姊妹裙一號到步

如果大家有印象，上次我說過在淘寶買姊妹裙。

（請按這裡） ←可睇返前文~~

除了因為價錢，也因為款式比較特別，買來以後可以任由姊妹自行改短，方便得多。


等了又等，套裙終於到喇！！！（由於本人正在發燒，樣衰而無謂上鏡喇。）

 

老實說，款式和顏色都同原相有分別。

首先顏色偏Creamy橙色，而不是真正橘子般有夏日 / tan感；

其次是質料，全雪紡，而不像真身外層有層紗的~~

第三，整體層次單薄，穿上去不夠突出線條。

但單以條裙來說，質地不錯，很有質感，重重的，穿上去不覺"where"（←唔識打呀！）~

腰帶有相中的啡色圓形帶和白色幼身腰帶~~~

長度亦剛剛好，像我這種163cm身高的，買S碼剛好~

最好是她的剪栽可合多種身型的人穿，肥至130磅都一定o岩！


俾過一班姊妹過目，全都很滿意。

而我呢？

有少少猶豫，因為對於backdrop的顏色仍有保留，怕有咩變動，而這個橙色就用不上了。

但又怕這件貨好快會下價......

苦惱... 苦惱中....... 

希望今個星期內可以約到幫我做backdrop design的朋友，快快有定案！

心水姊妹裙

係我心目中，婚紗、晚裝、場地佈置、MUA等都不是大問題，但揀奶奶衫同姊妹裙則是我千萬不願意處理的，所以壓到最後。

Anyway，奶奶衫早前好順利地完成了，鼓掌鼓掌~~~

於是到一班好姊妹的禮服~~

一直想俾款人造，因為我唔鍾意一般租衫公司的款式，全都一模一樣，絹布、吊帶/tube、腰帶，了無新意，也覺得肉酸。

我始終認為，姊妹要和我當天一樣美，你話怕她們搶鏡？

別廢話了！

任誰都知我是新娘，有什麼搶鏡不搶鏡，何況她們當天都好重要，我期待和她們影一輯靚相唷~（←趁出完門又未開席的空檔）

在budget有限的情況下，我還是嘗試在淘寶搵。

其實已經找了半年，一邊hea住睇，一邊搵唔o岩心水；於是又睇訂造的，但我想要的款式閒閒地$700一套，有點肉赤。（←無鬼用啦！搵錢唔多~~ 姊妹別見怪~~）

 

好似上面呢套，好想做俾大家著，而她們都好鍾意，可惜店子說上身有點複雜，比較貴。

** 我比較變態，結婚時為冬天，但我不容許姊妹亂咁披個d毛毛披肩，要披都一定要揀d靚gei紗布 / 絹布；呢個款包到少少，都幾o岩心水~~）

 

當然，我最想是要↑↑↑緞布啦~~~ 不過更貴；上面呢個色，簡直係dream color！款式亦夠簡單。

之後又睇返淘寶~~

揀揀揀，最後揀到呢條↓↓↓

 

顏色o岩，我最like earth tone；

款式特別；

感覺fashionable，喜歡的話可以日後穿返；

唔似一般姊妹裙，夠特別；

偏肥或偏瘦都唔會肉酸；

長度好，就算唔o岩都可以自己改，唔似得租衫咁多限制；

總結：我已經訂了一條，應該下星期到港，見佢d客對呢條裙評價幾好，希望唔會失望~~

** 特別要多謝一班姊妹，對款式不加意見，仲強調只要我喜歡她們都會樂意穿上，好不感動！多謝你們，我愛你們啊！

my bridesmaid

去百利，除了一些婚事物資如茶杯、cushion等合用外，所有婚紗、晚裝、姊妹裙都睇唔上眼...... 除了地下的那間Yume。

走入去睇姊妹裙，感覺頗亂，不過好快就看到一件喜歡的，設計簡單，跟1、2樓的款式完全不同，更重要的是布料不錯，又可以做裙，價錢約四百來元一套（長裙），希望到時可以找她做啊。

裙的顏色方面，首選下面的青蘋果綠，感覺很fresh，兼match我心目中的backdrop設計；而且無咁common，唔似坊間的姊妹裙款來來去去都係粉紅、淺紫；設計則想有肩帶的，方便姊妹做o野，唔使驚甩裙（或做抽裙頭的動作）。

那天跟好姊妹略略傾過，她們都怕腳粗，加上我的大日子是12月，大家怕凍，故我決定弄個長裙給她們穿，讓她們可以順道著平底鞋，全日都舒舒服服。

下面第一、二幅圖就是我最喜歡的設計，不知她們是否喜歡呢？

而這是我當天的構想圖...... 當然各位姊妹不會咁肥啦！原來這綠色襯白如此好看~~

不過...... 後尾聽到個壞消息。

Wedding Art個邊同我講，因為我個場地顏色偏黃，好多色都唔合用，如想用以下這個設計，會好唔突出，她們見議我用米色、啡色或全白色......

天呀！為何會這樣！！

所以...... 姊妹裙顏色會有機會轉，有想過用下面sample的啡色...... 但又驚5個姊妹一出場太沉色。

Btw，以上咁多款，希望班姊妹可以揀到心水......

To my bridesmates: 你們一定要取得共識，因為我希望5人穿同一個款啊~~ 謝謝。