婚照後的啟示

好耐無update，因為相機的差電器錯誤送給了友人，而友人去了日本旅行，十日後先返，偏偏呢幾日我搵了幾間電子用品店都買唔到這相機的火牛，頂！

依家咩相都影唔到...... 對寫開blog的飲食記者來講等同斷臂。

-

12月1日當天阿Paul sent了幾張已edit的相來，我最想看到的效果仍未見到，甚至，呢輯相令我發覺自己真係唔靚，係愈來愈唔靚個種。

呢幾張相入面，近乎所有正面相我都不喜歡！

第一個hair setting原來唔襯自己，個刻都唔察覺，所以近乎第一個頭影的相都不甚滿意。

......

同埋原來我咁辛苦咁減完，身材都只能夠係咁，話瘦咩？一d都唔瘦，坐在椅上那臀部更是超突出！

如果我係有34D，下盤大都可接受，但現在是洗衫板襯大啤梨囉！

我知我要知足，真係知，只係有點感慨自己的樣貌/ 身材原來大不如前.......

"Never look back!"

鬼唔知！

但知同做係兩回事。

** 同場加映 -- 阿Paul對我的評語：

「Daphne，估唔到你上鏡唔係咁好睇，大笑唔靚，微笑唔夠自然，唔笑呢，真人睇靚，但一上鏡就變得好愁，你真係好難影。」

See？連professional都咁講，我只能無奈接受啦。

（同事攝影師仲話免費幫我影多輯，唔好搞喇，我仲邊有自信......）

1st Fitting for Pre-wedding

順利進行第一次婚紗fitiing喇~~~

試身時Eclat Couture老闆娘問我：你是否瘦了？
我說：肯定沒有啦~~~
她：但你的胸部鬆了。
.......

即是，努力減肥下，原來只瘦了個胸！damn！

Anyway，雖然我的減磅工程唔上唔落，不過是日都幾滿意，至少不肥也不瘦~~~

以下呢條小魚尾裙會在阿Paul幫我影的時候穿~~ 他技術好，我想幾乎我著什麼也可以啦！



下面這條則會在另一位攝影師朋友免費提我拍照時穿。^_^

想不到這樣女孩子的設計我也carry到，不錯。

這天陳生仲去了拿影婚照時用的tailor-made裇衫。

間店子叫Division One，是Eclat Couture老闆娘介紹的，位處Eclat Couture附近。

裇衫做得好正，非常fit身，證明店的老闆很能拿掐呎吋！

整個布料、設計都如陳生預期。

很chic，很挺身，價錢每件$6xx，因為陳生加了不同物料於裇衫內，所以價錢略高，不過陳生好滿意，那就值得啦~~~

我在Eclat Couture

張相好細吧？

哈~ 因為陳生部手機影到好wide，搞到我條腰似碌柱，為免俾大家恥笑，我決定唔放咁大張。

（唔準話我肥呀下，我知我重返2磅！）
其實如果我著a-line一定perfect，因為我上身不肥，但我知big day會著a-line，所以想影相有點不同~~



試完婚紗，好開心，扑取在Eclat Couture租（http://eclatcouture.com/），一共兩套，一套for 16號的pre wedding，一套for我攝影師朋友的額外pre wedding（免費的，在此再多謝一次先~）
原來，我好幸福。

店的老闆娘好好，不停叫我想清楚先租，唔使急；當我決定付錢時，佢仲俾我14號拿（我16號影），話等我唔使咁頻撲~~

之後仲俾o左個好特惠價我...... 原因有2：
1. 我不是big day用~
2. 我是在wedding art做deco（她們是合租一室的~~）。

真係好抵好抵！價錢免問，因為我相信每人不同價錢，我不想影響店主或其他用家，同埋好depends你揀咩款的婚紗，太多details當然貴一點。

而且老闆娘係一個有商有量的人，不喜歡腰帶顏色、設計、頭紗，她會一一滿足，只要你唔好唔知自己要乜就得喇~

佢讚我話好少準新娘好似我咁咁知自己要乜，通常上來試完十幾套都係揀唔掂，但我只係揀了2套來試，一試就扑取~

當然啦，因為我都唔係好知自己要乜，亦怕煩，所以揀完著完，見夠簡潔就ok！

1號去fitting，希望可以繼續減減減，though我承認戰鬥力愈來愈弱...... =_=

到時再影相，睇下我有無進步啦！