一直以為自己已經有個相熟化妝師，便算是找到MUA了。
但女人都是多心的，愈想愈想，還是想找個可以化得清簡一點的，所以便開始踏上物色MUA之路。
或者你會覺得現在找好似早了點，但其實不早喇，因為我相熟的那位下年booking已經好full了；2012年12月，人人說是結婚好年，無不一窩蜂，我就最怕同人爭，才不理什麼好日唔好日，兩個人開開心心結到婚就得喇，搞咁多做乜！
不過上網search MUA的過程都好慘，唔似睇婚紗，睇相起碼有個款俾你image，化妝就一定要上面先見真章~ 同埋相片好參差，很難單憑照片確實。
Click了N個blog，算了找了幾個心水的：
Kiko Au http://hk.myblog.yahoo.com/kikomakeup
走清簡路線，頭髮set得好美，感覺優雅不花巧；不過佢D妝係清得好緊要那種，唔知自己是否carry到。價錢好像是$7,800（早+晚），對我有相熟MUA的人來說是頗貴的。
Sandy Wong http://www.fotop.net/merrymarry
不太濃也不太清（即正常啦~），喜歡她set的髮型，全都有個性，不會獨沽一味；聞說她手勢超好又快；不過據講很難約，因為太多人book，連試妝都要等到5月。價錢約$6,200全日。
其他如全世界都講/ 讚的Ada Yip、May Chong都沒有「叮」一聲，所以都幾失望。
價錢上，希望可以$7,000以內，不過如果真係適合，貴少少都OK，如果大家有什麼好選擇就給點意見吧。^^
