November 16, 2010

唔食唔知咁難食

香港有許多日本餐廳匿藏在商廈內,當中水準良莠不齊,印象較深刻而出品較好的有味十味(早前介紹過了)、鳥羽、(前)炭姬(現好像改名了)、備長、鮨福助、壽司處今村...... 當然我沒有完全食過全港的上樓日本餐廳,以上純為冰山一角,所以我正努力試些未試過的,像今次的穴。

她,不是不好吃;只是...... 不如「開飯」中所說的好吃。

 我知我知,「開飯」一向不可信,作為飲食記者,要睇佢當ref確實羞恥(但我強調她是很好的餐廳搜尋器啊~~),但試問香港有咁多間日本餐廳,我點都要有點「指引」吧.......

講返食物。

除了壽司質素較好外,其他都好麻麻,像燒牛舌,係我近期吃過最渣的,爽勁欠奉,陣陣牛羶,help~~

黑豚鍋,似肥豬肉鍋多d;豬肉無豚味,亦唔甜,唔知食緊乜。

燒麵豉雞翼..... 咩來呀?唔脆唔腍唔香...... 唔知咩味,總的來說是唔係幾好食。

牛油果天婦羅蝦卷,我覺得6件裡面應該只用了2隻蝦,肉少得可憐,脆漿厚過肉,冏"。

難得諗住咁耐無見表妹,想帶她吃餐好,誰知連她都擰曬頭...... 真的對不起啊。

幸好之後醒起Paul Lafayet在皇室堡開了分店,便帶她去見識法式糕餅~~ 想不到竟遇上法籍老闆,他還一見我便叫得出我全名!呵呵~ 記性幾好!之後他仲請了我們試新出的甜品款式,為是夜挽回不少分數啊~~

噢~ 差點忘了說,穴不是沒有個人之處的,最起碼我點了5樣東西都只是$332,夠填飽你個肚...... 要是你對食沒有要求的話。

2 comments:

  1. 老老實實
    我會推介俾朋友食lee 一間
    因為朋友問" 有冇好食又平既日本野食"
    我" 冇架喎, 平既真係唔知有咩好食"
    但係lee 間 ana sushi 我推介既原因係
    你俾咁既價錢, 食到咁既野, 都算係咁.........
    完全同你講果 6 間唔同級數
    同埋再講啦, 成左令香港人開心
    好多時都會乜都有得食, 唔得專
    而你講果幾間 都比較上 專, 唔會亂咁賣野
    為左香港人既貪心, 而令好多乜都有得食既日(港)式餐廳 大行其道
    冇計啦, 老實講, 要質數一定唔係穴
    佢樣樣都唔夠人地認真....
    但係勝在價錢唔貴, 而且多野揀
    0岩曬唔係太太太有要求既香港人去食


    p.s. 如果講左d 令你/ 其他 blogger 唔舒服既說話
    我要講聲唔好意思...

    ReplyDelete
  2. 間餐廳都好似幾爆,東主話齋,對無咩要求的人來講,可以叫‘抵食’掛。 好彩有正甜品補返數je

    ReplyDelete

Translate