便秘恩物

唔怕公開講，本人一向有便秘的問題，食中藥唔得、通便丸唔掂，基本上連乳酪、奇異果、火龍果、麥皮....... 所有高纖維的"質"入口，都唔係好幫到手。



先前減肥，試過有個方法幾work，就係早餐食乳酪+脆麥片（高纖個隻燕麥方脆），下午同夜晚一定要食有莖綠葉的蔬菜，如菜心、芥蘭。



有時早餐只想吃隻蛋，結果那天就去不到廁所...... =_=



我準唔能夠一世都係咁食法吧？！



於是陳生開始幫我搜羅唔同gei通便方法，又爆石茶、又阿麻籽、又食花粉，新近試o左個最難忘又最喜歡的，就係食金麒麟。

原來呢d貌似迷你菠蘿的金麒麟係火龍果類，價錢好貴，街市賣成$7x個！



但超好食，比火龍果好食十倍！



切開來，黑色的籽比火龍果大，果肉很是晶瑩，用匙羹一舀，帶些微爽口感。



肉的份量不及火龍果多，但卻juicy有餘，吃完一個很滿足。



至於功效喇wor....... 當我吃完一個金麒麟，再吃阿麻籽（一定要溝飲品同喝~），再喝爆石茶，第二天果然有得去廁所，但卻是有點瀉的感覺......



都唔知係咪自己溝得太勁所致...... =_=



Btw，我強烈建議喜歡吃水果的人吃這款金麒麟，又有益，又好味；只是略貴吧。我在PIAGO見到才四十來元，但外殼偏綠，不像街市般買到的吸引，究竟買平定貴，閣下自行選擇喇~~



******

同一日，下午我受邀去了Paul Lafayet的世貿店試新甜品。



之前已經寫過，係度唔多講。



不過如果大家鍾意macarons，可以買來cappuccino味（白色面帶啡色粉末那個），超超超好食！

新品中，伯爵茶macarons都ok，反而oolong味就麻麻。



呢日因為係世貿翻新後的grand opening，所以Paul Lafayet特地做了個超大個macarons做賀禮~~

最衰我無放隻手埋去，如果唔係大家就睇到佢有幾大喇！（成個都食得ga~~）^_^

Paul Lafayet



銅鑼灣告士打道311號皇室堡地下G13號舖



3421 1982

當低人寫高人事

自問是工作狂...... 以前。



自從離開了《飲x男女》，去了蘋果當完一輪freelance後，人就懶下來。



要我再像從前般一星期七日工作，晚晚去試食，隔日行超市？



基本上已經無可能。



後來轉到《明x》工作（不開名主因是驚俾同事search到），初頭仍「的」起心肝，keep住瘋了的履行職務，惟日子久了，老闆的要求令我開始質疑自己的能耐；



也開始質疑自己對做記者的抱負。



你說不是嗎？



明明《明x》的讀者是上流社會/ 知識份子/ 文化人，偏偏寫的人是我，是一個低層次、沒知識、文筆差劣的人，感覺太諷刺了。



這班所謂高人一等的人，不正在是受到低下階層的人薰陶嗎？



奇怪...... 奇怪......



再加上某日《蘋果日報》提到記者人工低、工時長，又不被受重視時，我真的開始對自己一直引以為傲的工作產生動搖。



現在籌辦婚禮，感受更深。



樣樣是錢，而我這份低下工作薪金微薄，即使事事有很好的未來老公撐腰，我還是過不了自己，自愧不如。



這場婚禮我也有份，但就是幫不上什麼，能力有限，除了自己，還能怪誰？



也許當初修讀新聞系就是錯選，亦也許現在轉工也未算遲；



只是人愈大，工作經驗愈長，對新事物愈感迷茫。



重新踏上另一段路程，很需要勇氣。

得龍嘆茶

如果要我揀最喜歡的酒樓，得龍會是頭5甲。



在《頭條》年代採訪過得龍，當時她給我的感覺是：老、舊、平、有點污糟、被人遺忘、好多古老菜、老闆好好人。



上兩星期帶媽咪去食，這份感覺依然，惟很討媽咪歡心，她吃了第一道豉椒鵝腸炒河，猛說鵝腸很新鮮（我就覺得味道不夠，可再下多點調味），之後便忘我地狂點點心。

試想想，兩個人食5個點心加一道炒o野，都咪話唔勁。（我係飽到講唔到o野，證明我唔減肥時真係幾擦得~~）

雖然，呢度坐得真係唔多舒服，不過我真係鍾意呢類主打懷舊菜的店子，她們大多都好有heart，來吃籠燒賣就知。

來的人好多都係老人家同一家大細~~



燒賣內肥肉瘦肉比例適中，入口不會一啖油，又沒有混入蝦肉，真材實料。

蝦餃，餃皮不算很薄，但軟糯好嚼，內裡的蝦肉爽口，混了筍，好味！



叉燒包是壓軸...... 好彩我最後有點來jei~~ 包皮吃得出是人手搓，woo...... 好讚啊~~ 我有個怪習，就是只吃叉燒包的包而不吃餡的，所以不知餡料如何，但吃到那份蜜甜蜜香，如非太飽真想多吃一籠！

睇到呢度，係咪覺得我o地兩母女好誇張？



OK啦，難得有食神嘛，始終店子位置偏遠，平時實在好少來啊~~ 同埋實在很街坊價，吃了多道菜埋單只是$106，抵！



不過老媽已經決定找天帶埋婆婆公公來吃懷舊粵菜，一嚐她出名的太爺雞、鯧魚球、炆鵝缽、咕嚕肉等滋味，好期待呢~~

得龍大飯店

蒲崗康強街25-29號地下

2320 7020

用blog白痴記

這個嘛...... 其實是向大家請教的。

請問大家漂亮的blog background圖是從哪裡來？（從yahoo提供的圖免提~）

最想知的，是大家的blog上標題處如何貼相？

我真是個完全的電腦白痴啊，弄了N次也搞不到，望大家指教下。

感謝。

道歉聲明+臭o野系列二

在這裡要先同大家道歉~



如果大家有印象，我上年寫過一間位於佐敦的餐廳「男爵」，當時我讚到她天上有地下無，全因我覺得真的好吃。



前晚本想帶媽咪食好o野，點知，截然的兩回事啊。



我們點了百花釀大腸、沙拉骨和蒜茸蒸沙鯭，我不敢說難食，不過一定唔好食。

百花下了鹼水，一吞下即o拿喉；大腸太少，吃不出神韻；沙拉骨...... 那些排骨肥瘦不一，口感很差；蒜茸蒸沙鯭，算是最平穩的一道，但可能因為魚質問題，肉雖厚但o鞋，這樣蒸牠根本就不會好吃嘛。



Btw，思前想後，點解今次水準同上次差咁遠呢？



唯一原因是，上次來是有行家安排，行家和老闆熟稔，所以可以吃到好o野；



今次以尋常客人來食，即見「真章」。



難為媽咪一坐落已經話：「D價錢set到咁貴，如果唔係真係做得好食，點夠膽呀！」



誰知...... 原來佢真係咁沙膽！令媽咪失望了。



所以，下次，如果我非以一般食客去幫襯的餐廳，我是不會再一面倒的讚（甚至不寫；除酒店外），因為根本唔fair。



各位真的不好意思。



*****

講下呢日我同編輯搵到咩好o野：臭豆腐。



一直以來好想搵好食gei臭豆腐，印象中，小時候街邊擔挑擺賣的最臭最好食，遠遠已經聞到那朕臭味，可以追住臭味來搵擔挑的主人。



後來，式微了；可能因為呢堆老一輩的主人都老到不能再走動了；



又或是太臭，俾食環署捉得緊要~~



其後，臭豆腐入舖；街邊有賣煎釀三寶、拮拮o野的地方有時都會有臭豆腐，不過大多只有其形，沒有從前那份神髓。



即是，係好臭，但臭得來不吸引；咬開來，裡面空空的，欠厚實感；外皮，有些更是腍軟不脆。



於是我就上網問人+search啦，找到這家泉昌美食的街邊小檔。



老實講，呢日食得好high，因為成30度坐在街邊，真係好熱；同埋，食臭豆腐時竟然望住個廁所...... 嘩，真係唔多好受。

都幾恐怖......



臭豆腐來了，印象中$7件；聞落，唔太臭，扣分！

不過食落，外皮超脆，內裡好有質感，全是鬆軟帶孔的軟豆腐，ok喎~~



而吃後的aftertaste...... 真係幾臭~（plus我望住個好多烏蠅gei廁所，大家可想而知我個種又愛又恨gei感覺，同埋兩者實在太match，令人有點作嘔~）

炸韭菜餃，幾好食wor~ 但炸雲吞就好難食；魚蛋都可接受~

好死難食gei炸大腸，成$10串！！



我覺得合格有餘啦。後尾睇返，先知原來阿蘇都介紹過。



我知道另外有間叫美味食店，在水渠道，聞說她的臭豆腐也很好吃，蔡瀾介紹完後，店子就俾人投訴太臭喇，不過聽講店子唔怕死，你愈投訴佢愈賣，「造福人群」。



如果大家知道邊度有好食gei臭豆腐，仲要係擔挑檔，記住話聲我知喇~~



** 題外話：繼榴槤後又一臭作，同事問：daphne，點解你特別鍾意d臭o野？我想講，其實我唔鍾意食臭芝士ga。





泉昌美食



灣仔灣仔道150號D舖

2575 8278