【馬年睇戲】我要爆Fifty Shades of Grey

羊年前最後一篇blog的二三事：

1. 《Fifty Shades of Grey》

Ok，我承認我係被同事影響下走o左去睇呢套戲。

睇完感想係同同事M的facebook status差不多：坐我後面個呀叔睇到一半掉低一句「on 9」就走Q左，條女追都追唔切（唔會情人節分手卦）；影評就見到d人話信和頂樓有好多呢類型電影...... 我只覺得到喉唔到肺，可以再激d lor。或許配樂比電影本身更引人入勝。唔睇戲可聽soundtrack先。

重點係，我唔單止覺得到喉唔到肺，仲好似個位阿叔一樣，差d忍唔住爆粗走人。

之後在instagram post了有關comment，有人問我（定challenge？）究竟知唔知呢部戲是三部曲中之一、有無睇過書、有無睇過d詩、如果你睇左本書先會好好多……

如果一部戲的成功，要依靠原著來成就，那麼這真的是一套好電影？

何況我只是就電影，甚至很個人的觀感去看這戲罷了，這麼認真幹麼？

Anyway，不喜歡這電影，全因悶，整場戲沒有高低起伏～

說三級，有點牽強；

說SM，又完全未夠火喉；

談主角的內心世界如何翻騰，2位的功力又未夠深；

所以整體而言係睇到想掟芒：「究竟，想做乜啫！」

其實如果大家有睇過美劇《The Fall》，對此男角應該不會陌生。

Jamie Dornan，在《The Fall》中已經令人好想打爆芒，一來是角色設定，二來是他的演技，零表情的戲碼，睇到我嗌媽咪呀……

在戲裡咁的身型，唔好sell到佢係好好好好鬼好身型囉！

請大家睇以下呢段《Fifty Shades of Chicken》中的男角（擺明食住條水出的recipe），人家的身型真係……我要流鼻血：

無可否認的是，《Fifty Shades of Grey》有很多場戲是挺浪漫的，更可以說是許多女生所渴求的……

例如：

• 無端端識到個勁有錢又有樣又有錢（戲是這樣塑造他，雖然我唔覺）的人，而對方都係鍾意自己tim～
• 在酒吧，一句飲醉o左，就有個型男來接走；
• 心儀的型男竟然唔使自己講都知自己在邊度做part time，向我say hello；
• 無端端揸架跑車來接你走，之後仲話有驚喜，帶你坐直升機、揸飛機睇靚景……

（唉……都唔明點解要搞咁耐）浪漫位，有排數。

所以當睇到「媽媽聲」的陳生問我：又係條女自己話要試（最重型SM），點解試完又要喊又要唔開心啫？

呢d位，咪又係女人先明囉！

即係，女朋友問你有無對佢唔住，係咁叫你「講啦講啦，我唔會嬲」，點知男朋友一講完有做對佢唔住的事，咪反檯囉！

女人就是口是心非。

同埋，唔甘心，自己咁鍾意個男人，但個男人咁鍾意玩SM，我點可以唔試？

當然，女主角最後係喊住走……

講到呢度，係咪都係唔知套戲講乜？

無睇過本書，好似唔係好fair，咪問問看了原著的同事K呀，點知一提起佢就爆粗：「唔好再提啦，佢係我近期買過最爛的書！成日都係『咬唇令我有性衝動』，真係夠喇！」之後佢將本書送o左俾我老細……

噢…… 或者，文學gei野，我地識條鐵咩。

未睇的，自己睇樓下trailer。

Well…… 講得太多，本來想講埋第2、3件事，不過算啦。

簡單一句：《The Penguins of Madagascar》好好笑！

同埋，唔經過今次都唔知原來卒仔（即係成日俾人烚個隻）係咁得意，睇完心情開朗，yeah～～