惠



昨天收到Abana Bridal Boutique的電郵，與大家分享，希望仍搵緊心水the one或禮服的朋友可以找到心頭好吧：

Off season selected item is going to be ON SALE.  Please contact Tel 2854 3080 or click in our Facebook for more details, thank you.

Abana Bridal
Facebook : AbanaBridal
Website : www.abanabridal.com
Tel : 2854 3080
Shop address : 17/F, CS Tower, 50 Wing Lok Street, Sheung Wan, HK 

婚紗晚裝開倉！

準新娘們，W Gallery現正進行婚紗及晚裝開倉，價錢約$380-$880，全部至少8成新~~

聽老闆娘講她們的衫大多只租出數次便回收做開倉，我上去睇過，店子骨子，放得整齊又新淨，衫款深淺色備齊，不過大多設計具層次，像我般要簡單一點的就只有很少~~（不過我最後都買到條紅色裙！YEAH!!!!!）

另外超多婚紗款揀~~ 未揀定禮服的朋友上去看看唷~~

有興趣就快快打去預約時間！

http://m.facebook.com/media/set/?set=a.10150455227526931.358980.118010361930&type=1&__user=564379483 

地址：銅鑼灣加寧街1至3號美登大廈8C
電話：2881 5108（黃小姐）

在其fb係可以睇到好多款，不過店子不設留款，要佢留俾你你就一定要先過數（癡線！咁即係要買o左條裙而唔叫留啦！），否則你就盡快上去睇喇~

明年今日

明年今日
我們將步進另一個轉捩點
從此二合為一
牽手走餘下的路
今後生活也許未必多采多姿
但即使沒有抑揚 沒有驚喜
也會像這樣廝守下去
簡單地圓滿了人生

我愛你

classic one

在某婚紗店網址看到這件婚紗：

感覺簡單、classic，很喜歡；只略嫌它的下擺不是緞布，感覺不夠高雅，稍欠穩重。

同事就話驚會著到我膊頭好橫、好肥，唔好睇......

大家覺得呢？

但我確實想要件classic one來影婚紗相。

尚有2個月時間...... 看來我要俾心機減肥之餘，仲要俾心機揀婚紗先得！

迪士尼婚紗

今日有報導話Disney會出婚紗，完完全全打埋wedding市場。



於是我便即時聯想到她的婚紗設計應該會用princess系列做藍圖（至少會有一個系列跟足吧~~），即刻click入去睇，誰知零驚喜...... 好唔princess囉~ (Though princess look is not easy to carry.)

而且似d唔似d，令人好難聯想...... =_=



哈~ 都係得啖笑。可能會o岩迪迪尼粉絲~~



迪士尼出婚紗　打造童話婚禮



擁有童話婚禮，是許多女士的夢想。迪士尼與著名婚紗設計公司 Alfred Angelo合作，把灰姑娘、白雪公主、美人魚在動畫中的婚紗變成真實，讓女士們穿上它，與心目中的王子行婚禮。

在舞會上邂逅真愛的女士，會喜歡灰姑娘婚紗，露肩設計加入舞會晚裝意念，簡單純真。若新郎高大威猛，新娘不妨考慮穿上《美女與野獸》女主角貝爾的婚紗，雪
紡肩帶凸顯小鳥依人的氣質。熱愛海洋的新娘，會喜歡美人魚 Ariel的婚紗，臀部下面有如波浪的裙襬，令新娘婀娜多姿。

設計師謝泰爾（ Michael Shettel）說：「美妙設計、動人故事，再加上迪士尼的魔法，我們創造了一系列迷人婚紗。」童話婚紗售價由 599至 1,199鎊（ 7,454至 14,921港元）不等。

Kate的婚紗

4月29日，在周遭熱烈的氣氛影響下，令我都不其然緊張起Kate Middleton的婚紗來。

結果看後，感覺有點「預期之內」，但整體也蠻漂亮的；

也許不能用漂亮來形容，而應該用「很切合其形象，很大方得體」好了。

其實整套婚紗，個人覺得最好看的是上半身，lace肩膊連手袖設計，本身就是自身最愛的design。

而這樣的lace款式，最適合莫過於就是襯心形胸口了。這裡還換上V領低胸設計，感覺摩登有睇頭，就更好看。

加上Kate身材偏瘦，基本上不難carry。

只是下身方面，如能夠再做得再A-line一點和少一點縐痕，應更能突顯那份高雅感，否則像現在lace搭配緞布連象牙色，就是有點...... 不夠簡潔透徹。

當然我非專業，純粹個人觀感；

我強調整體上自己很喜歡這套婚紗，而且我深信以皇室的power，可以令這套婚紗的手工、用料等事事更趨完美。

記得之前有位香港著及設計師評論Kate的婚紗評得體無完膚，說毫無驚喜，年中自己都設計過不少類似設計云云......

也許，正如我剛才說過，驚喜略為欠奉，不過人家的設計師名氣卻大你好N倍，況且論手工，斷估一個平民怎也不會及得上皇室所下的每個功夫；再者，有必要踩人踩得如此歇斯底里嗎？

亂咁搵婚紗

接住上文，講完MUA化妝，講婚紗。

我知好多準新娘都好俾心機咁上網search婚紗/ 晚裝，如果你咁好彩search到我個blog，不好意思，可能令你們失望了。

這裡沒有打遊擊搵the one攻略，亦沒有名牌婚紗店comment，而只有誤打誤撞的試衫記述。

希望，你們會找到一點「與別不同」的。

OK，前文提過，一直自以為好知要乜，點知一去到婚紗店，已feel到自己有選擇困難症。

最難的，不是揀the one，而是pre wedding影相當天要穿什麼。

我想相片有層次，不太死，但又想突顯我愛simple but elegant的個性；

想穿晚裝來點不同的，但又深怕有天我會後悔沒穿婚紗影......

Anyway，最終決定權我決定落入阿paul，即我的pre-wedding攝影師手上。

由他想定theme，再決定好了。

而這段日子，我走訪數家婚紗店，comment係，一開始唔可以去太grand的婚紗店，否則返唔到轉頭。

不怕得罪說，我從沒想過去百利租衫，因為她們的款式太雜亂喇，想找點簡單的緞布都難。

最爆係，那天去試妝前入了一家八掛，她一開始已對我說：「這條可以加兩重鋼紗，靚好多ga！」

得喇，有你呢句我就安心乜都唔使睇，直接走人。

最憎鋼紗！（開罪了不好意思啊，我強調每人喜好不同啦~~）

好，講返我第一家婚紗店，名字叫Macc Bridal（Blog：http://hk.myblog.yahoo.com/maccbridal），在上環機利文新街，可以free trial三件，不過店主好好人，俾我試了四件（其實我選了第三件已是盡頭，沒有其他心水想試下去~）。

值得一讚的，是店的款式有簡單，亦有complicated的，ok新。

試了2件婚紗，1件晚裝+1套旗袍裝的紅色晚裝，woo....... 婚紗簡單得來不致單調，小拖尾，是我要的款式~ 那套旗袍，愛，不過略嫌她閃了點~（註：我是怪人，有釘工+微閃的東西都不喜歡！）

Package方面...... 不公開喇，鍾意就pm我啦。

而另一天，走上wedding art俾訂金時，發現她們原來和一家婚紗店Eclat Couture合租舖位的~（http://www.eclatcouture.com/collection.html）

這真是誤打誤撞之行，我愛煞了她的款式！

大多都很簡單，設計和外間不同，晚裝和婚紗款都多；惟有些略殘舊了，不知可否修補？

上網search過資料，原來這店子的老闆娘很有heart，可按客人在心水婚紗/ 晚裝上加加減減修飾，手工用心。

試了3套，都很喜歡！

不過試晚裝試得太開心，忘了睇婚紗款，下次要上去認真望望才可啊~~~

（愈說愈念起那條黑色和紅色晚裝呢，不過唔知未來奶奶俾唔俾著黑色呢......）

之後，也去過銅鑼灣的EverAfter Bridal（web：www.everafterbridalhk.com）。

她顛覆了我只愛a-line和超超超清簡的想法。

有2套下身用了紗質的設計，很飄逸，似乎影相不錯啊~~~

Sales幾ok，我walk-in無黑面，service殷勤（唔排除當時無人呀下~），係咁拿款式給我看；都幾新，款式超多，不過無我心儀的超簡單款式。

對了，她們剛send了email俾我，說2011年4月15至5月15日有9折優惠啊~ 只是不知道是指定款式定所有款式都可以啦~~

**所有相片摘至有關公司網站

心水婚紗

我心目中的理想婚紗啊~ 大家覺得怎樣呀？

這件剛剛好，拖尾不太長，設計簡單。

不過，我發現這類簡潔feel的婚紗通常只在著名品牌才找得到，當然地價錢也貴很多了（租一件要萬多元呢~），始終越少detail越見真章，也許是貴得有道理吧。

但後尾一路睇一路搵，又發現胸口有少少details其實都幾靚，像以下兩件，我特別喜歡第二件呢。

有什麼好的品牌介紹也請隨時留言給我啊。^^

what a wedding pic!

這是我的第一輯婚紗相...... 還可以吧？

但點解男主人會唔同了呢？

哈哈~ 因為照片是當年為頭條做model時拍的~（我可真偉大啊！寫又係我，model又係我！）

這輯相，好難頂！事關個陣明明是工作中、攝影師是自己同事、編輯又在場，搞到我非常唔自在。（上司當時剛結婚，仲搞我擺pose）

更難頂，是套衫，睇下上圖個套姣紅婚妙...... help！我穿完出來，攝影師第一個忍唔住大笑，搞到我勁尷尬。呢輯相係某婚紗公司 x hello kitty的採訪，可以想像d婚紗有幾難頂！（最恐怖係連條鏈都有hello kitty個樣！）

不過話說回頭，如果到我影婚紗相時，唔知又會點呢？

我自己就鍾意一致而公整型的，即唔好搞到鬼五馬六，婚紗就婚紗：西裝加牛記，婚紗變短裙仲要o係沙灘跑... 咪搞！

要輯相長青，愈簡單愈好；

另外我會揀一輯是studio，一輯是outdoor，前者最好可以在床上影，務求影到最sweet一刻；而outdoor，千祈唔好隨便去咩南生圍日本石澳，要揀我倆有story的地方才有意思；同埋，如果攝影師技術好，去到邊一樣影得靚啊；

婚紗cutiing亦要simple but elegant，這樣才不會過時，百看不厭。

我自己就鍾意呢d style~ 不過要減到好瘦至得。

這套是晚裝的心水~ 不過個人而言，都係唔鍾意搞咁多o野，由頭至尾一套就夠喇。

其他detail...... 到時選好婚紗，自然有idea咯~~