September 7, 2014

Classic Tina - 理智與感情 (Repost)

最近有blog友及公關朋友詢問關於婚紗事宜,因此我repost這篇blog~

成日叫準新娘將Classic Tina盡量放到最後才去,當去曬心水的婚紗店都未有著落時,來這裡,一定有心頭好,因為她的款式與質料都太好~

Ok,這是我當天的新娘及晚裝look,有興趣繼續看下去啊~





***

朋友見我多心,揀婚紗揀極不合心水,猛催我去Classic Tina。

這家東東,很出名了吧,我也因為其知名度而有所避忌,因為我唔「挑」得,聞說老闆娘Tina是不易相處的人,那我就更加避之則吉。

不過現實終歸現實,去了無害。

亦好明顯去完以後,很慶幸自己有來走一趟。

縱然,我來到等了她個幾鐘,縱然要聽她一大段偉論,亦縱然她只是主力抄款......

但我都心甘命抵。

無他,只要你已經去過中環最貴的店舖,並已經睇唔上眼其他婚紗店,來到自會明白。

她的用料很不錯,款式炒得似模似樣,好些甚至比真身更佳,那她吹噓又有何干?

何況,如你試問自己可以掉$35,000出來買套Romona Keveza,根本就沒機會 / 亦不用來感受Tina的氣焰。

所以風來必有因,我自覺一切值得。



當然,我亦慶幸自己沒有令Tina不悅的地方,咱們傾得投契,故無論試衫時、傾package時都很順暢~

試身時她更比我興奮的猛幫我拍照,心想:thank god!

至於價錢,人人說她海鮮價,我不知道,只知她手寫了一張價錢表給我,不貴,以這質料一點也不貴,那我就放下心頭大石付錢去了~~



那為何條題係理智與感情呢......

各位,我本來只是來找婚紗,想不到她的晚裝美到不得了,還遇上我最愛的灰色!

結果...... 沉淪了。



陳生在後面黑臉,像是投訴我浪費金錢(陳生也有這面啊~~~),但,真係唔掂,一試會上癮!

我在理智努力壓抑下,才刻制地選了一套婚紗一套晚裝...... 並叫Tina:請你唔好再拿任何款式俾我試了!

真係,從未試過試衫試咁耐,從未試過試到唔知揀邊套好,更從未試過如此浪擲金錢。

難怪許多人說一來到Classic Tina便無法回頭。


******

環境:這裡店分兩家,其中一家樓底挺高的,有個超級大的試身室和鏡子,穿完愛轉兩個圈也沒相干;整體很乾淨,不錯。

款式:很多,婚紗、晚裝、褂、媽媽衫都有,可做可租~ 雖然大多是炒名牌款,但像真度高;沒得睇婚紗真身,要自己帶相來做ref或向Tina解說自己要什麼,通常都有款在的,不過設計多為簡潔,如你愛公主婚紗麻煩去金都。

服務:都係個句,慶幸無相無干,順利完成,受到很好的服務態度,god bless!

總結:我超喜歡這裡!每試完一件衫,Tina即將婚紗放入衣物袋中,明顯好錫它們,所以也keep得很好,而且穿上婚紗後她堅持要你帶埋頭紗、穿上高跟鞋才出去見人 / 拍照,都是有堅持的表現,這點我最喜歡了!



各位搵了N間婚紗店的人,別忘了這間唷~~




Classic Tina
紅磡黃埔花園第12期家居庭地庫19-20號舖 
23561033  

8 comments:

  1. 想當年已經租晒裙,心思思走去逛一趟,即刻出事!做了一條靚絶全場的裙,Tina因為知我已租晒裙又心大心細,還主動減價,$3000有找!講真,佢真係幾主觀,不過主觀得來好有品味,一眼就看穿什麼新娘適合穿什麼裙了!

    ReplyDelete
    Replies
    1. 係,呢間o野真係一去無回頭,好恐怖~ :p

      Delete
  2. 第一張相條灰色真係好靚!!!

    ReplyDelete
  3. 黎緊1月有個CLOSE RELATIVE結婚,想要造條晚禮裝,都想去TINA到睇下。可唔可以比個CONTACT我? 但我BUDGET$4000到,仲要1月頭著,唔知趕唔趕到

    ReplyDelete

Translate