十三么曲奇？

不得不讚下美心，Cake shop愈做愈精，酒樓開始擺脫美心影子（連美心/ 翠園呢d名字都唔用），仲開新line如simplylife，做出另一檔次~~

新作是和
「住好啲」聯手合作，推出十三么麻雀曲奇禮盒，以精美「麻雀喼」手挽外盒盛載著55件獨立包裝之鬆脆曲奇，包括21件牛油曲奇，18件咖啡曲奇，16件芝麻脆餅。

你問我好唔好食呢...... 真係唔知~ 因為我都係剛剛收到新聞稿~

不過gimmick十足，諗頭滿分，而且用來送禮都幾過癮。



 1月9日起於指定香港美心西餅門市及全線G.O.D.分店有售，原價為港幣188元，現以開運價港幣168元發售~~  

我的糖霜曲奇

滂沱大雨，我身處室內過了不錯的兩個小時。

因為是日我首次參加Icing Cookies Class，去了Since Rm 1409的課室，學習如何弄糖霜、用糖霜畫花。

以下是這公司的blog：

http://hk.myblog.yahoo.com/Since-1409/article?mid=6219

$450一堂，2.5小時，共八塊曲奇，學整五款圖案，全都是手袋、甲油的圖案，之前有堂是學整婚紗、高跟鞋的，感覺美得多了，可惜我夾唔到時間。

課室的感覺很讚，頗有古典維多利亞式小店風，白色木、碎花窗簾，連帶杯杯碟碟都有花的圖案，滿有女孩子氣息。（不過因為室內空間少，又多人，為免拍了其他人的照，故沒有影室內照。）

每人跟前都有一個銀盤和recipe，有點失望，曲奇早就弄好了，雖然可以節省時間，但其實我也很想學整曲奇這part~~（附設曲奇recipe）

眼前仲有好多預先整好的七彩糖霜，好彩之後老師有教授如何打糖霜，令我起碼知道怎麼樣的texture才適合做填芯/ 填邊的糖霜~~

開始lu~~

先為曲奇邊唧糖霜先~~ 如果唔係因為我的指甲，我估我可以整得再好點。

之後開始逐一填滿中間的"顏色"了~

等糖霜乾透時有個break，就是小點時間，有花茶、cupcake、蛋卷等，豐富豐富~ 

看~~ 連杯碟都這樣漂亮，很喜歡徹底的陳設 ^_^

成班同學有點靜，所以..... 有點悶~~

差不多乾了~~ （明顯未，你看我個"手袋"仲係令身的，乾透會係瓦色~~）可以唧其他花紋上去喇~

在指甲油上我還是塗了C和D~ 嘻，雖然媽咪話睇極都睇唔到...... =_=

完成品！！！第一次整，都幾靚呀 ^_^ 下次我要試下o係屋企整！

再次多謝陳生請我玩這曲奇班啊，呵呵~~ 希望仲有無限次sponsor！