記得早前在《砍食男女》做農家菜topic做到想死，眼看榴槤綿花冰送俾人，真係有唔止1秒衝動想問點解連個天都唔鍾意我！
好彩... 意外收穫至今難忘。
個日晨咁早走入屯門耕田… 嘩，真係high。入左去都未夠5分鐘，兩隻手佈滿10個針窿，痕到爆！
當然，我亦只能努力克制那勁痕感覺，扮pro咁繼續跟農夫四圍行，睇下有咩影。
「嘩！好大個冬瓜呀！」
估唔到因為一個冬瓜激發起我gei正能量。
之後仲keep住好hyper，菠蘿、矮瓜、番茄… 好大個、好感動，原來真係可以咁fresh。
最爆係親眼睇住條蟲o向條矮瓜鑽出來…
「咦~ 有蟲呀！」驚叫彈開。
「咁先證明無用農藥呀嘛！都唔識貨！」條農夫竟然串我… =_=
接住就好快好快咁影完，抽住一袋二袋瓜菜返餐廳煮來影相。(其實已經影左3個鐘)
睇住d食材即摘即洗即煮兼即食，原來係咁amazing！
明明剛才仲係啡啡爛爛，轉個頭，顏色又靚又sharp，係睇得到個種fresh。
入口真係… 好！
我是食肉獸，呢餐除了缽仔雞，全素菜，仲要無咩調味，極清淡。但卻是我近期吃過最好、最滿足的一餐。
木瓜炒豆豉？一d都唔驚，仲好好味，木瓜超爽多汁，估唔到一鹹一甜都咁夾；
雜菌炒冬瓜好鬼甜，爽到爆~
仲有個蒸豆腐，就咁放d蘿蔔粒、粟米粒，佢咁滑，落乜都好食。
唔知係咪真係親身感受過，親手摘來兼即製入口，味道真係唔同d。
唔怪得班食家成日北上食農家菜啦~
間野仲要幾抵，平均消費6、70蚊，食材新鮮+有機，抵到震~ 有興趣者仲可落田種自己摘，唔落田，淨睇佢收割都得~
農家菜館
地址：屯門藍地梅嶺閣C座
電話：2461 4483
另一家鄉土風情(蔡瀾都介紹過)又係搞笑~
搞笑在......
威力勁到... 咬斷左師傅隻手指~ (聽完即刻忍唔住大笑...) 哈~ 但個日俾我地狂糟質。將佢舞來舞去，從水拎上來，浸落去；拎上來，又浸返落去... 搞到佢個樣勁嬲！ (其實佢個樣係唔係都黑黑地~ 哈~) 一落水，個咀勁出氣泡，我諗佢都來唔切透氣... 係好殘忍... 不過... 為左張相，犧牲下啦~
店內菜式好得，做法地道巧手，款式坊間少有，炆腩肉、芭蕉骨、碌鵝、茶粿… 好食。
普通食客未必知~ 但其實道道功夫菜，約$60客，又係抵食。
鄉土風情
地址：大埔太和商場301鋪
電話：2667 2988
No comments:
Post a Comment