March 19, 2011

乜都變珍饈

係,自問我真係好想減肥;但同時,我真係好唔想減。

去到今日,過了一個月,共減了5磅,營養師說效果良好,開始要再減餐單,務求下個月頭前可以減多6磅。

但,我feel到磅數已經在114-115間徘徊,落極都落唔到。

加上,天氣凍+心情不好,前日下午先好唔聽話地下午吃了個鹹魚雞粒炒飯(嘩~ 又鹹又炒,真係雙管齊下咁毒!但我都唔想,入o左去香港仔工作,附近無咩食!);而昨日,又好唔爭氣地食了菠蘿包!天呀!我真的好想吃!

到今天下午,採訪完,不斷被引誘吃crab cake + steak tartar,每款吃了一點,gulity點落到新低,點知突然被老闆急召返公司,更唔開心,又吃多了條能量捧!

明天見營養師了,老實說,我想逃避,好驚增磅,但咁減返,真係好depressed。

現在,又想起花生醬、pizza、蛋撻、麥記......

從前,不在乎的食物,現在變成珍饈...... 菠蘿包、雞蛋仔,呢D咁gei o野,我以前幾時「狠」食過吖!

真係餓起上來,屎都好食。

5 comments:

  1. 減肥最痛苦唔係捱肚餓
    而係要克制住「想食野」既心癮
    食完之後又無限gulity,好想時間倒流,乜都無發生過
    (甚至...我想嘔返出來,可惜唔識扣喉)
    其實....有d犯賤。

    ReplyDelete
  2. 我個theory係如果超級犯癮想食就食少少無壞,如果吾係到時頂吾順狂性大發亂食野咪仲死火 一個月減5磅都好健康地修身丫,加油呀daphne!

    ReplyDelete
  3. BABY..這是在msl 減肥的經路歷程! "我每次做運動都狂爆粗" << 你跟我以前差不多吧 我每次軟懶懶咁踏單車,一路踏一路憤怒地向我媽媽呻 XDD" 你本身都靚...再減多少少就PERFECT GA LA 加油LA ^^ CHEER CHEER CHEER

    ReplyDelete
  4. 噢,一看見你這篇文就身同感受.反反覆覆的減到好無癮,不過,根據我多次經驗,真是你愈抑壓就愈想食,一食又不可收拾.所以,你想食就不如當獎勵自己,咁樣減肥至可以更持久!

    ReplyDelete
  5. 係ar...我去到114個陣屋企D爸爸完全離曬位...食yogurt 同飲milk 心理上會覺得有用少少既! 胸大著婚紗又的確好睇D...無辦法, 一定有D野要犧牲ga la !加油....希望睇到你宣布達標既日誌ar XDD"

    ReplyDelete

Translate