【倒數廿八天】來穿Corset吧

Well~ 好耐無記錄自己的減肥成果了，更令人失望的是沒有將【減肥便當】寫下去......

無計，實在忙到自己的lunch都近乎係亂咁煮，亂咁食~ 如，我已經吃了幾天煙三文魚印度餅，因為懶，不用煮嘛，買包現成沙律菜，done！

大佬，臨放假前我仲要做多2期Feature和幾篇細稿，仲有N樣"濕星"o野，吃這回事，頓時打入冷宮一排啦。


Anyway，今早上磅減肥成果是113.4lbs，其實離我目標差0.4磅~

但，我仍然唔覺得自己夠瘦lor！

所以我的目標是減多3.4lbs，即去到110就滿足喇。



陳生鬧ga，話我太瘦，咪咪都不見了......

管他的！我只管瘦囉，同埋，我好相信條腰仲有瘦的餘地。

而閣下亦不要勸我，說什麼減太瘦唔好睇、會變人乾之類的......

我曾瘦到108lbs，都無問題，所以110lbs，算什麼！


何況昨天收到指令，有人叫我著Corset。

Well，就是一班好bridesmaid的意思囉~~

她們一直守口如瓶，對11月16日的bridal shower隻字不題，到昨日就send了這樣的message給我.......

個下真係滴汗......

之後她們還很"慷慨"地send了一張ref.圖片給我↓↓↓↓↓



Well~~~ 雖然我已經瘦o左10磅，但好難想像我會著Corset著到咁sexy囉！

至少我個胸係裝假狗都唔掂...... 囧"


但，經過一輪對話後，靜心地想，我由心覺得有呢班好友是幸福的。

她們不惜一切，要我快樂，想這想那，就是為了是夜難忘。

我知她們不但費心神，還耗金錢，老實說，是不好意思的。

所以，我一係唔玩，一係就玩到底，以答謝咁想睇我露肉的各位！

我一定會按吩咐做，做是夜最靚的主角！