西柚減肥減到出油？

有個減肥case想分享。

話說有個西柚減肥法，餐單是每朝吃煎雙蛋+煙肉，午餐不限，晚餐不掂澱粉質和碳水化合物，而每餐餐前必須吃一個西柚或鮮榨西柚汁。

其實這個減肥法很work，我試過，第5日上磅即輕o左。(明明第4日磅都無瘦到的.......)

但過程當然很辛苦了，特別是當西柚唔靚時仲要連「衣」食，真係同食芫茜有得fight！(本人有芫茜驚恐症)

同埋仲有個問題─勁易反彈，仲要double個隻！

除非你事後唔按療程，都可以keep住食得均衡~

我有個朋友試完，十級成功，無反彈，正到不得了，奈何....... 佢竟然滿臉、滿頭出油，是油到好似搽了花生油上去 (又或洗完頭沒沖頭) 一樣。

無誇張，她嚴重到要看醫生，是患了病般。老實說，醫生也說不出是什麼病，但就話肯定同減肥有關，結果朋友用了數個月時間先回復正常，幸好的是，依然keep到身材。

在這裡提提大家，各人減肥方法不一，千萬別亂試，老餓著不食也鐵定失敗的！

個人認為最好便是吃得清淡，唔得就keep住每餐食到6、7成飽就停，夜晚打死不掂澱粉質和碳水化合物 (周末夜可以給自己放縱啦，否則人都癲....... 除非你是靠樣搵食~)；仲有，唔該，戒甜戒糖，特別是夜晚個餐~ (這是我fail的原因... 我每晚不吃warm chocolate pudding/ 朱古力蛋糕睡不著的...)

女士們，加油咯~