November 24, 2010

騎呢人

以下的一則九唔搭八的對話,令我進一步認同「一樣米養百樣人」之道......

話說朋友S在網上開時裝店,一直生意不錯(雖然我無幫襯過),遇過的客人層出不窮,但要數最搞o野的,一定是我剛剛聽到的這個。

接下來的是email對話。

客人A:我想要XXX衫和XXX裙呀。

朋友S:好的,那請問XXX裙你要什麼size?

客人A:唔...... S或者M啦。

朋友S:....... 確實一點會比較好啊。

客人A:我不夠156cm高,但又不太瘦,你覺得呢?

朋友S:(已經想發火)其實呢,最重要是腰圍和臀圍啊,不如你回家度下再話我知吧,我不想你買後不合穿啊。

客人A:(除了1句鐘)waist is 27, breast is 34

朋友S即刻打俾我問:「究竟breast係咪解胸部?點解佢買裙會俾個胸圍我??」

(朋友S已經癲o左~~)

朋友S:不好意思,請問你的腰圍是27,那麼臀部是多少?

客人A:哎呀,我以為你問我件衫的size要多少!(但明明佢買的衫只有free size,朋友S問緊的是裙呀!!)其實我不是太瘦呀。

朋友S:......(心裡已經爆粗:咁即係臀部幾多...!)

{#icons_panda20}

截至現時為止,朋友還沒有update我,所以我不知道這單交易有沒有做得成,但好明顯係...... 呢位客人真係唔係好想俾人知佢個pat有幾大lor!

如果不好彩地,客人A睇到呢篇文,請別動氣,因為你真的似是在玩多過幫襯呢~~ 我的朋友都不過是想你買到心頭好,請合作合作吧。

1 comment:

  1. 哎呀,我都有plan緊開online store。聽完你朋友呢單野我擔心見到呢d客人我會不停翻白眼,長期係o甘我驚會對眼有不良影響架bor

    ReplyDelete

Translate