October 20, 2012

減肥成果【三】:瘦腿與漢堡【推介BLT Burger】





唔知道你會點樣詮釋呢張相,不過我真係相信自己條腿終於難得地瘦了囉~



從來減肥最難的部分是瘦下身,特別是腿,所以減咁耐小腿的尺寸基本上無郁過,臀部反而是最大成果,差不多每星期1/4寸的瘦下去,大腿就慢一點,但有好過無。



穿不下的褲終於再次套在腳上,感覺是多麼的好。



不過這幾天的為食癮又來襲,無時無刻都想食o野,夜晚仲食菜食到想嘔,負面反應開始來lu,不難不令人擔心……希望個胃同個腦乖乖地,捱多一個月。



***



而我減肥時有個怪癖,就是平時不嗜吃的東西,一到減肥時便會在腦海浮現,其中一樣是漢堡。



如果大家有印象,上次我說去Hotel
ICON
Green時都點了漢堡包,之前跟陳生行完街就竟然見意吃BLT Burgeroh my god,真係估自己唔到。






餐牌不用多看,招牌BLT
Burger
配薯條和可樂就好,反正「一係唔食,一食就唔好多多制肘」是我的宗旨!價錢不貴,$158已有交易~~






不過對於是Dining
Concept
出品嘛,就是會有保留,自從上次吃畢BLT Steak,我已經同自己講唔好再浪費時間在這飲食集團上(佢同外國名廚crossover引進的餐廳例外!),今次坐下來,有點怕oquota,但身處LCX附近,其實吃漢堡包的選擇不多。



又所以話無期待自無失望,而且還值得一讚,漢堡size是合乎預期的,重點是漢堡扒用上100%美國頂級安格斯牛肉製造,牛味非常濃郁,每口幾近爆汁,肥與瘦肉調配得宜的成果,加上生熟度剛好,甘香豐腴,愛~~



讚完,無喇。



因為由漢堡包內的餡料、薯條到碟上的奇怪酸瓜伴碟都一般,薯條還要是半涼掉,明明爆場都能夠出到如斯質素,折服,莫非薯條都在下午時已經炸定?



Anyway,食飽,肥膩與油脂滿足完慾望,都開心o~~



 



但究竟有無下次呢?Well,我蠻貪戀她的環境,風格跟紐約本店差不多,有jazz pub感覺,加上老外多,連帶現場在播足球,氣氛跟吃漢堡包是絕配。而且她的漢堡扒認真好吃,愛吃牛的人,應該會像我一樣放棄薯條。



 



BLT Burger



尖沙咀海運大廈3301號鋪



電話︰2730 2338


6 comments:

  1. 福頭又要訴苦. 福頭志願是做一個能幹OL, 要睇得, 做得,又talk得. 最近, 打字常出錯, 脾氣又大, 笑容少了. 有一個部門, 每次做這部門PROJECT時, 會是十分落力. 最近, 這個dept 多叫我幫忙做一些閒作. 老實說, 我不認為LE 類閒作是屬於我職責. 老實說, 我看作是份外事.

    從不介意做份外事, 當是學習, 但要在清閒之時. 當有份內事在趕時, 責任是以之為首. 再者, 以工資角度來衡量, 閒作可找自己部門文員來幹, 這個dept 的文員下班便走人, 沒見她們 OT 過.

    昨天工作忙極, 連飲水沒時間. 用了10分鐘做完le 個 dept 叫我幫忙的閒作, 當時都察覺出了點錯, 可是沒CHECK 好便發出去. 問題來了, 他問有沒有解決方法, 我是知如何解, 不困難. 只是手上正忙著份內事, 先對他REPY “BUSY”. 本想趕完自家工作, 才幫他. 他等不了, 自行解決.

    我一直在忙, 沒多想. 晚上在家時, 有感不開心, 1方面在怪自己處理事情不小心, 2是咁容易的工作都會出錯. 然後又想為何總叫我做LE 類閒作, 而不找自己部門同事來做. 難道自己組員就是寶??!!

    零晨12 時多, reply 他 solution, 當然是無意思, 遲了就是遲了. 但我心不甘, 1人做事1 人當.

    每次幫這個 dept 做閒作時, 都想和他說, 你部門有文員, 可以叫文員做, 但每次都幫他做了.

    ReplyDelete
  2. 我食過几次, 去呢間野, 一定要樣樣野分開叫呀.
    因 d 野凍得好快, 加上一凍就唔好食.

    所以我同朋友會食完一個包, 先再叫薯條

    ReplyDelete
  3. 你減得好成功呀, 關吾關herbalife事? 我睇完你個blog尋日買左諗住下星期開始....你仲有冇食呀?

    ReplyDelete
  4. thx for your reply~~~add oil!!

    ReplyDelete
  5. BTW, 我見你話飲營養奶粉加水溝, 加水好嗎?, 因為個指示話加粉.....

    ReplyDelete

Translate