2012，繼續快樂

2012第一個午餐

自煮、簡單、滿足

享受獨樂樂

願各位朋友今年繼續順心、安穩

快樂為上

2012，繼續快樂

2012第一個午餐

自煮、簡單、滿足

享受獨樂樂

願各位朋友今年繼續順心、安穩

快樂為上

最後的單身聖誕

聖誕節大家過得開心嗎？

在這裡先預祝你們每一位新年快樂，bride-to-be瘦身成功加籌備順利，剛為人妻的則新婚快樂，單身或未結婚也繼續努力，讓自己每一天都過得快快樂樂！！

咁我今個聖誕又做o左D咩呢？

話曬都係最後一個單物聖誕節，當然要有點唔同.......

犀利囉，我們去了踏單車！（有幾唔同？！）

真的，見下圖，箭咀指住的正是我和陳生的單車，從沙田凱悅酒店租來（因為有公關小姐代為幫忙所以我不知道租金是多少~~），由酒店開始踩到科學園，歇一歇，走進園裡意大利餐廳Meraviglia吃了下午茶再上路。（第二天屁股痛到想撕裂咁！）

一開始真係拿掐唔到點踩，成個低B咁不斷撞"駁"同差D趴街，仲俾陳生串我：你究竟有無踩過單車......

大佬，成十幾年無踩，仲想我點！差D發脾氣走人~~~

不過唔衰得gei我，死都要踩到為止！結果當然好順利啦~~（雖然有1、2次差點衝到人家的車度...... 囧"）



說時說，Meraviglia是當日驚喜！餐廳由意大利人開設，水準不俗，雖謂下午茶，只有PIZZA和三文治，選擇不多，但足見誠意。

麵包鬆軟不硬，餡料足，內裡的雞肉仲要唔乾個下值得鼓掌，自家調配的醬汁好fresh；

 

Pizza餅底做得很好，有麵粉香，芝士分量亦多，始終是國食，相信老闆不敢怠慢吧~~

 

餐廳氣氛挺好的，全落地玻璃，夜裡出面仲有花式噴水池，應該幾浪漫~~

這天來人丁幾隻，唔知餐廳平日點維生呢？

 

踩完單車，影完一輪相先知自己個頭亂成咁！！！

Meraviglia

沙田白石角科學園二期科學園浚湖樓地下

2210 7168

如果係行家，一睇上面個批，就知我身處沙田凱悅酒店吧~~（那是酒店最出名的蘋果批~）

平安夜，我們選吃了cafe的自助餐，不貴，五百來元一位，氣氛足，服務好，食物水準亦交吹功課。（呢日我們完全成了沙田之友/ 酒店之友，完全無離開過~~）

好開心呢晚有侍應的貼心招待，讓我吃到特大燒蝦和柚子蜜，萬謝萬謝。

 

吃早場，即5:30pm至8pm，爆場！始終這裡吃節日buffet真係唔貴，如果出去尖東而有質素的，閒閒o地要$8xx一位！

夜晚，宿一宵，除了以威士忌作伴，還有生命之旅。

和陳生特地到玩具反斗城買，$200盒，不過唔係幾好玩，好快玩完。（唔似大富翁，好似一世都玩唔要仲要爭人周身債！）

我最後以一百萬身家贏爆陳生，哈哈哈哈！！

Cafe Hyatt

沙田澤祥街18號沙田凱悅酒店大堂

3723 1234

喜歡這樣的聖誕

今個聖誕跟往年一樣過得充實又快樂，像平安夜前夕（上星期五），一班同事就來到小女寒舍開聖誕派對，整夜重點是酒，先由Rose、白酒、PJ香檳，再到紅酒、威士忌、啤酒，由7:30pm飲到1am，最易醉的編輯開始唱歌和跳舞，suppose最飲得的高編也面紅大笑起來，場面搞笑又溫馨。

而呢一晚仲有D似farewell party，眾人開始說出對我的心底話，最感動當然是一班同事話唔捨得我啦，even連平日俾我鬧得最多的編輯都說「真係唔捨得你」，個下都幾催淚！

 

不過天下無不散之延席，我深信我們做朋友會開心過做同事囉，因為我們都是爛玩爛飲爛食之人，哈哈~~

 

多謝你們陪我一起迎接平安夜啊！

喝得盡興，大家說好了farewell那天絕唔會老老土土地同班唔熟gei同事飲茶，一於夜晚，叫曬成班真正friend的同事出去癲飲好過！

 

至於派對上的食物，我們叫了Ocean Three到會（http://www.oceanthree.com.hk/），都幾抵，$1888備齊30隻生蠔（包括法國Fine de Claire及Irish Rock，另附手套和開蠔刀~~）、2塊美國angus西冷、2塊美國angus肉眼、一盒甜蝦、一盒螺、一盒蟹柳、一盒蝦刺身和一支白酒。

 

我們一行六人，想不到一開始食完蝦和蠔已經開始覺飽，值得一讚是蝦和蟹柳都非常鮮甜，用來佐PJ香檳簡直一流！

多謝公關厚愛，送了我這盒Perrier-Jouët Belle Epoque 2004 Giftbox with 2 Flutes（售價$1,368 屈臣氏酒窖、city'super及oliver's有售）！！！

 

蠔就一批批，頭幾隻Fine de Claire很讚，之後頗參差；牛扒，ok啦，始終是雪藏貨，用生鐵鑊grill完同事大讚；白酒也普普通通，一開始送冷盤會較好，anyway，依這價錢已算不錯~~

 

下次大家有機會開派對叫到會不妨考慮這啊。（早幾天於網上預訂，食物當天送抵才支付現金~）

 

另外我又煎了2塊雞扒，人人都讚超好食，因為呢隻雞扒本身質素好好，在sogo和threesixty有售，但就只有threesixty有賣無骨雞上髀，是泰國雞來，約三十來元一包~~ 抱歉我沒影相，仲知包裝好骨子，白色一個盒子，面層膠面上的字是綠色的，感覺好fresh，一盒2件，去試下找找吧，你會發現原來冰鮮雞件也可以如此甜、如此嫩、如此沒雪味！

merry christmas

聖誕前夕唔寫blog lu~ 因為相信你們好多人都已經holiday mood，準備去玩了~~

那我就在這裡祝你們每一位聖誕快樂，身體健康~~

(taken by my workmate)
Love is all around. 

And send all my love and best wishes to you you you and you!!