邂逅Roger Vivier（幻想中）

自問搵錢唔多，但仍然不減敗家性格，特別是對住鞋同袋，簡直是次次中，無一次幸免！

之前食生蠔飯局，就見到行家穿了類似下面這款鞋，但是我最愛的Earth tone啡色，見唔係好熟，唔敢問邊度買。

今天百無聊賴四圍睇blog時，就在Yahoo blogger Vanilla Blue看到有關這款鞋的介紹，原來是我孤陋寡聞，此鞋乃鼎鼎大名的Roger Vivier！



講真，真係好吸引lor！

因為自己是超超超喜歡穿平底鞋（無計，我近乎著乜刮乜，連著人字拖鞋都可以腳面界損曬，更枉論穿高跟鞋了！），加上之前買了對Salvatore Ferragamo非漆皮版，鞋頭好快刮花了，心痛死！！

於是決定要買一對漆皮面....... 雖然...... 感覺上總是無皮面咁grand...... 但睇完RV出品又覺得好靚，好想擁有！

下次經過，就入去望下 *o*！（驚，其實除了RV，都心郁郁好想去Repetto...... 個日行過門面，真係差d忍唔住踏o左入去......）

再次證明百無聊賴時，不應該亂咁click人地個blog來睇，好易失守耶~~~~ =_=（←是自我節制問題）

** 唔知Repetto、RV，邊個貴D呢？