Pom Pom的用處

Pom Pom球，好多準新娘都會用，一來靚，二來平，隨時從淘寶（於淘寶打雪梨紙就有大量選擇）買來自己摺摺摺，$1一個都唔使，仲可以乘機多多樣自家手作仔item。

我呢，平生最憎手作仔，加上要我翻來翻去摺足幾廿個，會癲。

幾廿個？

無錯，我不是用來當backdrop，或純粹放在reception table上，而是用來做centre-piece。像下面這個~~~

Centre-piece呀centre-piece，我心目中最惱人的一項！

酒店供應檯花不合，我又不想多加$3,000做一些不是太合心水的佈置，但陳生又怕檯面空蕩蕩。（竟然係陳生怕唔係我怕……他開始投入了 :p）

於是醒起朋友B提過的Pom Pom球。

上網睇下點摺，OK，我係更加肯定唔會自己摺囉！於是決定買。

朋友B為我提供了這網址：

http://www.etsy.com/shop/PomLove

她曾在這店買來，店方已經摺好所有雪梨紙，送抵後自己做翻開的動作就可以了。（其實單叫我翻開都好想死，自問粗手粗腳，應該會撕爛唔少Pom Pom~~）

Click上去睇，wao，好靚~~ 好多顏色，仲有齊曬我的theme color！

再睇價錢，貴！一個三十幾蚊（18吋），仲未計運費（五十幾蚊！）~ 佢另外有20、30或50個的package，感覺會抵少少。如我，每檯放2個，即要44個，so我就考慮50個的package：可自選顏色，包20個18"、20個14"及10個9"就$1,313.69，加運費$477.71，承惠約二千大元，唔……比起佈置公司提議我的centre-piece設計平而且合心水。

所以呢，這樣買是貴與否，見仁見智，但只要陳生批准，而我又幻想到2個Pom Pom球放在檯上真係ok好睇時，就會狠下心腸──買！

試想像這個場放Pom Pom球，會好看麼？（念力、念力、念力.......）

pom pom疑問

 

疑問：

好多人會自製pom pom球，但請問整完之後點運去婚宴場地呢？

謝謝。

Wedding Deco... 重新出發

新消息：我轉了婚禮Decoration公司。

OK，我本身選了Wedding Art，但奈何問題愈來愈多（係多o左D罷了，也不是很嚴重啦~），陳生唔係幾頂得順，而我都唔想每次見完/ 問完心裡爆住粗走......

咁大最問題係咩呢？

幫我的姐姐唔helpful。

    ** 基本上我無o野要佢design，因為我有好好的朋友已經幫我design了整個theme，但問親佢乜，佢問返我有咩想法，diu！咁我使乜來join你？
    ** 問佢有無我想要個tone的絲花，她說：有排啦，唔使緊張。咁，即係有定無？
    ** 每次上去見佢，對方講o野唔夠20句，次次淨係叫我們睇相，其實你個blog我前前後後睇o左3次！
        也許你仲有好多存貨相無post，但我覺得再睇也沒分別，因為我們已經有ideas了~~
    ** 乜都無得傾~ 送一對燈 - no! 那唔用的items如cake stand、油畫架可以轉乜？「你想轉乜？」但基本上講o左幾樣都話唔得，之後叫我轉candy table，大佬，我都無，點整？

癲！

之後，已經無心機。

**** 我強調，身邊好多BLOG友話她們的一位同事Monet人很好的，可惜幫我的不是她！

然後，又去了其他公司格價，發覺她們的package不算很划算（亦聽過好多blog友話以為她們會幫手格到最低價，但最後都係企到好硬~~），拉勻條數，printing比人貴（你做拉布真係著數好多），記得那位姐姐仲話：「printing我地用唔返嘛，當然貴d啦~ 不如你做拉布~」仲o黎？我真係差d爆粗！

當中，仲有好多好爆gei事，不過，再講也沒意思。

***
找了又找，搵過The Dear Floral。

其店在太子，上到去感覺好娘，好亂，但招呼我們的姐姐好好，她叫Josie。

喜歡這店本身package ok，像我，要全printing backdrop，$8,988已經ok：
包8" x 16" 的printing
迎賓檯
蛋糕檯
相簿檯
地毯
welcome board
一對射燈

更喜歡她，係乜都有得傾。

想backdrop加多對燈，ok~
想走廊加對燈，ok~
想print埋no. card，可以平d嗎？OK~~

基本上，對方認為你消費高過$8,000已經乜都有得送咁濟，當然，也不能太過份啦！

離開店子，我和陳生15/ 16，因為我們還有一個心水Katie Little Decoration。

間公司好新，之前一直主打教堂佈置，上年才開始做場地，不過從對話和她的相片ref中見到大家的思路好夾。

最重要係，她做過我想要的theme，我確切地見過她們用了我想要的color tone絲花。 

像下面這2個，一見已叫人雙眼發亮：

於是...... 想了又想...... 始終還是選了Katie Little Decoration，因為肯定到她有有關deco item~ （The Dear Floral好老實，承認現在沒有相關色tone絲花，但話會幫我搵到的~~ 我愛人直接+坦白~!!）
而且其價錢相宜 (和TDF相差唔遠)，可能因為偏新，議價空間不錯。

我也很喜歡和老闆娘之間的對話，簡單、直接、到point。

淨係一句：「你想要gei色，就算我無都tailormade俾你，唔收錢。」已經值回票價。

有時人願意花多一點咀頭，一切已經180度唔同。

最喜歡她清楚列明每個item價錢，你鍾意就join，唔o岩budget就過主，就係咁簡單。

當然，海鮮價有海鮮價gei好處，不過就睇你得唔得同你傾個條友gei歡心。

想知其package詳情，請pm我。

報告完畢，現在好開心。