December 4, 2010

再談摘星記

新一輪港澳米芝蓮餐廳誕生,慶幸今年入圍餐廳變得多元化,新增了不少地道食肆,感覺總算為港人爭一口氣。

不過,大家是否忘了米芝蓮的真義?

之所以被稱為「飲食聖經」,全因她挑選餐廳過程嚴謹,會派密探按既定準則到餐廳進行秘密試食及評級,更暗訪起碼三次以測試水準之穩定性。

至於星星的多少,完全取決於食物質素,包括食材質素、味道的融合、廚師烹調的風格、水準一致性及是否物有所值。環境、服務等方面,則會另有標誌顯示。

不過如果大家有睇過法國及日本版米芝蓮,約九成上榜的都是靚餐廳,格調優雅不特止,消費仲唔平,所以當米芝蓮來港時,本地行內人便懷疑她的準則,擔心她們只會選酒店級或貴價餐廳。

結果,也不算很一面倒,只是有些不值一提的餐廳也無故故上了榜。

來到今年,米芝蓮變得更地道,本是值得高興,感覺他們派的密探花了心機去試港式食品,但古怪餐廳上榜依舊。

有時,食物之好與壞不淨是來自食味,也講求環境和服務,誇張點比喻,要是你在一家地下有屎的餐廳吃到天上珍饈,我想再好吃的也變得嘔心了。

所以當我見到恆河咖喱屋時,除了O咀都實在沒話說了。(點解我在東大街附近返工良久,吃了N次也不覺得值星?)一點心...... 汗額。

看到這裡,再睇到《米芝蓮指南》總監 Jean-Luc Naret說「一餐只需 15、 16元,全球米芝蓮食肆中最便宜」這句,這,真的是讚美嗎?




3 comments:

  1. 我今晚去左銅鑼灣一家日本燒肉餐廳(吾係超難食不過真係吾好食),食完出門口先見到banner話係米芝蓮推介,我同個friend當堂O晒嘴兼滴汗呀。

    ReplyDelete
  2. 車軚人用香港作試點再北望大陸發展. 但歐洲車軚同亞洲車軚越看越是不一樣.

    ReplyDelete
  3. 剛剛再打電話俾朋友confirm問清楚係咪真係米芝蓮推介,佢都話見到係,不過吾知係上年定今年新版。間野係世貿‘名家’隔離叫‘桐燒’,check過開飯page都有27個like,唉

    ReplyDelete

Translate