呢兜紅噹噹的東東，單睇係咪好恐怖？（係）
不過當許多人聽到這是勝香園出品後，又會另眼相看。
其實，大家有無食過勝香園先？
我學人點了茄牛通粉和凍奶茶，honestly，奶茶沒有令人失望，不過個通粉，應該無人地講到咁出色。
首先茄味不算濃，又煮得太稠，入口麻麻；通粉烚得過火，太腍；牛肉呢？正常。
我知，一家大排檔jei，唔通你想有五星級通粉咩！
但....... 點解都咁多人讚同捧場？（唔好人云亦云啦大家~~）
更重要的，是我吃完勁口喝，是有味精乎；同埋...... 肚痾，o拿，我唔排除係自己腸胃唔好呀下！
（不過見到佢附近的dirty情況，其實食到痾都唔奇~）
所以整體而言，我是有點失望的。
朋友說：食唔食佢個檸蜜脆脆？最出名ga？
下，乜唔係茄牛通已經好出名喇咩？抱歉，我飽喇... 同埋無想試的衝動了。
** 我強調，每人口味不同，以上唔o岩聽的唔好private msg鬧爆我~ 唔該。
勝香園
中環美輪街2號排檔
2544 8368
某酒店公關打電話來：你好，想請問你來緊會做聖誕feature嗎？
我：不會，我們不做。
公關：下....... 唔做......？
我：....... （睇下你又會講乜！）
公關：點解唔做？
我：（關你咩事？）其實我們不會做任何餐廳消費項目，所以應該不會幫到你。
公關：哦... 咁好啦。
我：（及線！是我的作風。）
******
唔夠3秒，電話又響。
公關：你好呀daphne，我係xx公關呀，係咁gei，我有間餐廳搞o左個聖誕.......。
我：其實我們不做消費式聖誕feature。
公關：咁有無單版或者news位呀？
我：沒有了，版位已爆到1月。
公關：你聽下我講先啦，真係好特別ga，個promotion係......
我：（打斷）其實真係無位。
公關：唔係呢，你聽埋先啦。（佢真係講~）....... 你覺得點呀？係咪好有趣？
我：唔...... （絕對唔覺）無版位，幾有趣都無用！不好意思。（再及線）
公關們，你可知道我一日收幾廿個電話？我沒要求你不打來，但閣下是否可以長話短說，又或者在適當時候收線當幫忙。
你留難我、求我、氹我、勸我，咩都好，出唔到就係出唔到呀！俾我及線就大家難受啦。
所以，唔該，唔好夾硬來，可以的話我絕對會幫你們的，但可惜老細不是我。
見諒了。
自己對歷史一向無乜興趣，亦唔鍾意湊熱鬧同人逼，所以對於動態版清明上河圖一直都無乜感覺。
不過因為他是個很喜歡中國歷史的人，所以我便努力地四圍找來上河圖的飛，結果在上星期一終於收到由朋友代購的票了！
於是就在剛過去的星期三，和他走進東涌鑑賞鑑賞去~~~
入到去，先睇o左一輪展板，內容幾有趣，主要是講返當年的建築文化、百姓的尋常生活和這幅圖的細節位。
有了初步了解，便進入去睇會郁的一part喇~~
想不到的，是視覺上如此震撼！整幅好長好長（仲激多人！有d位同睇人頭無咩分別~~）先看日間，人們有趣的跑著跳著，努力幹活；到晚間，景致美麗，氛圍浪漫輕鬆。
最愛這夜景~
我倆投入其中，幻想如能置身如此國度，嘆酒談天，會是多麼幽美的事啊。
睇完我仲吃了心愛的麥芽糖餅~~
所以即使再逼、再嘈，我都覺得呢幅由上海世博講到依家的「動畫」好好睇，難怪到閉幕那天，展館已累積了近90萬人次啦~
$10張飛，足以賺到笑呢。
