她，現在是Brasserie。

第一次去The French
Window是公關B邀請的，那次的經驗很好，亮麗的裝潢，優質的服務，雅致的食物，根本就是fine
dining的基本，即便是brunch，也處處精緻，如果和愛人去，是件滿足的事。 

後來，餐廳改變營運模式，走Brasserie路線。消費平了（相比下），餐牌可愛了，食物更見傳統中的鄉村感，只是，大大的落地玻璃與class French grey裝潢下，仍予人fine dining的錯覺。（連大廚也笑言真正的Brasserie理應嘈吵不堪，何以這裡會放音樂呀~~）

Anyway，也沒所謂了，最重要是價錢更affordable，食物依然好吃。

 

海鮮啦，燉牛臉頰啦，紅酒煮雞啦，是這天最難忘的菜式。

簡單而且地道，那種很貫徹傳統的味道與細緻，你可以從醬汁中嚐到。

Burgundy Style Red Wine Braised Beef Cheeks

Crunchy Suckling Pig

Coq au vin with Tagliatelles

一定，一定要點。

海鮮嘛，驚喜在於有少見的Periwinkle，味像果仁，沒有想像中的鮮甜，是為估你唔到的款式。帶春的蝦，甜極了。法國龍蝦的當造期已過，那就換上肥厚的波士頓品種。還有那爆膏蟹，吃半件蟹殼，好滿足。

 

Periwinkle

薯條分有homemade與一般兩種，前者，就是選來好薯仔，自己切條，焦黑了，不知當中者以為大廚炸得過火，結果衍生一般薯條供人選擇，免無謂爭拗。

醬汁，是免費附隨薯條而來，有7款之多，全是自家製，Hollandalse、Green Peppercorn Cream、Café de Paris Butter……. 還是Wild Mushroom and Black Truffle最合心意。

煎鴨肝、蟹餅，賣相少了一份精細，卻更乎合Brasserie。

甜品，從來都是各有各喜好，是日精選，Apple and Almond Thin Tart，嘩，好食。簡單，甚至可以用其貌不揚來形容，始是亮點，每口咬到細小而甜美的果肉，同樣估你唔到。

Passion Fruit Sherbet，曾經是最討厭的口味，這裡叫人改觀。

飯末，還吃到大廚以祖母recipe製之曲奇，奇妙的味道，待曲奇流到喉嚨一刻才出現，請細意品嚐。

這裡的周日brunch是超級驚喜！

從正午12時至晚上9時，你可於任何時段來訪，每檯限食4小時，$598（另設加一），任飲sparkling wine、紅白酒連海鮮、Salad Bar、Salmon Section、Cold Cut等頭盤、芝士Trolley和十多款甜品，另可選一道主菜。

講緊的海鮮，是有：

Alaska Crab

Boston Lobster

South Africa Oyster

Fine De Claire oyster

Steamed mussels

Steamed Clams

Sea Whelks

Shrimp Cocktail

Seafood Salad

Salmon Tartar

Bread Squid

11樣喎！

下個星期日，不如來試試？

The French Window

香港中環國際金融中心商場3層3101店

2393 3812

煎帶子伴柚子醋汁（附食譜）

我不是好人，勝在大情大性，多討厭一個人，只要對方稍投善意，便可化討厭成討好。

你可說我起落大，但同時鮮明、簡單，不用別人（甚至自己）估估下。

生活上，遇到再多衰人，心裡還是相信「對人好，人便對你好」。

工職上碰過板，友情上亦然，是我不願意相信現實，或只欲相信美好的一面，上述心態仍沒有變。

友人說：你想了解人，不等於別人想讓你了解。

當頭棒喝。你提出善意，是你的事，人家還是可以不領情。

無論作為同事、朋友，這感覺都不好受，何況是家人？

思想在別人腦裡，那我就只好繼續做自己應做的事。

（只是，我仍會感到心酸，何況「雙面人」，我從不在行。）

******

這天，沒有Happy Friday，因為這兩星期一直被稿件纏繞著，連發夢也在跟受訪者聊天，很累。

不過還是想吃好。

煎帶子，在我的家是道fine dining好選。（←要求真低！:p）

它易做，上檯好看，味道簡單而細緻，想吃海鮮但又怕料理蝦蟹的我，吃帶子最好。

配上酸中帶甜的柚子醋汁，輕怡滋味。


這天在City'super選了加拿大的帶子，肉很厚，不過煎出來的味道還是不及北海道的鮮。

然而它偏偏可以逐隻買，比雪藏的、一大包的分量好拿掐得多。




煎帶子伴柚子醋汁

材料：
帶子 4大隻

柚子醋汁材料：

柚子醋 50g（City'super有售，買隻有很多渣的~ 一流！）

橄欖油 20g

砂糖 約1茶匙

做法：

1. 先將柚子醋汁所需材料拌勻。
2. 開大火，下少許油，帶子每面煎1至1.5分鐘至金黃色。
3. 帶子上碟，另淋上柚子醋汁即成。

....... 易到....... 根本唔係食譜來....... 各位下廚高手，見笑了。

再來食在布吉芭東

先前講o左啦，去芭東離唔開食海鮮；而講親食海鮮，好多人都會推介Savoey。

她是老字號，有室外室內兩邊，唔想俾人嘈，室內係fine dining格局，好正；室外就有live band，氣氛熱鬧，不過對band唱得鬼咁難聽，男gei好明顯唔夠氣，但都要唱air supply，真想搵酒樽飛佢！

Anyway，呢間o野都係有海鮮鋪曬o係門口俾你揀；個人覺得水準一般，要吃，就吃龍蝦，因為只有龍蝦是活的，其餘都被d雪雪到暈o左/ 死o左，俾你揀都無用。（除非你係expert）

蒜茸牛油炒蜆，真係怪到無人有。

BBQ虎蝦，一D都唔似有燒過...... 除o左條尾同個頭燶曬之外。

食到呢度，我決定放棄唔食。

***

而街頭小食亦係芭東必吃之作；水準好唔好係其次，食風味為首嘛~~

好似呢個pancake，我欣賞的是檔仔店主的製作過程，熱辣辣，感覺寧舍好食。

係ga，可能你會話有d污糟，不過有時我就係鍾意呢種食當地風情的感覺，大菌食細菌，最多咪痾~~

最可惜gei係，我無食到其他車仔檔的燒粟米、串燒、香腸等，因為實在太飽了。

***

泰國=生果，是我的concept，所以我唔會放過任何遇到生果的機會。

偏偏在芭果個d生果檔，賣親gei唔係黑色就係青色gei香蕉，芒果都係黑色的，仲有烏蠅附送，我唔介意痾唔等於我想死！

而只有上面呢檔係咁乾淨又企理，燈火通明。

於是我就幫襯o左佢榴槤同芒果...... 唔，果然無令人失望！好甜呀！

**想找這店，可以從C&N hotel或number 6餐廳向Let's Relax方向行就會見到。

想補充一點：可能芭東人比菲律賓人識做生意，所以她們的fruit shake基本上是不好喝的！不夠凍/ 不夠甜/ 不夠真...... 也有機會出現，跟那次我在長灘島，喝每一杯都是冰凍解渴又鮮甜的fruit shake差十皮呀！

大家別過份期望啊~~

***

古靈精怪東南亞......

下面兩張相已經表達了~ 當地薯片款式好多，特別係lays，肉丸、海鮮、青檸辣海鮮、BBQ...... 不過款款都唔好食的！

最正係俾我發現到藍莓配果仁薯片，唔敢開...... 決定俾班同事試，嘻~~

下面又係咩呢...... 花生bun、果jam bun吃得多，thai custard真係聽到未聽過！

仲要係青螢光綠色...... 好驚呀！

總結：芭東steak house唔得、海鮮店良莠不齊、地道泰菜店只搵到一間...... 哈哈~ 只要唔抱住吃好o野的心態，加上有陽光猛曬，都彌補到gei~

食在布吉芭東

住就好喇，咁食o個方面呢？

老實講，麻麻o地。芭東餐廳最多是主打海鮮，其次是pizza/ 意大利菜，再者是歐陸菜，再之後呢，是麥當勞。真的，麥當勞多到像7-11便利店，差不多行到邊都見到。

於是今次我就按forum網友推介，試了以下餐廳（中間的Roma pizza店是自己找的~）。

第一間LOTUS真係好好食。** 一定要上佢網站book檯啊！

吃海鮮，還要是活的。一進餐廳已經有幾個大魚缸等緊你，裡面有虎蝦、龍蝦、蟹和各種類鮮，全部都好生猛，睇得出好新鮮。每一道海鮮菜，都可以自己出去揀海鮮...... 不過都唔係好識揀~

環境仲正，對住個大海，邊聽著海浪聲邊吃海鮮，好嘆！氣氛亦浪漫，現場有live band唱慢歌，叫我和他都很enjoy。

海鮮食法不離其中：先揀海鮮，再揀煮法。我們點了燒虎蝦、炸魷魚圈、蝦cocktail、煎三文魚...... 除了後者，其他全部都有水準。再叫來紅酒2杯，看著他，醉了。

第二天我們出海玩了，吃了個很流的午餐~ 故第三日，我們決定食餐好，入了這家Roma吃pizza。後來睇返旅遊書先知，原來這店由意大利人開設，18xx年開設，以正宗意大利pizza作招徠。

由四種芝士混成的薄餅，餅底好薄，皮邊脆，是正宗意大利pizza的證明；上面的芝士好多，好香，熱辣辣超好味！（搞到我又破戒飲可樂！）

千層麵，聞說所有意粉都是homemade，但有d鹹，所以我只吃了一啖~~ （淨食薄餅都夠滿足啦~）

到尾二個日，嘩...... 真係好彩無錯過這家number 6。

基本上，街上無乜邊家餐廳會爆場的，除了我在LOTUS和酒吧見過全場有9成爆滿，好少店子會像number 6一樣，無論下午定晚上都坐滿人，有香港人亦唔少外國人。

她是家泰菜館，好地踎，亦唔大，食物賣相仲幾求其；不過絕對值得品嚐。

簡單的一個菜，炒得很有鑊氣，好香；最好吃是下面的咖喱牛肉，那黃咖喱充滿香草味，微辣而香，好愛啊！

相信愛吃泰菜的港人，來到絕不會失望。

提提你，佢個menu幾難睇得明，如果唔知點叫，不妨問個waitress，指一指個菜式名，佢會點頭say "yes，good" or 擰頭示意不好叫的~ ^_^ 很老實啊。

家庭海鮮宴

久違了，好友們。

周六晚，約了數位朋友來我家聚會，主題是海鮮宴。

本來有點失望，因為有些朋友臨時來不到，幸好是夜還是過得不錯。

一檯六菜~~ 

個人最鍾意美極爆牡丹蝦~~ D蝦好多膏，肉又爽，唔係見買o左咁耐，生食好似無咁o徙。(但我俾佢d刺桔到手指損曬！)

蒸魚是第二至愛~ 可惜太細條，我唔敢食咁多~~

仲有凍蟹呀~~ 成八隻，又無乜人掂，結果吃剩好多。

洋蔥牛仔骨~ 幾好味，如果可以再濃味d，仲好。

煮飯的太太弄了大量薑茸，份量好比一碗飯呢......

由於等到9點先開餐，所以個個一埋檯就癲o左！

Anyway，最辛苦的真要數穿灰黑色衫的太太喇~ 成餐飯由她包辦，另加好友魚生做助手，兩位在廚房內又洗又切又煮咁，熱辣辣，真的多謝啊~~

呢個就...... 我lor~ 呵呵~ (個蛋糕from東海堂，超超超難食！以後唔會再幫襯，一次衰過一次！)