【周末Brunch】甜品癡必到

明明同一間酒店出品，我偏偏只喜歡大堂的Green。

或者我覺得她較平易近人，打親去都book到檯，而且價格合乎所值，有睇過我之前的blog的都知我間唔中會去呢度飲酒食飯，貪其樓底高，比一般餐廳幽靜，跟落地玻璃外的繁忙車龍景致相映成趣。

4月尾知道她推出brunch，二話不說打去訂。

自助西式頭盤及甜品，主菜四選一，成人每位$328、小童每位$168，另設加一，包果汁及咖啡或茶；由11:45am食到2:15pm，時間不算長，但卻足夠有餘，因為食物款式不多。

一見頭盤跟甜品放在同一張檯已深知這裡不是賣大堆頭：

即切西班牙火腿、煙三文魚、芝士、沙律、法式鹹派等。

水準中規中矩，沙律是海鮮款式，魷魚新鮮極；西班牙火腿不是特別高級，但依這價錢可接受；鹹派有2款，皆好吃，個人特別愛菠菜口味。

愈來愈討厭我「相機食先」的陳生……

頭盤過後，有湯或魚子醬烚蛋配火腿任選，之前已吃過火腿，所以這選擇好多餘，便點來意式雜菜湯，不賴，但可有可無。

主菜四選一，通常會配備海鮮、扒類、意大利麵和漢堡，這天有duck leg confit，當然不錯過。

大大份，賣相一般，味道過鹹，但肉質軟爛亦香，個人來說可接受；薯蓉細滑，喜歡。

媽媽吃Seabass，肉甜具油潤，不錯吃。

甜品也許才是亮點。

除了檯上一系列cupcake、酥皮餅點、馬卡龍等，還有傳統法式餅點Cannelés（坊間少有供應啊），以及餐廳本身餅櫃內的蛋糕也一律任吃。（店員跟我說每人只可取一件，但其實根本沒人理會，人人都是取完又取，後來店員說：如果真的很喜歡，歡迎再取。）

如果你喜歡吃榴槤，一定一定要吃餅櫃內的榴槤芝士餅，用上馬拉榴槤製，好好好好好好吃！

期間還會每檯分發這個於自助餐餐廳The Market熱搶的榴槤撻啊，新鮮出爐，又軟又香。

Green

尖沙咀科學館道17號唯港薈大堂

3400 1388

*務必訂座