November 6, 2010

住在布吉芭東

要數布吉酒店,有平有貴,有靚又唔靚,有大大的hotel和細細的resort,亦有遠離繁囂靠山而建的和起在沙灘旁的,豐儉由人,視乎閣下喜好來選擇。

對於愛遠離市區的朋友,Trisara、Racha、Blue Marine、Banyan Tree都是好選擇,價錢不平,但環境都是很好的;不過如果大家如我般想住得較近沙灘,來到芭東區,會發現選擇不是太多,像B-Lay-Tong是很近沙灘的,但都要過一條馬路先到,而真正可從酒店直穿到沙地上的,除了Impiana Phuket,這家La Flora也是其中。

而我們今次正正入住了她咯~~

Resort位處芭東沙灘上,一出去就見到麥記和星巴克,直望是很多商店的大街;走出酒店向右行前少少,再轉左便是酒吧街和大型超市,再往前走,右邊是Jungceylon商場和OTOP夜市,很方便。

這是大堂啊~~



這resort由三組兩層別墅式樓房組成,各自中間有一條長長的泳池相隔;我們就住在相中正中間那棵樹的左手邊。

住在下層有個好處,一出房就是泳池,游完水不用濕漉漉般走上走落,方便到極。而這條泳池行到尾就是沙灘了。

房內設計簡約,以啡木色襯白色,再以橙色點綴,個人來講幾鍾意 ^_^

這就是玻璃外的景致喇~~

要彈的是浴室,好細,洗手盤旁只容納到一個化妝袋;好彩仲有個浴缸jei~~

每朝都有早餐供應,以為可以在房內食,但原來要去地下的餐廳才吃到~ 那是自助餐形式,都係蛋呀腸呀個d,水準好一般,但幾有heart的事有個egg station,朝朝有人按柯打整新鮮炒蛋煎蛋奄列,另外仲有鮮榨果汁同新鮮成餅蜜糖~~ 誠意搭救啦~

另一抵讚,是resort員工服務好,處處周到,臨走前驚死你唔記得,仲要問你安排好transportation未;每每幫你拿完o野急急腳走,像示意不會刻意要你拿tips;朝朝食早餐時同你傾計,個種笑容,好似好耐都無見過lu~

所以話,即使開頭個幾日落雨,留在resort內做gym好、做spa好,感覺都會好。

2 comments:

  1. 房間設計夠簡約線條乾淨,正呀。真係可以足不出戶窩係酒店+泳池幾日煲碟睇書做gym同訓大王覺呀

    ReplyDelete
  2. 好得 wo....幾錢一晚... 係邊度 book 架

    ReplyDelete

Translate