August 21, 2012

容哥的燒肉



容記小菜王本來有三間店,上次跟容哥做訪問,他說生意太多,身體頂不緊,所以決定唔要一間,說的牙擦擦,說穿了其實是業主瘋狂加租,吃不消。





這有點可惜啊,原因是這個舖位其實有2層,上層是VIP房,光猛企理,仲有卡拉OK,好過癮!我有幸跟編輯K(是容哥老朋友)上去吃一次飯,全部由容哥親手煮,仲有好多餐牌上未見過的菜式,款款具水準,免費附送容哥靚歌喉,哈哈,玩到癲的一晚!

黃衫者是坤記老闆(我也是坤記粉絲!),左邊的...... 忘了是誰:p~~





容哥的狗~~ 應該緊要過任何人的命!

 


說回正題。昨晚再臨,等位的情況明顯更嚴重喔~(才星期一!又唔係平過人!)看著隔離舖冷清清,難怪容哥「牙斬斬」。





陳生問我為何不打俾容哥(博唔使等位),我說容哥係好玩得,但都好均真,識都唔會俾你打尖。況且,等了不到十分鐘就有位了!





兩個人,細燒肉和薯仔牛仔粒,另加Asahi,又飽又滿足。他的燒肉,大家都知是招牌菜,特別在用焗爐焗成,皮脆酥化,肉汁豐腴,那次做訪問我看著他焗完後切件,「汁」流如注,陣陣酥香。如果大家有留意,還會發現他的豬沒有羶味,他的例牌答案是隻豬靚,但我就覺得是處理問題,反正他的豬不是什麼特別來貨啦~~ 

百來元一碟(例牌),值回票價。

牛仔粒,驚喜。非常的腍軟,又不失肉味,燒汁做得惹味濃郁,還有甜甜的薯仔,我一個都可以將之清光!非常好下飯~~~




兩道菜連啤酒一支及兩碗白飯,承惠$238,陳生睜大眼說:咁貴?「你覺得是夜菜式好食嗎?」我問。





他點頭。





「那$238就不貴了。」





「下次來,要點咕嚕肉。」我不忘回味道。(那次做完訪問買咕嚕肉外賣,回到家,肉的外層依然脆口,難怪容哥話碟咕嚕肉唔係18歲*,係14歲…… ←好爛的gag~~ 哈哈)



* 18歲,扑扑脆 :p


容記小菜王
深水埗福華街118-120號地下
2387 1051

3 comments:

  1. 只要好食有 heart 就唔貴了

    ReplyDelete
  2. 容記d小菜一定好滋味啦! 咕嚕肉係我至愛, 但唔係每間小菜店舖都煮得好飲食~

    ReplyDelete
  3. d燒肉睇見都流口水.........

    ReplyDelete

Translate