我和陳生都係食肉獸，上星期，臨病前席，見陳生好辛苦咁上完一個master
course，加上我gei減肥campaign剛好完滿結束，於是我就在Shore訂了檯，和陳生好好食返餐。（我本身同自己講：咁耐無食大量肉，今晚
一定要癲食！點知....... 唔舒服，結果食唔到一半~~）
其實之前公關小姐都邀請過我去Shore，印象良好。
雖然是西人餐廳，不過感覺幾cozy，無乜個種high爆唔so本地人gei感覺。（我去Bistecca絕對有呢個feel~）
餐廳分上下兩層，上層是主要用餐區，下層是酒吧；我自己鍾意上層，感覺fine d，下層反而有點不侖不類，光線太猛不像酒吧，陳設卻casual得不像fine dining餐廳。
每次寫扒房，我都好想問大家，特別是食肉獸：有無最鍾意邊間扒房？我發現因為個次WATERMARK印象好好，所以一直無一家取代到佢~（不過我幾個行家都話覺得佢麻麻地...... 可能個晚我撞彩吃到水準~）
來到這裡，如果你是好肉之人應該會幾開心，因為餐廳主打自家熟成牛扒，款式、品種、部位都多，而且日日唔同，按熟成期而定，有時有USDA
Prime，有時有塔斯曼尼亞Grass fed，去到可以睇下餐廳的meat bible再決定；而牛扒則全部經炭爐燒完上檯，吃那種啖啖肉的炭火香。
上次受邀到來，我吃了魚扒，水準....... 我是沒什麼印象，記憶中煮得有點過火，肉老了；不過據講店子用的全是可持續發展海鮮，所以我都贊成大家來吃海鮮~
而是夜就USDA Prime rib eye侍候，12oz，around $400（抱歉呀，我老是忘了價錢！）。
本身我是很想試她的platter，一碟有三款不同地方/ 部位的牛肉（當天精選），不過因為上到檯來是已經切好了一片片，而我食扒很講求自己切那份感覺，所以放棄了。
吃著喝著，最深刻是薯條，很好吃，粗大脆口；薯茸，牛油味過盛，千萬別叫；牛扒......
我嫌炭香不夠，外皮亦燒得不夠脆，但整體算是滿意的，至少入口無根，又很腍軟。看openrice有人起題作"Good but not
outstanding"應該是最貼題了。
這是陳生的西冷，不及肉眼嫩軟，同樣欠炭香。
對了，另外也點了Lettuce Heart With Crab做頭盤，蟹肉很鮮很鮮，萵苣芯爽脆，醬汁特別，是沙律的別注版，吃完叫人仲肚餓......
最想彈的，是麵包。全是冷的，又硬崩崩，西人餐廳來講好少會做得咁差。一家餐廳，印象分好緊要啦~
其
次是服務，本來好地地，到來紅酒，明明我點了2008年某地的shiraz，但侍應來了2007年，我問「有拿錯嗎？」他行開問完回來，用他自己才聽到的
聲線來解釋完，就倒酒，經過一輪我不厭其煩的問，先知2008年沒貨了，結果用07年取代之~
其實我不是紅酒專家，不懂區別兩個年份之別，但不按柯打來貨，就是要問個究竟吧，否則一支值$400，一支值$4000我咪癲？
整體而言，唔...... 我寧願去BLT。
Shore
中環皇后大道中139號L Place三及四樓
2915 1638
No comments:
Post a Comment