【發嚕騷】你有同感嗎？

懷孕32周

對於facebook這玩意愈來愈反感。

本來，我樂於在那分享瑣事，亦喜見不少「昔日回顧」的function，但眼看那裡成為不少人發炮、自戀、釋放負能量的地方後，開始吃不消。

唔知你有無試過呢？我間中會因為太常看到某些照片 / feed而有以下感受：

自拍照（女的show樣與身材，男的show肌）─其實你唔係真係咁吸引ga咋，可唔可以唔好再成日post自拍相？（係，係成日，近乎日日！！）

人奶照 ─ 唔……母愛是偉大的，我也很佩服你的奶量如此多，但也不用天天update自己儲了多少包奶吧……（我真心覺得這是自己和BB的私密事）

日日鬧小三 ─ 即係呢，你老公有小三，根本就是最抵罵了，偏偏永遠在fb就只乞求對方看你一眼，罵的永遠是小三，難道一隻手真的能拍得響？（係，我純粹睇唔過眼）

呻辛苦 ─ 讀書辛苦、工作辛苦，做人都好辛苦，咁點？還是要過right？重點是，不要隔日post一次訴說自己有幾辛苦好嗎？Post完又話：「放心，我會努力，不會被打敗！」勵志到…… 似人格分裂。（我明gei，或者人要學會這樣自我安慰才是正常）

鬆郁朦+爆光照 ─ OMG…… 點解張張相都可以係咁？我要unfollow他們。

成日鬧人吃的不健康 / 垃圾 ─ well，你唔好有日俾我見到你食意大利火腿同燒牛扒！

網上批判 ─ 天天都說每件事有政治考慮、警察是黑警、人家不讓坐是PK（影埋相）、那妞太肥穿衣太樣衰（同樣影埋相）…… well……

…

…

…

好啦好啦，我知係我心胸唔夠廣闊，兼且霎時忘記人人也有自己一套用fb的權利，只是有感而發嘛（誤）～

我也有不少想爆的時候啊（像現在），但總覺得要是你的fb上有太多同事、工作伙伴等的聯繫，似乎收起一點自己，對很多事都有利，不是嗎？

純個人意見唷～～