有heart的餐廳試得多，特別的餐廳亦見唔少，抵食的餐廳...... 要數真係有排數，不過好似呢間Farm Kitchen Vegi咁有heart、特別、抵食的餐廳，都幾少見。
有心同特別呢兩part可以一齊講：日籍老闆於日本當蔬果供應商，又自設農田種菜，故店內所有蔬果皆由當地直送，北海道南瓜、大分縣空心菜、群馬縣洋蔥。
另有少量食材、醬料等也是日本貨色。
值得一提的，還有店內設有蔬果櫃，現場吃完想買返屋企煮都得，且價錢仲平過sogo，抵。
咁食咩呢~~ 就係西日菜，每位$258，任食餐牌上所有菜式。而大廚都有d來頭，曾於美國西雅圖領事館任職多年，後居香港於多家日本餐廳當大廚。
菜式有前菜、意粉、意大利飯、甜品等，全部加入日式素材之餘，還配合大量蔬菜製作，所以店子又以健康菜式作招徠~~
這個是沙律吧~ 很raw，感覺好fresh。
更正是全部上來都如此靚仔~ 絕對唔似係食緊任點任食lor~~
燒三文魚蘆筍沙律伴溫泉蛋大葉汁，最好的吃法，是先將溫泉蛋打開，再將略燒過的三文魚蘸上，極鮮。
龍(月利)柳伴帶子慕思配雜菜牛油汁，做法特別，魚柳內釀有帶子來煎，鮮、香、甜，我最愛這個了！！
薄切炙燒牛肉伴雜菜沙律黑醋汁，略有carpaccio的影子，肉味濃，但我覺得有d乾~
黃芥辣汁配日式黑豚肉，採用了黑豚腩肉來炆煮，即使鋪滿濃濃醬汁，也吃到肉香，只是過了少少火。
好餐廳，真係要幫襯下！加上11月佢加價喇，每位$288，想食平少少記得趁早！
Farm Kitchen Vegi
尖沙咀金馬倫道33號The Cameron 2樓
2721 1800
** 下午有lunch set，$65起；晚市$258，小童$138任食。
