這就是星級酒店？

記得全港首位女行政總廚同我講過，某些飲食指南的權威性是不容置疑的，但，名氣不等於什麼，因為每人口味不同，唯有尋找到最對胃口的餐廳，才是心目中最好的餐廳，有星、無星，不合脾胃就怎麼都吃得不暢快......

對的。

不過人總對具名氣的東西有期望，像四季酒店The Lounge。

其實是次來吃，是受到上海四季酒店的公關A邀請。我第一次來，基於酒店名聲，我是有要求的。

可惜無論食物以至服務質素上，均只屬平平中的平平，若以一間N星級的酒店而言，可謂差。

午市$350位，有湯+二選一主菜+甜品。甜品沒吃，不評。

這個番紅花周打蜆湯，當算過得去，濃稠帶鮮，至少吃得出有加過海鮮去煮。

主菜我選了西班牙辣腸伴番茄洋薊扁意粉，錯極！意粉極油膩，帶微酸，一個字：怪！

無計，另一道是燒(魚安)(魚康)魚，我怕無五穀唔飽，所以沒選。（聽公關說幾好~）

不過最叫倒胃，是服務。叫侍應俾水，它大大力掉下水杯...... （算），但竟然一去不返，水完全無斟過！之後再叫同一個侍應來斟，佢好似完全唔覺得自己有問題。

另一個waitress仲cute，吃完主菜幫我放甜品餐具，我說我不要了，她即大聲地說：個餐有ga喎！

鬼唔知有呀！但我唔要唔得咩！之後佢仲指住另外2位行家問我：咁佢地要唔要？

依家我係侍應？

今時今日咁gei服務態度，真係...... 搞到我個刻都忍唔住在公關A面前黑o左一下臉，真不好意思啊。

The Lounge

中環金融街8號四季酒店大堂

3196 8820