簡單男禮

男士於婚禮上的角色總是低調，我那位陳生就是其一例子，意見少，投入感一般，去到選禮服更是hea，他說一切從簡。

也好，自問是煩人，對好些構思特別執著，有他這副個性正好和我配合，不易吵架。

來到七月尾，終於要選他的禮服。

陳生沒什麼意思，只要淺色，對於什麼日式燕尾、齊腳，可說毫無概念。（我亦一樣~）

所以上星期六我們簡單鎖定了MODE和HYAKKA B.RIDAL就算了，反正，度度差不多吧。

MODE為人熟知，不多說。

而位處新蒲崗的HYAKKA
B.RIDAL，請不要浪費時間去。

這間自名為「全港唯一首間提供正統日本和服出租與攝影及日式婚紗禮服租借之婚嫁服務公司」，上到去，環境真不錯，乾淨素白開揚；男士禮服的剪裁和用色都幾有新鮮感，然而真身同其Facebook上的相是兩回事，許多男禮的設計都是直條紋，感覺很土；

睇相...... 都幾呃到人吧~~

重點是cutting大多是不修腰，穿上去怪怪的，爆笑在店員說沒有返細碼，且最近才有返少量修腰款。

下？難道你認為香港男士大多是肥佬？

咁唔flexible的設計，真係fit唔到。

 

所以最後選了MODE。幸得同事幫忙，我們都獲得老闆娘開恩，送了我們優惠，很多謝呢。

陳生選了灰色布質，剪裁很合身，基本上完全不用改動，連帶小外套、腰封和領帶等，想不到full gear會咁好睇。（我成日覺得穿正統禮服的都很土！）

不消15分鐘，扑取，我們全體人員所需要的服裝都搞定咯~~~

鼓掌！

姊妹裙一號到步

如果大家有印象，上次我說過在淘寶買姊妹裙。

（請按這裡） ←可睇返前文~~

除了因為價錢，也因為款式比較特別，買來以後可以任由姊妹自行改短，方便得多。


等了又等，套裙終於到喇！！！（由於本人正在發燒，樣衰而無謂上鏡喇。）

 

老實說，款式和顏色都同原相有分別。

首先顏色偏Creamy橙色，而不是真正橘子般有夏日 / tan感；

其次是質料，全雪紡，而不像真身外層有層紗的~~

第三，整體層次單薄，穿上去不夠突出線條。

但單以條裙來說，質地不錯，很有質感，重重的，穿上去不覺"where"（←唔識打呀！）~

腰帶有相中的啡色圓形帶和白色幼身腰帶~~~

長度亦剛剛好，像我這種163cm身高的，買S碼剛好~

最好是她的剪栽可合多種身型的人穿，肥至130磅都一定o岩！


俾過一班姊妹過目，全都很滿意。

而我呢？

有少少猶豫，因為對於backdrop的顏色仍有保留，怕有咩變動，而這個橙色就用不上了。

但又怕這件貨好快會下價......

苦惱... 苦惱中....... 

希望今個星期內可以約到幫我做backdrop design的朋友，快快有定案！

心水姊妹裙

係我心目中，婚紗、晚裝、場地佈置、MUA等都不是大問題，但揀奶奶衫同姊妹裙則是我千萬不願意處理的，所以壓到最後。

Anyway，奶奶衫早前好順利地完成了，鼓掌鼓掌~~~

於是到一班好姊妹的禮服~~

一直想俾款人造，因為我唔鍾意一般租衫公司的款式，全都一模一樣，絹布、吊帶/tube、腰帶，了無新意，也覺得肉酸。

我始終認為，姊妹要和我當天一樣美，你話怕她們搶鏡？

別廢話了！

任誰都知我是新娘，有什麼搶鏡不搶鏡，何況她們當天都好重要，我期待和她們影一輯靚相唷~（←趁出完門又未開席的空檔）

在budget有限的情況下，我還是嘗試在淘寶搵。

其實已經找了半年，一邊hea住睇，一邊搵唔o岩心水；於是又睇訂造的，但我想要的款式閒閒地$700一套，有點肉赤。（←無鬼用啦！搵錢唔多~~ 姊妹別見怪~~）

 

好似上面呢套，好想做俾大家著，而她們都好鍾意，可惜店子說上身有點複雜，比較貴。

** 我比較變態，結婚時為冬天，但我不容許姊妹亂咁披個d毛毛披肩，要披都一定要揀d靚gei紗布 / 絹布；呢個款包到少少，都幾o岩心水~~）

 

當然，我最想是要↑↑↑緞布啦~~~ 不過更貴；上面呢個色，簡直係dream color！款式亦夠簡單。

之後又睇返淘寶~~

揀揀揀，最後揀到呢條↓↓↓

 

顏色o岩，我最like earth tone；

款式特別；

感覺fashionable，喜歡的話可以日後穿返；

唔似一般姊妹裙，夠特別；

偏肥或偏瘦都唔會肉酸；

長度好，就算唔o岩都可以自己改，唔似得租衫咁多限制；

總結：我已經訂了一條，應該下星期到港，見佢d客對呢條裙評價幾好，希望唔會失望~~

** 特別要多謝一班姊妹，對款式不加意見，仲強調只要我喜歡她們都會樂意穿上，好不感動！多謝你們，我愛你們啊！

中融大五福

終於去了試褂，一個我幾期待的部分。



都係好似一般準新娘，上網做research，心中有美華、錦發和永隆繡莊，反正全都在上海街，可以一次過睇曬。

揀褂，自問無乜心得。

加上同揀婚紗一樣，都係各有所好，最緊要是心口的龍鳳得體，剪裁佳和新淨便好（應該都要加埋價錢吧~）。

******

最想去的美華已經執o左，據講店子現轉做批發，準新娘留意啊~~

第二選是錦發，因為她和我爸爸的名字一樣，很有好感，而且知道價錢相宜。

試了中五福，沒看頭。

大五福，金銀線比例總是差一點點，而且其龍的圖案太立體，樣子不夠型，看起來很怪。

最重要是，舊。很多線飛了出來，穿上去線條剪裁不好，一點也突出不了女性傳統美。

不過真的很抵，大五福承惠$880。

再去，是永隆。

同樣是傳統鏽莊，但卻是最多人的一家，現場就有3家人在選。

見到褂后，無感覺，穿上去也carry不了，像個機械人。

再試，大五福。

哈，我還是喜歡浮誇一點，多一點金線！

以下是試穿照唷~~

（Sorry，因是日被受風吹雨打，樣子太衰，打格示人好了~）

 

總結：

$1,800

剪裁不錯；

金銀比例好；

胸口的龍刺繡生動；

下擺中間夠多金線；

夠新淨。

講完，那就這套唷~~（全程不用5分鐘）

多謝新晉新娘化妝師幫眼，因為有你，才夠細緻唷~~！（我是絕對眼大睇過龍，叫我睇條龍夠唔夠生動，有d難度~~）

**至於服務，老店，都係咁上下啦，有緣就有好服務，不要太高期望。可以就帶埋阿媽去，講下價（不過呢$1,800是沒有講價的~ 因我之前自己去睇了1次，已定了價，後來才帶媽去final check~~），仲呃埋件紅色睡衣，yeah！

尋

這篇blog將會好長，準新娘仍在找婚紗的可以看看，謝。

******

找婚紗是一件很痛苦的事，首先要找到合心意的款式，之後又要o岩budget，跟住又要睇下間婚紗店錫唔錫住件婚紗同服務夠唔夠細心....... 像我這種沒耐性的人，簡直是折磨。

陳生每次都笑我，上到婚紗店不用15mins就離開，有時甚至連試都唔試。

其實如果我一早已經知自己適合 / 喜歡穿什麼，哪用這麼多時間？

只要間婚紗店有該款式，睇下真身靚唔靚，試身時sales有無俾到合適意見，package o岩budget就done！

By the way，之前我一口氣試了Bliss、Kate Jean Couture、White Bridal、Mariee和Blossom Wedding。

最鍾意，唔使講，一定係White Bridal。

  

免費試：3件

地址：中環雲咸街22-28號5樓

電話：2521 3288

環境：白o雪o雪，好香，好乾淨；和外國婚紗店相似，敞大，還有一個三面鏡+小台仔，似足美國婚紗店，加埋幾棧射灯，站上後十足十舞台皇者，條裙唔靚至奇！

服務：有禮，親切。可能因為講電話時我跟對方講英文，來到她照講英文，除讓我感覺專業，其英文亦流利。過程沒有hard sell之意(講真，都無得sell，因為全部都係賣，一件兩萬以上)，亦有斟茶遞水，走後還寫了我一個電郵道謝和attach了我試過的婚紗相（上圖）。

質量：好，很好。雖然你付錢後，她們會從外國總店做過件新，而現場見的不過是sample，但一摸上手就知。我試satin布料（上圖），a line款，非常挺，而且剪栽一流，我著完覺得自己唔使減肥個下勁！

款式：現場掛著不多，約十件，但可睇相簿，粗略估三十件。

價錢：全是售賣，約$25,000起，有些特價約$16,000。我呢件（上圖）$30,000。

總結：一分錢一分貨，她是我走了多間中最好的。如果我有多餘budget，一定買，因為我真係鍾意呢件婚紗！！(其實我真的在考慮中，陳生淡淡地說:你諗你喇。真殘酷呢！) 而且我終於明白為何有些準新娘說上完去不能回頭了！


Bliss
第二間喜歡的。
 
免費試：3件 

地址：中環雲咸街46-48號雲明行15樓A室

電話：2510 0288
環境：骨子，企理。

服務：正常，先有位女師傅問下我基本嘢，到試時有位男士同你溝通，都係個啲，自覺自己出品最好，亦自覺眼光獨到個種。

質量：不錯，婚紗乾淨，唔縐，明顯好錫啲裙。

款式：大路，有花巧亦有簡潔的，現場睇有近三十套婚紗，少satin，所以我無乜心機睇落去。

價錢：
WG（租）$5,800-$7,800；EG（租）$3,800-$5,800
1 WG + 1EG（租）$8,800

1 WG + 2EG（租）$11,800

總結:男士某程度上俾的意見不錯，我因他試了件organza，好睇，但感覺太年輕，不太合適。但我相信一般無特別要求satin而簡單類別的女士應該不難找到喜歡的。


Kate Jean Couture
這個，死得好轟烈！

 


免費試：2件 

地址：中環擺花街12-16號合成商業大廈1樓02室

電話：2815 6899
環境：細，hea，沒特別修飾或裝修。

服務：女孩好nice，講完，因為我一套都睇唔啱，上去不過15分鐘。

質量：差，舊，有怪味（這是我穿了上去即刻除返下來的原因）。

款式：全都好唔簡潔(對我來講)，所有款都有釘工、珠片、喱士，剪栽不好，大多裙身很重。

價錢：
1WG + 1EG + 首飾
（租） $5,998
1WG + 2EG + 首飾 （租） $6,998

總結：坦白講，好唔中環，幾多錢都唔值。


Mariee
講真，最失望。做採訪時去過，整體好靚，感覺好貴，大部分西班牙款式，現在殘舊許多。

 

免費試：2件 

地址：中環安蘭街8號紀利大廈9樓

電話：3488 0978
環境：掛衫位逼逼地，感覺混亂。試衫室兩個，幾大，可以自成一國，所以好彩鄰邊的新娘子睇唔到我gei肉臂。

服務：唔算舒服，明明啲裙縐到爆，又爆線，仲勁講自己出品有幾好~~ 試完2套，係咁叫我即刻俾錢，可以hold住條裙，仲話：「嘩，你12月好多人結婚喎，仲唔留條裙我都戥你驚呀~」

下？我都未驚你驚咩？

質量：比上者好，不過睇唔出係西班牙貨~ 如果閣下有去佢facebook睇，千萬唔好俾佢d相呃到，因為真身真係2個樣！！

款式：大路，基本上咩質料都有，有誇張亦有簡單的。

價錢：
1WG（租）$3,980
Deluxe WG
（租） $5,880
1EG
（租） $2,380
如果想婚紗加晚裝，就上面的基本價錢加$2,200，2套EG就加$4,000

總結：無o野好講，祝閣下好運。


Blossom Wedding

老老土土的一間。

免費試：3件

地址：中環威靈頓街59號2樓

電話：2522 9868
環境：無特別，長方形，但試身室超逼！

服務：零；睇相，試衫，係咁簡單。基本上該sales係唔係好明你gei要求，問完等於無問~ 佢亦懶得理我，求其掟了條裙入房就走，幫我拉完zip就咁行o左去，幫我拿起下裙尾都得gra？！

質量：麻麻，有點污糟，亦有少少味，好些帶殘舊~

款式：我覺得...... 一d都唔似外國款~ 比大路更大路，更難拿上手搵到獨特的~

價錢：
1WG + 1EG / men suits $5,800
1WG + 2 EG / men suits $6,800

總結：上去係浪費時間。

******

除了上述的，也去過The Wedding Shop，個人來說幾鍾意，雖然satin款睇得出d布有點舊了，但款式好o岩我，清雅，elegant，lace的款式亦好看~

全部外國返（好似意大利），大部分買走，價錢UK$2,000-UK$10,000。

看中了一條，UK$2,100，sales姐姐（我覺得她是老闆）：「呢條都係2,100... 磅jei，圍返起都係26,000，好抵。」

俾我，會揀white bridal囉。

******

好似無咩得著，不過昨天無意中在銅鑼灣見到Wi Wi Wed，一上到去，感覺有點White Bridal，掛出來的款式少而簡單，好like~

而且同sales幾好傾，亦睇中2條想試的（好些是意大利貨），約了星期五，期待。

如果再唔o岩，真係唯有訂造，我暫時仲未說服到自己嘔3皮o野！

-完-

偏遇不到你

時間尚餘9個月，係時候搵婚紗，感覺像回到最初，又從不斷click人家的blog開始，好悶，好累。

Budget比從前set高了，我想花多點點在婚紗上，始終要面對面見人，唔可以太差。

何況我要的款式很簡單，而愈簡單，愈易找到漏洞，那就更加要找更好的。

無意中找到FOI Wedding，單看相，好喜歡。

簡單，沒太多古靈精怪的設計。

以下2套是令我最有衝動去幫襯的原因（我尚欠一套晚裝呢~~）。

 
可惜，還是空手而回。

和陳生上去，本已有一位新娘子在試，加埋她的一班姊妹團，好不熱鬧。

再細看相簿，款不多，加上可以近距離看到圖片/ 真身，沒有"嘩"的感覺，even上面2套都推動唔到我除衫去試時，我說：走了。

店方好驚訝我一件都唔試，anyway，對方殷勤，整體設計不錯，只是我沒遇上屬於我的。

好，那又再繼續。（我強調，在超忙的工作環境下 + 只得星期六日可以睇婚紗的情況下，搵婚紗絕對是苦差，因為耗盡了我唯一可以休息的周末！）

之後，會繼續在中環找，我寧可貴一點，都要找到心頭好。

Mariee Bridal Couture **

Appointment  Free Trial 2

中環士丹利街30A 3 樓(3488 0978)

Cooee Wedding Gallery **

Appointment  Free Trial

中環荷李活道35-37號 C Wisdom Centre 10 樓 (2811 9984)

Tina Ellen

中環域多利皇后街3 號源記國際大廈 4/F

2537 0088

The Bridal Wardrobe

2/F, Richmark Comm Bldg, 200 Queen's Rd

致富商業

Belle Wedding

雲咸街14-16號王仲銘商業大廈 9 樓(2869 8939)

The Dressing Room **

雲咸街22-28號Sea Birds House 7樓(2234 9688)

Vis-à-vis Bridal **

7/F V Plus 68-70 Wellington Street(2869 4881)

The Wedding Shop**

LM

White Bridal


打**，must去的，除非中途已在其中一間找到心水。

如果各位準新娘試過哪一家而又覺得ok，或者有什麼推薦，也很感激你能給予意見啊。

******

之前，一路心掛掛The Day Wedding的這套婚紗，好簡單，一穿上去，"嘩"！好美。

但奈何其胸骨位做得很尖，不是Madonna那個經典造型的尖，而是由上到下一條尖出來。

我問店方可否改，她說一定要買其package先可改，咁如果改唔到呢？「咁無辦法喇」店員說。

之後本想放棄，又死心不息，早前婚紗展忍不住再去問，那店員仲正：「其實有好多新娘都carry到呢條裙的，無人要改。」

唔.......

Ok，咁係我問題囉，滿意？

婚紗店優惠 - Abana Bridal Boutique

婚紗店優惠



昨天收到Abana Bridal Boutique的電郵，與大家分享，希望仍搵緊心水the one或禮服的朋友可以找到心頭好吧：

Off season selected item is going to be ON SALE.  Please contact Tel 2854 3080 or click in our Facebook for more details, thank you.

Abana Bridal
Facebook : AbanaBridal
Website : www.abanabridal.com
Tel : 2854 3080
Shop address : 17/F, CS Tower, 50 Wing Lok Street, Sheung Wan, HK 

婚紗晚裝開倉！

準新娘們，W Gallery現正進行婚紗及晚裝開倉，價錢約$380-$880，全部至少8成新~~

聽老闆娘講她們的衫大多只租出數次便回收做開倉，我上去睇過，店子骨子，放得整齊又新淨，衫款深淺色備齊，不過大多設計具層次，像我般要簡單一點的就只有很少~~（不過我最後都買到條紅色裙！YEAH!!!!!）

另外超多婚紗款揀~~ 未揀定禮服的朋友上去看看唷~~

有興趣就快快打去預約時間！

http://m.facebook.com/media/set/?set=a.10150455227526931.358980.118010361930&type=1&__user=564379483 

地址：銅鑼灣加寧街1至3號美登大廈8C
電話：2881 5108（黃小姐）

在其fb係可以睇到好多款，不過店子不設留款，要佢留俾你你就一定要先過數（癡線！咁即係要買o左條裙而唔叫留啦！），否則你就盡快上去睇喇~