July 1, 2012

婚禮疑問

仲有5個月,大日子來了。

昨天"的"起心肝編了checklist,原來待辦的事情多到不行,亦原來自己超多疑問!!

希望各位姊妹可以幫忙解答解答:


1. 婚禮上的
音樂應該從何入手好?

2. 開席前、march in、簽紙時是否要不同音樂?

3.
利是封是否有不同顏色的?(係咪要方便自己辨認哪封放了幾多錢)哪裡買最平?

4. 請帖內的利是封是否一定要用
小利是封

5. 是否俾女家的請帖才要放利是?

6. 結婚當日是否遇上哪一個有份服務我們的都要
俾利是

7.
婚戒要幾耐之前買?

8. 酒店的帖是否不包印的?去哪裡印好?幾時去
印帖

9. 如果瘦o左,件
要改的嗎?

10. 我自己買了條晚裝,如果想改去邊度好?

11.
簽名冊一定要有嗎?

12. 淘寶的
人情箱真係咁好?

13. 婚後當晚的
酒店房要事先book嗎?

14. 可以
不要花球嗎?

15.
襟花係咪a must?

16.
出門係咪要擇時間?

17. 通常玩新郎玩幾耐?

** 最後,希望大家可以慷慨地share RUNDOWN給我,因為真的no idea呀!!!>口<

7 comments:

  1. 比你EMAIL/TEL我,一次過答你~^^

    ReplyDelete
  2. 1-2. 音樂自己揀自己中意嘅,攞20-30隻燒入cd就得,可以分席前、進場同晚宴嘅,我平時見席前多數純音樂會、進場可以係婚禮進曲,而晚宴可以係自己聽開的歌都得。
    3-6. 我知係會用唔同利是封按價錢分,好似10蚊、20蚊咁分啦,帖入面多數都用細size,而男女家嘅帖都要放利是,只係男家唔使餅卡,至於係咪人人俾,就自己決定,不過多數都俾,大家開心吓。
    7. 婚戒如果要訂造最遲要3個前就落單買,如果買現成就幾時都得啦,預一兩個星期改。
    8. 印帖要問番酒店喎,因為有d包有d要加錢印,我個朋友搵咗一間叫喜帖王,好似比較平,而且都唔錯,印帖要早dd,我諗都係3個月前做,以防好乜甩漏。
    9. 好似係有得改或轉size
    10. 我個blog有ref. 你睇吓啦,不過老實講,柴灣有間喺永利商場下面,我平時搵佢改衫,我覺得好ok,不過唔知佢改唔改禮服
    11. 我覺得唔一定
    12. 人情箱其實計埋運費唔係平好多,可以喺blog到seach吓有d結咗婚嘅jm,佢地會有婚後物資出售,仲平又唔使搞一輪。
    13. 係呀
    14. 比較少,但係如果自己唔想要咪唔好要
    15. 其實係,毛自己得佢最大功能係俾人識別邊個係主人家
    16. 如果要擇吉時應該喺擇日時講埋啦喎,再唔係睇通勝都得,但自己唔care呢d嘢,所以我無
    17. 預鬆d,預一個遊戲15分鐘,再加叫開門時間,三個遊戲最少都要45分鐘,仲要預攝影師影相時間呀。
    希望幫到你啦,我自己諗rundown,都係頭都大。

    ReplyDelete
  3. 1.我都係揀自己喜歡的音樂, 你自己会最消楚想自己婚礼个feel係點, 我之前去左HMV行聽左好多Jazz 同Bossa Nova的碟, 鍾意就買, 揀d歌出來燒埋一只碟, 晚宴播。而match in好多人会用傳統的婚禮進行曲, 但我揀了宇多田光的First Love(只是自己喜歡而己)
    2. 我都認為利士封分價錢顏色方便認好d, 可去旺角花墟d大型裝飾怖置店, 好似"繽紛"or"金都商場"
    3.男女家的帖都要夾利士, 意思係回定礼for他們來飲給你的人情, 利士封大小冇所謂啦
    4.結婚當日遇上哪一個有份服務你們的人都俾利士, 我都會, 這是一点心意, 大家識做開心, 但不一定全部都要大封, 視乎他的崗位
    5.介子你們鍾意几時買都得啦
    6.喜帖最遲在過大礼前兩个月印啦! 酒店多數包, 如你冇突別要求又唔想花錢, 用酒店帖都ok
    累了, 講住咁多先, 有時間你可call傾都ok ga^_~

    ReplyDelete
  4. 1. 婚禮上的音樂我是從由細開始接觸的電影配樂/OST入手, 燒入CD, 12-15首播完又播。

    2. 開席前、march in、簽紙時不同音樂, 開席時播CD, 等豎琴手彈live,, 不同音樂.....。

    3. 結左婚的jm教利是封用size大小來分, 最少的10蚊, 之後20, 50, 100。大陸荀崗扛, 但我會在百利一樓搵阿姐搞掂。

    4. 請帖內的利是封是否一定要用小利是封?係!

    5. 是否俾女家的請帖才要放利是?男女家都要, 女家派帖仲要俾埋餅card。

    6. 結婚當日是否遇上哪一個有份服務我們的都要俾利是?我會, 利利是是, 意頭, 一切順利...

    7. 婚戒要幾耐之前買?你依家好立即去買, 一口價改得快改得密, 我都未買, 依家好驚。

    8. 酒店的帖是否不包印的?去哪裡印好?幾時去印帖?.........我都唔知....

    9. 如果瘦o左,件褂要改的嗎?難d, 好難想像成身刺繡點改...不過同款通常有不同size...

    10. 我自己買了條晚裝,如果想改去邊度好? ....我都唔知....sorry

    11. 簽名冊一定要有嗎? 冇就會有d人問來問去, 好煩囉, 我用指紋樹, 當係架喇。

    12. 淘寶的人情箱真係咁好? 唔好, 我買左個改裝, 改到頭都赤, 就算靚又點, 同用個袋入冇分別, 有key都係貪好玩, 唔會保險d。當裝飾都ok, 40幾蚊連運費....

    13. 婚後當晚的酒店房要事先book嗎?事前book, 你12月係旺季, 早d book 問佢有冇discount...

    14. 可以不要花球嗎? 你唔鐘意花, 試下d另類"花"球都得, button....brooch....布花...

    15. 襟花係咪a must? 都係架....

    16. 出門係咪要擇時間? 我睇通勝, 唔係凶時就算....

    17. 通常玩新郎玩幾耐?最多45mins, 我怕太耐, 大家冇咁嘅耐性....

    ReplyDelete
  5. 您好!我是製作花球、手花、襟花及婚禮物品的,知道您的大日子臨近,歡迎參觀我的blog (Eternal Love Bouquet)。如有需要請聯絡我,看看我可否幫到您?

    ReplyDelete

Translate