【買雜誌】Marie Claire 8月號

好少賣花讚花香，但今期《瑪利嘉兒》8月號真心好睇～

先有我訪問的"Bend The Rules"，是次有欣宜美艷的另一面（係，又係欣宜，佢係第一個知道我懷孕而摸我肚子作出祝福的人，嘻～），係你同我都未曾見過而又真心驚喜的。

唔係講笑，單單影這2張相已經耗上一天。

工作人員辛苦，欣宜亦辛苦，呆坐等待化妝、set頭、畫上紋身圖案，少點耐性也不行，還有那高難度動作，夠累人。

另一篇好睇，是下面的"Special Report"（即是我們的features稿件，談的比較lifestyle），題目是「偽兩生花」，即是找來幾對完全沒有血緣關係但樣貌極似的人。

雖然今期不是我負責，但我也由衷讚嘆同事的努力和相片的用心。（真係好鬼似！！）

在紙媒走向命懸的邊際，而我個人不完全認同online platform的「唔理三七廿一、資料正確如否鬥快upload o左先算」的做法時，真的希望大家可以支持一下我們這班仍在死守的傳媒人。

買一本《瑪利嘉兒》（或者其他紙媒也沒所謂啦，不過願意買我們雜誌也真心感激），睇下最新的時尚資訊吧～！

Happy Sunday!!