做得耐飲食記者，成日評彈呢樣個樣，好夠喇。
今日我決定簡單點，不理店子歷史，不理做法如何，仲知就是「盲中中」走入一間舖頭醫肚，覺得好吃就是了。
可能正因為沒有多想，所以才有驚喜。
我聽聞過這家店已有39年歷史（又話唔講舊史！），做粥品好出名（特別是腰肝粥），雲吞麵亦出色，但我就偏偏點了牛丸伊麵，確實錯有錯着。
見到伊麵已經覺得好吊詭，我從未在粉麵檔吃過伊麵，所以特意叫來試。
伊麵到！
細細碗，size像細蓉，但粒牛丸就「鬼火」咁大粒！足5粒，鋪滿成個碗面，好吸引耶~~~ *3* 仲要比平常的深色點，感覺好「牛」。
一啖咬落去，woo……爽，但不像平常的死爽，而是有點咬勁，香香的，讚呀！（吃了一粒靈魂已經飛了出來拍掌）老實說，我不知道這是否牛丸的美味標準，但，我覺得對胃口，討得我歡心就很好了。
（頭一次吃到我會會心微笑的牛丸，真的。）
下次，我要食雲吞……不過都係等我減完肥gei事……
個收銀機舊到...... 肯定老過我！（我驚一舉機店員會罵，這是偷影的效果來啊
）順帶一提，班侍應幾惡，唔好多問，唔好諗咁耐，唔好猶豫不決，叫來侍應，點個痛快就會整餐都吃得安樂。
利苑粥麵專家
銅鑼灣駱克道539號（Sogo後面條街）
2832 4978
