November 8, 2010

再來食在布吉芭東

先前講o左啦,去芭東離唔開食海鮮;而講親食海鮮,好多人都會推介Savoey。

她是老字號,有室外室內兩邊,唔想俾人嘈,室內係fine dining格局,好正;室外就有live band,氣氛熱鬧,不過對band唱得鬼咁難聽,男gei好明顯唔夠氣,但都要唱air supply,真想搵酒樽飛佢!

Anyway,呢間o野都係有海鮮鋪曬o係門口俾你揀;個人覺得水準一般,要吃,就吃龍蝦,因為只有龍蝦是活的,其餘都被d雪雪到暈o左/ 死o左,俾你揀都無用。(除非你係expert)

蒜茸牛油炒蜆,真係怪到無人有。

BBQ虎蝦,一D都唔似有燒過...... 除o左條尾同個頭燶曬之外。

食到呢度,我決定放棄唔食。

***

而街頭小食亦係芭東必吃之作;水準好唔好係其次,食風味為首嘛~~

好似呢個pancake,我欣賞的是檔仔店主的製作過程,熱辣辣,感覺寧舍好食。

係ga,可能你會話有d污糟,不過有時我就係鍾意呢種食當地風情的感覺,大菌食細菌,最多咪痾~~

最可惜gei係,我無食到其他車仔檔的燒粟米、串燒、香腸等,因為實在太飽了。

***

泰國=生果,是我的concept,所以我唔會放過任何遇到生果的機會。

偏偏在芭果個d生果檔,賣親gei唔係黑色就係青色gei香蕉,芒果都係黑色的,仲有烏蠅附送,我唔介意痾唔等於我想死!

而只有上面呢檔係咁乾淨又企理,燈火通明。

於是我就幫襯o左佢榴槤同芒果...... 唔,果然無令人失望!好甜呀!

**想找這店,可以從C&N hotel或number 6餐廳向Let's Relax方向行就會見到。

想補充一點:可能芭東人比菲律賓人識做生意,所以她們的fruit shake基本上是不好喝的!不夠凍/ 不夠甜/ 不夠真...... 也有機會出現,跟那次我在長灘島,喝每一杯都是冰凍解渴又鮮甜的fruit shake差十皮呀!

大家別過份期望啊~~

***

古靈精怪東南亞......

下面兩張相已經表達了~ 當地薯片款式好多,特別係lays,肉丸、海鮮、青檸辣海鮮、BBQ...... 不過款款都唔好食的!

最正係俾我發現到藍莓配果仁薯片,唔敢開...... 決定俾班同事試,嘻~~

下面又係咩呢...... 花生bun、果jam bun吃得多,thai custard真係聽到未聽過!

仲要係青螢光綠色...... 好驚呀!

總結:芭東steak house唔得、海鮮店良莠不齊、地道泰菜店只搵到一間...... 哈哈~ 只要唔抱住吃好o野的心態,加上有陽光猛曬,都彌補到gei~

5 comments:

  1. 蜆的size又真係袖珍左d 我上年秋天去清邁玩,極力推介呀!

    ReplyDelete
  2. 話時話,睇到你張新profile picture,你晒到好陽光呀

    ReplyDelete
  3. 哈哈, 榴槤 + 紅酒係咩感覺架呢

    ReplyDelete
  4. 等我好好 bookmark 0係個腦, 下次食榴槤 試下先........wakkakaka

    ReplyDelete
  5. 好多野玩架,不過無海灘。 我個blog之前post左清邁的少少活動,用興趣你可以去睇下。可以去大象camp,玩flying fox ride或者激流,去學煮泰北菜等等。秋天去天氣清爽好舒服架。

    ReplyDelete

Translate