秋冬與薑

有時好慶幸自己做記者呢份工，因為認識的人很多，每次訪問其實都在聽不同的人生、不同的故事，如果你自問是一個good listener，這份工其實挺叫愜意。

這樣的人脈，同時帶契我有機會試到不同層面的東西，這次是美容範疇，有受訪者跟朋友合資開設美容院邀請我去試做任何treatment，如通淋巴呀、保濕facial呀、保健按摩等，對於快做新娘的我超級期待呢~~~

***

秋天嘛，開始想起暖笠笠的飲品，我的心頭好當然是熱可可，其次是焦糖飲品。

不過其實黑糖都幾吸引，勾起我的幻想，全因看到McCafé的最新推廣─「黑糖豆奶薑茶」，用錫蘭紅茶配上香滑豆奶製，來緊將會於2012年11月1日至2013年1月23日推出，同期仲會有「薑餅人咖啡」，飲完應該整個人會暖呼呼吧~

但最叫驚喜的是將會有「朱古力心太軟」駕臨餐廳，好吃與否仍是未知之數，不過對於曾是朱古力癡的我是一定會去試的！（曾經我試過每晚食一個心太軟 / 魔鬼蛋糕先睡的，被醫生叫我要小心血糖後我就開始減少吃朱古力了~~）

而在推廣期內，McCafé會有一個「薑餅人套裝」，售$100，內附「薑餅人暖手小袋」1個，超可愛的樣子（下圖）！（被史力加薰陶，令我對薑餅人毫沒招架能耐……）另附5張「McCafé $15 禮劵」及2個「白元牌暖手包」，數量有限，售完即止啊。

** 憑Visa咭購買「薑餅人套裝」1盒，可獲免費飲品禮券一張，換取細杯裝「薑餅人咖啡」或「黑糖豆奶薑茶」1杯。
** Visa優惠並不適用於香港國際機場之麥當勞餐廳。

對了對了，麥當勞又會在11月1日重推「黑椒漢堡」和「珍寶黑椒漢堡」唷，好此者又可大快朵頤。

過兩天開始涼了，各位多穿衣服唷~~~

薯餅夾麵包

曾經我好鍾意食麥記的早晨全餐，有一個特別食法，更是從小到大至今不變的：

薯餅夾muffin包。

對，那兩塊乾"真真"的麵包，我從不塗果jam，而只會夾薯餅來吃。

因為覺得又軟又脆的口感幾好。

那時我老是問：點解只有11am前有薯餅？

某人答：這是市場策略嘛，要是連下午都有薯餅，誰還會特登為了薯餅來幫襯麥記的早餐！

Btw，重點係，今天麥記終於出o左一款夾住薯餅的包喇！

↓↓↓ 煙肉脆薯漢堡 ↓↓↓

兩塊頗鬆軟的包（口感比漢堡包的包還好~~），夾有洋蔥、薯餅、煙肉、牛肉漢堡和芝士，另配兩款醬汁。（高卡到咁，我幫佢改名叫肥仔包~~）

睇相，好靚。（i mean麥記裡面個張廣告相）

但一打開......

好似都ok吧~~ 揭開塊包睇睇......

嘩~ 塊煙肉掛邊！

唔知真係以為好足料！同埋張相明明塊薯餅係圓形，塊漢堡仲大過個薯餅，但好明顯同現實不符。

其實我都應該預計到，因為麥記一向好會做marketing，而且只會將本有的食材做mix & match，變成好似好多款新食品，但其實都不過是左搭右右搭左。

味道方面，也ok，至少薯餅是脆的，有我預期的脆夾軟滋味。

薯餅面層的黃色醬也不錯，微辛，頗香口，但就是吃極都吃不到是什麼醬！

誓估唔到塊漢堡扒下面竟然仲有類似黑椒汁的物體！非常古怪。

所以整體係...... 6分。值得一試，但別抱期望。

另外，我仲發現到她們的魚柳包縮水縮得好過分！

袖真到，好似個D食物模形咁~~

以前我食魚柳包，點都要用兩隻手拿著來吃，現在...... 一隻手也有空隙。

依家成$30一個餐，薯條唔熱都算（枉佢地仲sell自己現點現做），連包都縮到男士吃完唔覺飽......

麥記，俾D良心啦。

玻璃版可樂"罐"

麥記又有新promotion，難得在，今次真的吸引到我。

繼上年世界盃限量版「可口可樂FIFA杯」後前，麥當勞今次再同可口可樂合作，推出一套六款「可口可樂罐形玻璃杯」。

細心看，其實不過是FIFA杯的設計加以修飾，但偏偏因為外貌似足罐裝可樂，感覺特別過癮。而款式則同FIFA杯一樣，有六個色：炭灰色、紫色、青檸色、粉紅色、藍色及綠色。

個人最鍾意炭灰同紫色，幾型；不過如果可以出一隻貌似罐裝可樂般的深紅色但透明的杯身，應該會仲吸引D。

想換的話，可以在5月21日起（11am後）幫襯麥當勞，以正價惠顧超值套餐加$3.5轉配大薯條及大汽水，便可免費獲贈「可口可樂罐形玻璃杯」一隻，而六款顏色將會分三個星期輪流推出。

（換購地點不包括海洋公園、沙田馬場、跑馬地馬場及香港國際機場之香港麥當勞餐廳。）

第一周（5月21日起）是炭灰+紫色；第二周（5月28日起）是青檸+粉紅色；第二周（6月4日起）藍+綠色。

如果你想換齊成套，亦可以購買任何可口可樂產品(包括套餐內之可口可樂產品)，以每套$120 (原價$261，慳足$141)購買「可口可樂罐形玻璃杯」收藏版套裝，而套裝裡面仲有6張以正價購買任何超值套餐即可免費轉配大薯條及大汽水的換領劵tim~~

若然大家是換物/ 儲物狂，預祝各位收藏成功。（因為唔知點解總覺得今次應該會幾多人換~~）

真係幾cute的Mini麥麥掛

話說麥當勞「M selections _TM」又有新包出─「新春限定魚堡」，其實即是黃金蜜糖芥末魚堡，加翻o卓日和特盛魚堡，麥記話呢個特盛魚堡之前一推大受歡迎，所以載譽歸來喎~

Anyway，我想講的唔係個包，而係品牌為新年推出的Mini麥麥掛─一個個的骰掛飾，外型幾cute。當中有六款，薯條、蘋果批、Big Mac、Double足三兩（其實呢2個好似樣）、魚柳飽及McCafé即磨咖啡。

我無show Big Mac同Double足三兩，因為佢地個樣黑沉沉，唔多靚，加上兩個望落差唔多樣，所以無post上來。

而以上4個就係個人最愛~ 呵呵，除了咖啡，那三款我都好愛吃呢！

咁點樣先可以帶佢地返屋企呢？

就係由2011年1月13日起，只需於麥當勞購買任何食物滿$15，加$10就可換購「Mini麥麥掛」一個；每購買任何食物滿$30，即可加$20換購「Mini麥麥掛」兩個，如此類推。

數量有限，換完即止。

佢另外仲有呢款。

呢款係「Mini麥麥掛」限量收藏版套裝，內附全套六款麥記掛飾 + 合共$90麥當勞現金禮劵 (每張港幣$10) + 「新年麥麥食全盒」一個。

而你只需購買任何食物滿$15，便可以$150換購（據講本身總值係$175~ 所以即省了起碼$25）。

抵唔抵就見仁見智啦~ 不過如果係我，我就只會散買最心愛gei個幾個囉~

最搞笑係，麥記話呢個盒最好用來新年送禮，honestly，如果有人拎呢盒唔食得gei東西來拜年，我會唔多高興。仲要知曬價錢，好那個吧！（我係唔會多謝對方為o左我犧牲體重和膽固醇脂肪的！）

麥記又一力作-Le Grand

收到麥記公關的新聞稿，說繼「日和特盛魚堡」及「紐約特級煙肉雞堡」，現將推出M Selection壓軸產品「法國皇室凱旋堡」Le Grand。

呢款Le Grand，好吊詭，同漢堡包極似，又係話自己100%優質厚牛肉，加入已進行嚴選及清洗消毒的切片番茄、爽脆洋葱、芝士同特選風味醬汁。

哈，差在無酸瓜同埋外層換上了「歐陸麵包」...... 單睇張相，應該係意大利包來的。

Anyway，未食過，唔知個味點啦~~

但我就試過佢之前個兩款包~~（唔知大家有無食過呢？）

日和特盛魚堡個醬唔錯，個包亦好軟熟，但麵包面層個d粉末狀東東就好難食，且....... 個包真係好似魚柳包。

至於紐約特級煙肉雞堡呢...... 無gei，塊煙肉又乾又o韌，整體上唔可以講話好食咁jei。

今次到Le Grand...... 真係好佩服麥記，永遠可以在豬柳呀、牛柳呀、魚柳呀等搭出新款來，舊酒新瓶，even剝削員工、兒童餐食到仔女癡肥，年年月月都依然受人愛戴，個樽其實換唔換都無所謂啦。

...... 個廣告今次唔知係咪會有人講法文呢......

供應日期：2010年11月11日起。 (上午11時後供應)