油頭

在這裡要多謝各位blogger提供了這麼多治咳良方，燉橙和果皮的方法真係第一次聽~ 我會試的唷。

不過點都好，還是看了醫生；感覺好一點了，美滿地以為請一天病假，休息好就會沒事，誰知惡夢來了......

一起身，我成個頭頂的頭髮竟然變得"令立立"，好多油，好似十日無洗頭咁！

其實星期一已經開始這個情況，不過未算好嚴重，加上以前試過，諗住用深層洗頭水洗完便無事，點知洗完仲大件事！

愈洗愈油，係出唔到街個種！

於是即刻打俾髮型師求救，他說應該是頭皮被受某種刺激，如再用熱水和深層清潔shampoo洗它只會愈洗愈嚴重。

接著他叫我用冷水洗，找一隻普通shampoo（我之前是用霸王的~），以7:3的比例混洗潔精一起，略為塗勻，不要捽頭皮，然後沖洗。

效果係...... 無咁油，不過個髮根仲係"令"的！

點會咁ga！

搞到今晚陳生媽媽的生日飯局都去唔到，我知陳生應該不大高興，但我真的不想呀....... 

等緊髮型師來我家救命，希望他快點來呀！！

******

題外話，我拆甲了！

做了多年gel甲，上星期終於忍痛拆掉，算是讓指甲休養生息吧。

為了甲型美觀，我努力用指甲鋤來弄得像gel甲的形態~

看！這些都是我的真指甲耶，不錯吧？

不過...... 單是鋤甲已經弄了一句鐘...... 頗考耐性。

看來以後只能在周末修甲了。

想不到的減肥後遺症

**註：內文提及女人每月一事，反感者別看。

又講返減肥呢個topic。

上面呢個係美國農業部USDA最新推出的健康飲食指引的圖表MyPlate。

再一次說明，想飲食均衡健康，蔬果需要佔每餐的一半，而奶品更是不可缺少。

這衍生出一個問題：各位減緊肥gei戰友，有無發覺，減肥係一件幾貴gei事？

首先每一餐一定要有菜，如果出街食飯，eg魚蛋粉，廿來元，點都要加十幾蚊食多碟菜，其實唔平；食壽司。至少要加枝豆；食燒味飯，一樣要加多碟油菜走油。

回想起，減肥時一個午餐差不多要四十元。（我不是中環族，所以一個lunch over $40已覺超貴~~）

即使自己做飯，有機菜，$16一包芥蘭勉強食2餐；瘦肉$20沒有手掌般大，真係愈來愈唔划算。

不過，我早前已經停止了減肥。

一來計住餐單來食真係捱唔到10月pre-wedding；

二來，我減肥減到月事沒來，害我擔心了4個月。

無錯，我沒月事足足4個月了。

問營養師、睇醫生，都話減磅有機會影響經期，加上減肥過程中吸收太少油份，這會嚴重影響荷爾蒙，故有機會半年都不見紅......

想不到，健康減肥反而會有咁gei side effect~ 搞到媽咪同陳生勁鬧（我反駁：唔知幾好！又唔使侷住，又可以慳返D錢~），唔準我再減，話就算係，都要8、9月先再開始過，呢段日子要正常返食o野。

就係咁，等了4個月，剛剛才回復正常。（鬆一口氣..... 我指媽咪同陳生~）

大家到時減肥都可能會遇到呢個問題，先別擔心（除非你本身個人好唔安全~ 哈~），細心留意自己身體狀況，再去看醫生確診就沒問題咯~~

爆脂

最近有位年輕美女告訴我要減肥，我的回應是：你已經好瘦啦，仲減？

她說：我下身仲未達標，唔理，一定要減到，我唔可以浪費青春，今個夏天一定要著到slim cut牛仔褲！

（我明，絕對明個種誓死要減的心態~~）

於是繼續問她會用什麼方法減肥，她說爆脂溶脂；

聽完已經有點汗額！

之後她還不斷說當中好處，如唔痛啦、脂肪會被打散曬從此生唔到啦、無抽脂咁貴啦、無疤痕等......

我無聊上網找尋有關資料，發覺除了台灣，港人對之似乎較為陌生。（也許是我看漏眼，但這不是重點~~）

而且，有幾多唔make sense同恐怖位存在，如果大家有興趣，又自問有錢可以搵一家有信譽保證的公司去進行呢項療程（或者叫手術會貼切點），絕對可以一試，不過還是先看看以下的資料再說吧。

摘至某報導：（嫌太長，睇highlight~）

踏 入 夏 天 ， 報章 雜 誌 又 見 排 山 倒 海 的 減 肥 宣 傳 廣 告 ， 繼 抽 脂 、 溶 脂 後 ， 今 年 ， 最 激 新 殺 入 的 ， 是 聲 稱 可 以 炸 散 脂 肪 的 「 爆 脂 」 。 

不 過 ， 本 港 皮 膚 科 專 科 醫 生 經 臨 床 試 用 後 ， 發 現 「 爆 脂 」 減 肥 不 但 效 果 微 乎 其 微 ， 稍 一 不 慎 ， 瘦 身 不 成 ， 更 隨 時 爆 脂 爆 爛 肚 。

「 想 減 得 舒 服 ， 做 爆 脂 啦 ！ 呢 種 係 今 年 最 新 技 術 ， 我 哋 啱 啱 喺 歐 洲 買 咗 部 機 ， 唔 會 痛 ， 又 無 危 險 ， 效 果 最 好 。 」 記 者 以 顧 客 身 份 ， 走 進 吹 噓 擁 有 全 亞 洲 首 部 纖 體 爆 脂 機 的 星 妍 纖 體 美 容 中 心 ， 表 明 要 減 肥 ， 店 務 經 理 Suki 隨 即 向 記 者 推 介 爆 脂 減 肥 。 

Suki 更 以 一 副 醫 學 專 家 的 口 脗 向 記 者 力 銷 ︰ 「 如 果 你 個 肚 腩 有 一 百 粒 脂 肪 ， 我 哋 幫 你 打 爛 八 十 粒 ， 剩 低 二 十 粒 脂 肪 ， 脂 肪 爛 咗 就 唔 會 生 得 番 ， 咁 你 以 後 點 食 都 唔 會 肥 ！ 」 

她 更 誇 口 說 爆 脂 比 抽 脂 更 有 效 ， 「 脂 肪 爛 咗 就 會 由 淋 巴 帶 走 ， 然 後 排 出 體 外 ， 一 個 星 期 可 以 爆 兩 次 ， 人 哋 做 抽 脂 都 係 唔 想 要 脂 肪 ， 但 抽 脂 痛 餐 死 喎 ， 今 年 你 最 好 彩 ， 唔 使 捱 抽 脂 咁 辛 苦 ， 又 要 麻 醉 ， 又 要 做 手 術 ， 見 到 都 嚇 死 你 啦 ！ 」

最 後 她 拿 出 計 數 機 ， 左 計 右 計 ， 指 記 者 若 果 要 減 三 十 磅 ， 整 個 療 程 四 萬 多 元 。 「 三 個 月 ， 你 可 以 爆 脂 廿 五 次 ， 我 哋 有 營 養 師 跟 進 你 飲 食 ， 個 個 客 都 瘦 到 ， 一 定 得 。 」  除 了 星 妍 ， 必 瘦 站 、 向 日 葵 纖 體 等 美 容 中 心 紛 紛 在 雜 誌 大 賣 廣 告 ， 力 谷 爆 脂 療 程 ， 異 口 同 聲 都 說 這 是 最 新 、 最 舒 服 的 減 肥 方 法 。 星 妍 更 找 來 過 氣 女 星 梁 雪 湄 做 宣 傳 ， 引 來 網 上 熱 烈 討 論 。  爆 脂 機 被 講 得 天 花 龍 鳳 ， 甚 至 被 捧 為 纖 體 界 神 話 ； 不 過 ，曾 任 港 大 及 中 大 皮 膚 科 主 任 的 陳 衍 里 卻 直 指 爆 脂 機 名 過 其 實 。  陳 衍 里 去 年 替 五 十 八 名 人 士 做 爆 脂 臨 床 研 究 ， 踢 爆 這 個 神 話 ， 「 做 咗 三 個 月 ， 七 成 人 話 無 幫 助 。 只 有 三 成 人 認 為 腰 圍 縮 減 ， 當 中 更 只 有 三 成 半 人 認 為 有 減 磅 。 咁 你 話 有 無 效 ？ 」

爆 脂 前 ， 需 要 先 量 度 脂 肪 厚 度 ， 並 計 算 超 聲 波 輸 入 的 角 度 。 （ 相 片 由 陳 衍 里 提 供 ） 爆 脂 稍 有 差 池 ， 隨 時 爆 爛 肚 。 （ 相 片 由 陳 衍 里 提 供 ） 最 恐 怖 的 是 ， 一 名 廿 六 歲 、 重 一 百 二 十 六 磅 的 女 子 爆 脂 時 ， 竟 然 爆 爛 肚 ， 陳 講 述 事 發 經 過 ， 「 嗰 次 係 我 幫 佢 做 ， 度 好 晒 位 ， 但 佢 瞓 咗 上 床 時 郁 咗 ， 個 位 歪 咗 ， 佢 即 時 覺 得 有 啲 熱 熱 哋 ， 然 後 肚 皮 上 面 就 紅 咗 一 點 ， 出 咗 個 水 泡 。 」 該 傷 口 後 來 因 為 感 染 出 現 爛 肉 潰 瘍 。  陳 衍 里 解 釋 ， 所 謂 爆 脂 ， 其 實 是 用 超 聲 波 聚 焦 在 一 點 之 上 ， 然 後 溶 解 脂 肪 ， 過 程 本 身 有 危 險 ， 「 聚 焦 個 位 其 實 好 細 ， 你 一 定 要 好 準 確 ， 如 果 個 位 歪 咗 少 少 ， 射 咗 落 去 啲 骨 度 ， 然 後 反 射 番 上 皮 膚 ， 咁 就 變 成 熱 力 ， 會 灼 傷 皮 膚 ， 如 果 反 射 去 肝 、 血 管 、 神 經 ， 咁 點 算 ？ 」  雖 然 被 爆 爛 的 脂 肪 不 會 再 生 ， 但 香 港 整 形 及 整 容 外 科 醫 學 會 副 會 長 馬 芳 蔭 卻 指 ， 就 算 剩 下 十 分 之 一 的 脂 肪 細 胞 ， 每 個 細 胞 都 可 以 不 斷 膨 脹 ， 令 身 體 暴 肥 ， 顯 示 爆 脂 減 肥 並 不 可 靠 。  記 者 翻 查 文 獻 ， 發 現 爆 脂 機 面 世 已 經 有 三 年 ， 第 一 部 由 以 色 列 人 發 明 ， 叫 做 Ultra Shape ， 當 時 標 榜 是 全 球 首 部 非 磨 損 性 的 纖 體 機 ， 是 手 術 以 外 最 快 見 效 的 減 肥 方 法 ， 主 要 在 醫 院 使 用 。 爆 脂 機 售 價 每 部 過 百 萬 ， 每 次 可 以 「 爆 爛 」 半 公 升 脂 肪 ， 等 於 抽 脂 手 術 的 四 分 一 ， 更 聲 稱 爆 兩 次 可 以 減 兩 三 吋 腰 。 FDA未認可

不 過 ， Ultra Shape 至 今 仍 未 得 到 美 國 安 全 機 構 — — 「 食 物 及 藥 品 管 理 局 」 （ FDA ） 的 檢 定 認 可 ， 表 示 仍 然 危 險 ， 但 美 容 界 仍 一 窩 蜂 的 吹 捧 ， 更 掀 起 全 球 爆 脂 熱 ， 市 場 上 陸 陸 續 續 出 現 不 同 的 爆 脂 機 ， 而 且 愈 出 愈 平 ， 更 由 醫 院 殺 入 美 容 院 ， 近 年 更 席 捲 亞 洲 ， 由 日 本 、 台 灣 開 始 ， 再 吹 來 香 港 大 陸 ， 字 眼 亦 愈 講 愈 激 ， 「 爆 脂 」 、 「 炸 脂 」 、 「 碎 脂 」 等 ， 已 成 為 最 新 的 減 肥 icon 。 

「 今 年 好 多 美 容 院 都 買 咗 ， 呢 部 機 喺 歐 洲 專 用 來 幫 痴 肥 病 人 ， 但 我 哋 改 良 咗 ， 而 家 可 以 俾 美 容 院 用 ， DR （ 本 港 一 間 美 容 中 心 ） 都 用 緊 呢 部 機 ！ 」 專 門 代 理 纖 體 美 容 儀 器 的 「 柏 麗 代 理 有 限 公 司 」 ， 近 日 亦 向 客 戶 力 銷 爆 脂 機 「 Super Multi-Cell 」 （ 超 級 強 聲 波 爆 脂 儀 ） 。 

記 者 上 到 該 代 理 公 司 ， 培 訓 導 師 Astley 隨 即 推 介 這 個 第 四 代 「 爆 脂 儀 」 ， 每 部 廿 八 萬 ， 可 安 排 上 會 ︰ 「 你 喺 個 客 度 搽 啲 啫 喱 、 KY 之 類 ， 然 後 用 超 聲 波 機 頭 打 圈 ， 每 次 十 五 至 廿 分 鐘 ， 咁 就 可 以 打 爆 脂 肪 ， 而 家 我 哋 好 多 客 出 面 幫 人 做 一 次 收 千 幾 蚊 ， 如 果 你 夠 客 ， 應 該 做 一 個 夏 天 就 可 以 翻 本 。 」 

她 見 記 者 猶 豫 ， 進 一 步 游 說 ︰ 「 我 哋 會 教 你 點 用 ， 唔 使 擔 心 ， 好 快 上 手 ， 一 定 識 用 。 」 Astley 說 自 己 就 是 培 訓 導 師 ， 一 般 培 訓 課 程 大 約 兩 三 小 時 ， 感 覺 非 常 隨 便 。

爆 脂 機 熱 賣 ， 不 但 香 港 有 代 理 ， 記 者 在 網 站 中 搜 尋 ， 竟 然 發 現 就 連 大 陸 亦 出 現 了 售 價 只 是 六 千 八 百 元 的 老 翻 「 爆 脂 機 」 ， 記 者 致 電 查 詢 ， 負 責 人 說 可 以 安 排 在 香 港 收 貨 ， 「 早 排 都 有 人 訂 去 香 港 用 。 」 

爆 脂 機 周 街 有 得 賣 ， 但 質 素 完 全 無 保 證 ， 陳 衍 里 擔 心 情 況 失 控 ， 「 出 面 好 多 唔 同 種 類 的 爆 脂 機 ， 但 係 超 聲 波 有 好 多 種 ， 唔 同 頻 率 有 唔 同 效 果 ， 你 好 難 知 道 佢 哋 部 機 係 點 ！ 」 

他 更 質 疑 人 體 不 斷 爆 脂 ， 長 遠 會 加 重 肝 臟 負 荷 、 損 害 肝 臟 ， 「 任 何 肥 膏 受 損 之 後 ， 一 定 係 走 去 血 管 ， 然 後 入 肝 新 陳 代 謝 處 理 ， 如 果 你 唔 做 運 動 ， 只 會 加 重 負 荷 。 」 根 據 目 前 法 例 ， 由 於 爆 脂 機 並 非 侵 入 式 儀 器 ， 所 以 不 受 法 例 監 管 ， 爆 脂 等 於 搵 命 搏 。

太香

對於香水，個人沒什麼研究，都是憑感覺，一嗅愛上就是了。

不過說到至今叫人真的喜愛的，除了上年Chloe推出那款以外，一直找不到心頭好，直到某天sales給了我這樽Prada的香水試紙......

香，真的好香。

這是Prada最新推出的Infusion d'Iris Eau de Toilette，據知這款EDT構思源自07年出品Infusion d'Iris Eau de PARFUM 出的light version。

聽Sales講，這支香水的香調有iris、neroli（橙花）, lily of the valley, violet, heliotrope, cedar and galbanum（白松香）。

比起07年出品，EDT少了陣濃郁的香調，卻多了花香；

剛噴上手，那香氣只是暫時性，唯久了，香韻更悠長，幽幽的，帶點清新，令人聞得很舒服。

加上香水採用舊版的長方形香水瓶，感覺古典，襯以磨砂玻璃，更吸引。

同一陳列架上，還有一樽不是磨砂的玻璃樽香水，那帶木的燻香，也蠻不錯，只是欠了一份女性的柔媚。

吸引，真的吸引，但不平，200ml已索價$9xx，最少100ml那支則$5xx......

媽咪見我不捨得買（當然她也不捨得），竟拿了很多試紙，放到我的內衣櫃內！

現在每每穿起貼身衣，唔...... 很香耶......（這不是更誘人去買麼！）

Kilo Off用後感+好易整糖醋排骨

昨天開始吃Kilo Off，效果如何當然是未知之數。

不過好消息係，呢隻o野真係無副作用（至少我feel唔到），唔會頭痛、心跳、失眠、depressed（不過本身就在為大稿在難過啊......），已是很好的開始lu~

希望唔好唔記得吃之餘，亦希望自己可以keep返食清一點和保持應有的份量，加上適量運動才有效啊。

那天陳生告訴我，有種消脂模式叫after burn，即你只需運動令心跳率提高至每分鐘165下，keep住做最少30mins，那消脂process就可以維持48小時。

亦即係你只需要每隔2天做運動，已經有很好的消脂效果了。

不過要做到165下心跳率是超難的事，我喪跳aerobic/ 原地跑都只係去到155-160。

如果大家本身無做開運動，記得warm up先，逐次少少咁加上去，否則會好辛苦，同埋好易令你自己放棄啊~~

（我也是由開頭做30mins慢慢加上去做到45mins的~~ 心跳率也是這原理，本來只有144，後尾就有160喇~）

各位姊妹，加油咯。

******

用了一個不太好的mode來影相，效果出來當然就是不好了。

希望大家多多見諒。（你不嬲都影得唔好ga啦！）

上周末話說煮了頓飯給陳生和媽咪吃，水準...... ok啦~ 幾個月無煮，煮完可以放得入口已經自覺好叻。

是夜有糖醋排骨、柱侯炆牛腩和炒芹蘭，前者是跟馮美基的食譜做的，超易，好想和大家分享下~~

材料（二人分量）

一字排︰300克

紹興酒︰1湯匙

白醋︰2湯匙

糖︰3湯匙

生抽︰4湯匙

水︰5湯匙

做法

1. 用滾水將排骨汆水，瀝乾。

2. 將所有材料放進鍋，以高火煮2分鐘，然後以低火焗20分鐘至全熟。

3. 轉至高火直至醬汁厚身，上碟。

個人有少少tips啦，揀一字排唔係唔得，不過一定要揀肥一點，否則好易好似我咁d肉乾o左；同埋要切大件一點，大約1.5隻麻雀牌咁大就最好喇~

唔驚肥，再唔係揀五花腩都得~~ 不過都係有d骨香口d。

**有問題：點解買來超靚坑腩，炆了成個鐘都唔係幾軟同嫩，口感仲頗o鞋tim，請指教啊！

我唔識揀清酒，呢支係city'super的售貨員介紹我的，純米吟釀，不錯啊；細細支百來元，酒量不高的人買來試試吧。（真係唔識形容它的味道......sorry~）

p.s. 不過都係某夜在一遊喝到的「美」純米大吟釀好喝點。

迎接Kilo Off咯~

為了瘦，一放工便即刻走去屈臣氏買Kilo Off。（這法國品牌暫時是Watson's獨家發售啊~~）

Kilo Off 24 $288/ 60粒，Kilo Off $188/ 10包；

前者是藥丸，早餐和晚餐前吃2粒，需連吃15天作一個療程，然後停15天；

後者一天一包，像沖劑果汁，吃20天為一個療程，然後需停15天才可再開始。

兩者不能一起食用，必須分開療程！

那兩者有什麼分別呢？

據講，Kilo Off 24則是一種藥丸，但不含中西藥成份，主要由綠茶素、芫荽、麥芽糖糊精、茴香萃取、纖維素、辣椒籽等組成，有效燒脂、收腰、去水排毒和幫助消化；而Kilo Off這飲料有點像jelly，喝後能增加飽肚感，並能加速去水腫和減肚腩，有人大約喝了10天就見效了。

陳生找了一輪資料，見意先試Kilo Off 24，因為Kilo Off感覺較似輔助品。

不過我強調，世上沒有免費午餐，打開紙盒，內裡有張說明書，除清楚列明食法，也建議大家要做運動和跟餐單，即，有點似米施洛個d；當然整體不會太harsh，都是叫你多菜少肉，少吃醬料個d。

其實個人深信這隻藥丸和提高新陳代謝的藥丸有點似，只要連帶運動，係可以幫助消脂的。

睇完好多人的comment，9成是正面，但始終每人體質不同，我個人對此類藥丸好敏感，好容易會失眠或頭痛，所以如果大家想知有無副作用，不坊等我明天吃了一次後再報告給大家聽。（通常吃一粒已"見效"~）

品牌另有Kilo Off果茶沖劑和咖啡，是療程中的補充品。品牌見意進行Kilo Off果汁或24療程時，可以Kilo Off果茶沖劑或咖啡代替日常飲料，無咁肥，順道加快去水腫。

以上兩款我都無買，諗住試o左一個Kilo Off 24療程，看看效果怎樣再算咯~~

而品牌的facebook page經常有試用品派發或promotion price，有興趣可去看看。

再減

米施洛減肥program正式完結，成效很好，感覺也良好，只怪自己衰收尾，前文講過，現不細談。

現在磅數略增了，我仍滿意；因為這排真的吃了很多，但也沒有大多反彈，證明減得慢+健康，反彈情況也減慢啊~~（大家別盲吃西藥減肥啊~~）

不過看著人開始肥了，褲頭開始緊了，手臂也壯了，決定還是要好好保持下。

不怒減至少也不怒肥啊~~

結果剛看完一些blog和forum，心又癢起來，想要試試法國來的Kilo Off。

以下是官網：http://www.kilooff.hk/

據講這東西有2種療程，一種是Kilo Off水果，另一種是Kilo Off 24，分開吃；

看過很多bloggers comment，效果不錯，約15-20天一個療程便減到磅。

而過程中當然不能大吃大喝得太誇張，也不乏運動輔助，不過應該怎也輕鬆過喪跟餐單gei~~

買完後了解過詳情再和大家分享。

減肥，始終是女人畢生的事業啊~~ 呵~~（不過我減到仍然影響月事...... 想不到健康減肥的side effect竟比胡亂減的嚴重~）

減肥衰收尾

準新娘的目標，除了找到心儀MUA、場地、婚紗外，仲有減肥。（Though呢個係女人畢生目標）

Join了米施洛，減磅period剛完了，結果是衰收尾。

上星期，即減磅最後一星期，明明已經減了8磅，但不知什麼事上身，我完全覺得減磅完畢，亦唔想再減落去（因為個胸縮水到無朋友），之後係咁食。

先吃了湘菜，再吃了意大利菜，接著仲有...... 多到唔記得喇~~

東坡肉、炸雞球、豆酥魚、蔥油餅、四式芝士薄餅、parma ham...... 全部都係米施洛餐單內black list的，都放了進口。

結果超級反彈3磅~ yeah~~~！

之前，在上一家減肥公司完結後與join呢家公司前，為新年期間，喪食年糕蘿蔔糕，磅數都只是重1磅，想不到這數天竟「叭叭聲」飈升，唔同連個天都唔俾我減肥！

哭~~~

不過，聽完營養師講：「係呀，想減肥就一世都係咁，如你一個星期共食十餐，其中有七至八餐都要係清，只有一、兩餐可以勁食.....」

OK~ 我是飲食記者，這說法基本上是不可行！

加上，天生愛食嘛，怎能一世這樣！就算叫我keep到pre-wedding個日都有難度啦，仲有成半年喎......

So，我都唔知，只是每天都為增磅事而不開心，每吃一口都guilty。

唔知會唔會有一日抑鬱ga？

Vera Wang香水

Vera Wang，一個令新娘子趨之若鶩的名字，的確，也曾迷到我暈得一陣陣。

無他，誰叫其設計簡單又優雅，比許多婚紗公司/ 其他設計師所設計的婚紗更有種獨特風韻，叫新娘子有錢買不難，但穿得起它就不是這麼容易了。

這品牌，就是有這種魅力。

每次看，都是看她設計的婚紗，剛收到公關新聞稿，原來她也出香水。

驟眼看，以為是西太后出品（westwood上身，sorry~），感覺跳脫，和印象中的Vera Wang不同……算吧，反正我本來就不是太認識這人的一切，只看過她的設計罷了。

新香水名字是Vera Wang Preppy Princess，據講交織了橘子(tangerine)、紅蘋果(red apple)及壓碎了的莓子 (succulent
crushed berries)的香味，另外也混合了金銀花(honeysuckle)、茉莉(jasmine)與木香，單看至此，也完全想像不到味道會是如何，不過見新聞稿結尾說「這是公主的世界」，我想不會俗氣而有點甜美吧。

定價不貴，30ml至100ml賣$435-$705不等，共3個size，另有清爽潤膚乳液150ml售$330，買/ 租不起Vera
Wang的婚紗，下次行過都要一沾她的名氣先。

 

銷售點：Faces 海港城，連卡佛 (時代廣場，太古廣場) ，澳門新八佰伴

查詢：連卡佛 (時代廣場)   3101 9712

 

乜都變珍饈

係，自問我真係好想減肥；但同時，我真係好唔想減。

去到今日，過了一個月，共減了5磅，營養師說效果良好，開始要再減餐單，務求下個月頭前可以減多6磅。

但，我feel到磅數已經在114-115間徘徊，落極都落唔到。

加上，天氣凍+心情不好，前日下午先好唔聽話地下午吃了個鹹魚雞粒炒飯（嘩~ 又鹹又炒，真係雙管齊下咁毒！但我都唔想，入o左去香港仔工作，附近無咩食！）；而昨日，又好唔爭氣地食了菠蘿包！天呀！我真的好想吃！

到今天下午，採訪完，不斷被引誘吃crab cake + steak tartar，每款吃了一點，gulity點落到新低，點知突然被老闆急召返公司，更唔開心，又吃多了條能量捧！

明天見營養師了，老實說，我想逃避，好驚增磅，但咁減返，真係好depressed。

現在，又想起花生醬、pizza、蛋撻、麥記......

從前，不在乎的食物，現在變成珍饈...... 菠蘿包、雞蛋仔，呢D咁gei o野，我以前幾時「狠」食過吖！

真係餓起上來，屎都好食。

瘦胸

最近減肥減到人都癲！

皆因本小姐已經好咁快到達平台期，身體完全適應了營養餐和喪運動的折磨，磅數開始唔識郁，搞到我要再減餐單和延長運動時間，完全是挑戰人類極限！（其實不過是自己弱雞，跑40分鐘已經腳斷......）

這兩部分叫人終日愁雲慘霧外，還有一個愁點：縮胸。

我的減肥practice通常是先瘦臉，再瘦胸；但從未試過縮水縮到連胸圍也不合穿！望落仲要似有還無，幾恐怖！

今時不同往日喇~ 以前就話方便打波（唔想俾男人望~），視覺上想瘦D才想細胸，加上從前青春爆棚，身材是其次啦~

現在人到中年，年老魅力減，縐紋好唔客氣咁飛曬出來，拜拜肉毫不猶豫地向你say hello...... 要是連胸部也縮水就好難學人講誘人啦！

真係兩難，兩難矣。

雜誌附送的手挽袋

買喇、買喇！

我從來都唔o孔日本雜誌送的手挽袋，因為它們不是太薄，就是size太小，一點也不好用，而且有時仲同封面張相有出入~~

不過今次呢個唔同喇，個袋H28cm、W32、D12cm，幾大個，真係可以當出街袋用；加上它是膠面，防水又不易污糟，靚呀~~

雖然本雜誌係peach john專書（Spring issue 2011），但百來元買呢個袋也值啊~ 好似我咁喜歡ayu的更加物超所值咯~ ^^

吃與shopping

愛吃的心情和shopping的一樣，令人忐忑，特別是正值減肥之時。

想吃，死忍難忍，為的是減磅；

想買衫，睇到扮睇唔到，為的是儲錢。

一時守不住，吃了一件cake，非常gulity，擔心體重上升，結果真的如期；忍不住，買了一件tee，非常無奈，擔心卡數爆標，結果超出預期。

以上只是比喻，我沒有吃cake，亦沒有爆卡數，只是有感而發……因為我今日真係好想食甜o野 + 買衫。

By the
way

今天上磅，重了1.5磅，客觀因素是有的：

一，剛吃完lunch；二，去廁所不順；三，親戚探訪。

營養師說單是一和三已足以令我重2、3磅，叫我可以放心。

不過她口不對心，立時給了我2張特別餐單要我跟住吃，再催谷我多做運動，證明她都有點擔心。（可能我是緊張大師，所以佢唯有扮唔緊張，驚我咁大壓力有反效果……可惜佢gei行徑出賣o左佢。）

心情，不好。

由今早去採訪綠油油的大自然的愉悅心情，一個下午，快樂走了。

想起那些不是人吃的餐單，開始感到不濟。

就像上一次join那家營養顧問公司一樣，不想再過這些日子。

……

……

……

申完，都係要繼續，放心。

新‧減肥成果

好似好耐都無update下自己的減肥近況，這次就好好談下吧。

（我知有讀者追看並一路支持我，為了回饋她們，我的努力是應該公諸同好的，睇到這，男士們或不屑於減肥的人可以離場了。）

好，其實呢，實情是，我已經轉了第二間公司減肥喇。新的公司是最著名的米X洛，join後發現，原來有口碑的品牌確實不同凡嚮。

先說說前瘦身公司，其實她不是有什麼大問題，只是……感覺就是無咁有heart，至少她所給予我的知識，某程度上是硬塞給我的，如之前join了兩星期都沒甚減磅跡象，她會說因為我便秘，因為我吃的生果不夠高纖，因為我做的運動太輕易（即唔夠勁），因為我踏單車的姿勢不正確，因為我食得太鹹…………（下刪千字）結果，足足一個月，我只減了不到2磅。（但其實我戒晒甜食、零食、炸食等超級evil食物）

自己是有問題的，第一，我唔係成日自己煮，lunch經常出去食，難以跟份量之際，亦可能太多味精，自然難減；第二，之前好凍好凍，人都沒心機去減了，所以有時唔聽話，吃過量。

OK，咁既然自己都存在咁大問題，咁點解我又再浪費金錢去join第二間公司呢？就是因為我死唔服輸，同埋新公司有pack好了的營養餐給我吃。

這份營養餐已經調節充足，少油少鹽少糖，逢lunch食（閣下可選晚餐才吃，但一日不能多過一餐，同埋一星期最多只吃4餐），另自己烚菜和帶飯便可，這令我有充分理由lunch玩自閉，留在公司吃飯。^^

**營養餐有很多口味選擇啊~ 芝味雞、番茄雞丁、黑椒牛肉等。

當然，知衰過後就是努力節制了。我好有恆心地差不多餐餐自己煮，做到「三低」，就算出去食都跟足指示，只吃魚蛋牛丸粉/ 米線和壽司，如果當晚要鋸扒，那當天下午和第二天下午不吃肉；即使連下午茶，餐單不許我吃，我都只以灌水方式醫肚也不偷吃一塊餅。

不少得的還有運動，我一星期起碼有5天做足至少30分鐘帶氧運動，如果可以愈做愈耐固然成效更好！（但我頂多40mins已經有腳斷feel！）

做到咁，果然有回報，短短8日輕了3磅；一上磅，個刻開心到想叫出來！見輕了，人更有信心減了，於是就更加俾心機調節食量，一切應酬盡免，除非你肯陪我吃壽司！

姊妹們，事實證明，減肥真係好X辛苦，但如果減到，又真係好鬼開心，同埋你會覺得咁辛苦係值得ga！所以，努力中的妳，要繼續努力，我做得飲食記者都得，你們都可以成功啊~~（口響響，我都好驚會反彈……）

健康減肥-第二回

在blog上有人pm我問：究竟你個營養餐process進行成點？

其實呢，honestly，我係去到今天，即第三個星期才減了2磅。

原因有好多，一來開頭第一個星期自己跟個餐跟得唔足；二來，我開頭無做運動；三來，我d食物太鹹；四來...... 呢個唔方便公開講。

結果，於上星期我努力地符合晒上述條件後，我果真輕了。

係，雖然只係2磅，不過有些pm我而又join過呢類餐單的人都說每星期最多可減到2磅，證明我都算正常啦。

猶記得以前減磅好容易，最高峰期試過4日減7磅，因為當時新陳代謝快，加上忍口忍得勁，用埋d旁門左道方法，結果唔健康咁減到108lbs。

個陣成日覺得減個1、2磅好少，唔值得高興，要減就起碼4磅，但來到今天，於健康的情況下瘦身，可以瘦到1磅原來唔易，但至少我不用太擔心會反彈，不用再擔心有骨質疏鬆等後遺症，長遠來說都是好事。

營養師說：o拿，有成果喇開始，繼續努力，2個月減10lbs應該ok gei，唔使太擔心。

雖然佢加o左個「太」字，證明都應該要有少少擔心，但我一定會努力，以免o徒了這三周的心機！

** 最要多謝的是陳生，他背負著折磨我、唔俾我食太多gei重任，一直支持我，才可以有這成果~ 多謝你和我一起走下去。 

個性紅模

眾世對模特兒的概念，就是她們至少要有5呎7吋高，身材瘦削，最好能穿最小號的衣服更好；五觀標緻重要，或許有時氣質先行也說不定，仲知，就要「別具不同」好了。



也許因為這樣，造就了「瘦等於美」的概念，以致個個男看女的，都覺得瘦才好看；而女的就人人嚷著要瘦，我身邊有位朋友明明只得98磅，還說要減肥，真想老天把我的肉送一點給她。



大勢中，總有些「幸運兒」可以走出自己的路。

像之前就有報導說起一位女模特兒Lizzie Miller，身高 5 呎 11 吋，體重 175磅，三圍38、32、42，是位穿XL
加大碼的模特兒，因著一張露出了「鬆拋拋」肚皮的肉照，而被當地女性大肆讚好，說：「終於有真實身材的女模特兒了！」從此她便火紅起來。

接著又有一則報導指近年好幾位紅模，像Lara
Stone般，因不約而同門牙中間都有一道大牙罅而走紅。老實說，那牙罅還要頗大而突兀的，為何還會紅？據業內人士說大家都看厭了完美娃娃，故他們開始擺
脫完美，「想找尋一些較真實的東西，大牙罅、多雀斑和戴古怪眼鏡，都令模特兒變得更有個性。」



噢，突然，人們又注重起個性來。



說到尾，都是這班業內人士搞出來的屎棍，他們說美就美，不入流就不入流，從來都不關黃金比例、天生美人胚子的事。



可憐，所謂的個性都是被「做」出來的。更大的問題是，香港男性根本無法接受這樣的模特兒，記得有此一位男性朋友看到內地名模杜鵑的雜誌封面，即說：「嘩！咁都叫名模？佢隻眼唔好再細d？」（個人覺得幾有氣質啊~~）



對，港男看港女，始終沒變。所以各位有志找位港男過世，但又自問經常被嫌棄「有d肉地」or甚至乎「豬扒」的話，還是乖乖地俾心機減肥啦~~（though一定有姊妹會話：自信魅力最緊要~ 但係唔係，你自己先知咯~）

當燒豬皮遇上pinot noir

慘喇~慘喇~

今日下午要去wine lunch，好震撼地破戒了！！！

（本身如果唔係wine lunch係好好多的，如燒腩肉，正常可以去皮，但正因為個皮好配pinot noir，若你不吃那皮，就嚐不到那種aftertaste，所以...... 我竟然好誇張地吃了最肥人的豬腩皮呀！明天實俾營養師鬧死了......）

做飲食記者學人去減肥，真係諷刺！

健康減肥起動！

經過上次穴位埋線減肥失敗後，今次決定用平常最唔鍾意gei方法減肥─營養餐單。

咁點解唔鍾意都用呢？

全因一直無瘦gei跡象，別無他選下，再加上剛見到有朋友成功了，健康不傷身，沒相干吧？

不過這次絕不能再怠慢了，因為我付了錢之餘，又有營養師跟到足，佢會令次見你都磅重度呎吋，實行用無形壓力逼你戒甜戒油戒煎炸。

有興趣知詳情，就繼續睇落去啦：

上星期第一次做諮詢，營養師幫我做足body check，度高磅重量呎吋脂肪量血壓，之後再評估我的飲食習慣。

她說整個減磅期需時2個月，另外多需3個月保持磅數，而我就需要減10磅。（無錯，原來我在短短大半年間重了10磅！）

然後剛過去的星期四，營養師就幫我做了第一份營養餐單：（據講要不時轉換）

早餐：奶一份、五穀二份、蛋白蛋一份；午餐：五穀三份、蛋白質兩份、蔬菜一份、水果一份......

難唔難跟？唔算難，因為營養師有份好詳細的份量換算小冊子，內裡講曬點樣計，如1/3碗飯或1/2碗米線=1份五穀、1隻蛋或3粒魚蛋=1份蛋白質等，全部換算食物專for人出外用餐的，所以只要你忍得住口，唔難跟，仲保證飽肚。

小冊子裡面，除分有五穀、蛋白質、脂肪、蔬菜、水果類別供你參考換算，仲仔細分了日本菜、泰國菜、飲茶、BBQ等類別，教你遇上以上菜式時，哪些可吃，哪些要避免。

除了飲食上的改變，可以瘦下來也得靠運動，參加這療程要每天做30分鐘運動，任何帶氧運動都得，而我就買了部單車機在家踩，閣下不想多用錢，可以在家做類似跑步的動作（很難形容...），又或者踩櫈仔，原地跑都得（不過有點傷腳）。

剛開始了2天，感覺良好，只少當昨晚遇上公公生日設宴，望住芝士焗龍蝦伊麵、炸子雞、燒肉同美心魔鬼天使蛋糕...... 我都仲忍得住口！

個刻超有滿足感！我在想：咁難過都過到，來緊應該問題唔大gei~~（自我安慰中，實質擔心時間日久會生厭這種忍口狀態......冏"）

我會努力ga！

穴位埋線減肥 - 第四回

穴位埋線療程已經做了一星期，除了大髀仍有微痛，其他地方已經不痛了。

不過吋數/ 磅數都沒有少過，而只是肚腩沒了，肌肉結實了點。去便便的情況有改善，面色亦好了啊~~

可能因為我無乜特別節制食量，而只是多飲了水和少了渴凍飲，所以重量沒怎麼變，但我是不會放棄的！

去唔去再整埋線是其次，重點是要開始食麥皮！

明天開始，早餐吃麥皮，夜晚盡量可以就吃麥皮粥，下午就...... 太難了，經常出外工作，根本控制不了，但相信早晚都吃麥皮應該會好好多啊~~

為了不讓自己生厭，希望日日都做到不同的麥皮粥，朝早麥皮...... 就很難變喇，除了加煉奶、豆漿、蜜糖，都唔知仲可以點食。（加生果可以嗎？）

麥皮粥就易d，可以加牛肉、免治豬肉或雞肉，再下菜和雞粉，變化多很多呢~~

我不會再讓自己（磅數）失望啊！現在就去買材料喇！

穴位埋線減肥 - 第三回

今日已經係做了穴位埋線的第四天。

一早起來，除了大腿落了針的位置腫了一塊和疼痛外，其他位置都可以了。

至少左手、右腳不太痛，肚皮和右手只剩少少酸痛jei~~

剛剛在forum上看到，有人好似我咁連痛4、5日，或者都係正常啦。她說自己做了第1次已經輕了4磅，一共做了4次埋線，便輕了30磅，超開心。

想想下，4次穴位埋線即共8個星期，可以減到30磅都算安全bor~~ 但可惜我到呢個moment仍然無乜瘦o左的跡象。

是除了排便改善了、胃口少了一丁點外，人都沒什麼特別，仍然肥腫難分似的~

唉...... 開始有點氣餒tim。

p.s. 有網友問我仲會唔會去再做，其實我都15、16......